Васютин, Михаил Зиновьевич
| Михаил Зиновьевич Васютин | |
|---|---|
 | |
|
| |
|
Марий Эл Республикысе Кугыжаныш Погынын депутатше
|
|
| 01.10.2024 — кызытсе жап | |
|
|
|
| Шочын |
16 пеледыш 1959 (66 ий) |
| Шинчымаш | |
Михаи́л Зино́вьевич Васю́тин (шоч. 16 пеледыш 1959, Микряк) — российысе кугыжаныш пашаеҥ. Марий Эл Республикысе Кугыжаныш Погынын председательже, Марий Эл да Россий Федерацийысе тӱвыран сулло пашаеҥже[1].
Илыш корныжо
1959 ий 16 июньышто Марий АССР Курыкмарий кундемысе Микряк селаште шочын. Школ деч вара Озаҥысе тӱвыра институтыш тунемаш пурен, тудым 1981 ийыште «Клуб пашан организатор-методистше» направлений дене тунем лектын[2].
1981 ий гыч Республикысе калык усталык да культпросветпаша шанче-методике рӱдерыште пашам ыштен: шанче методике да социологий пӧлкан вуйлатышыже, директорын алмаштышыже да директор лийын[3].
1990 ий гыч Йошкар-Оласе горисполком тӱвыра пӧлкан вуйлатышыже лийын[3].
1992 ийыште Россий сымыктыш, тӱвыра да туризм пашаеҥ-влак институтын тӱвыра да сымыктыш аланыште менеджер дипломым налын[3][2].
1997 ийыште Марий Эл Республикын тӱвыра, печать да калык-влакын пашашт шотышто министржылан шогалтыме[3].
2002 ий гыч — Марий Эл Республик виктер вуйлатышын алмаштышыже, тидын годымак министр пашам шуктен[3].
2017 ий 21 ноябрь гыч Марий Эл Республик виктер председательын икымше алмаштышыже лийын[3].
2024 ий 1 октябрьыште Михаил Васютиным Марий Эл Республикысе Кугыжаныш погынын кандашымше созывшын председательжылан ойырымо[4].
«Единая Россия» политике партийын йыжыҥъеҥже[5].
Еш
Пелашыже — Васютина Любовь Владимировна.
Йоча-влак:
- Васютин Илья Михайлович (авиаконструктор);
- Васютин Семён Михайлович (инженер)[3].
Суаптар-влак
- Марий Эл Республик тӱвыран сулло пашаеҥже (1994)
- Россий Федерацийысе тӱвыран сулло пашаеҥже (2005)
- Марий Эл Республик Виктерын Чапкагазше (2000)
- Марий Эл Республик Президентын Таумутшо (2003, 2005)
- Российысе тӱвыра, савыктыш да калык-влакын пашашт шотышто министерствын Таумутшо (2002, 2005)
- II степенян «Марий Эл ончылно суаплан» орден (2007)
- I степенян «Марий Эл ончылно суаплан» орден (2017)
- Российыште Исторический Ола ден Регион-влак Ушемын Российысе калык-влакын историй-тӱвыра да пӱртӱслӧ югыпогым арален кодымо да шукемдыме пашаште посна суаплан медаль (2002)
- Российысе калык переписьым эртарымаште суаплан (2002)
- «Российысе муниципал академий» Пӱтынь Российысе мер организацийын «М. А. Шолоховын шӱдӧ ияш лӱмгечыж лӱмеш» шарнымаш медаль (2005)
- II степенян «Российыште Мландым саемдымылан» орден (2008)
- «Идалыкын министрже» — Мер шанче-влакын тӱнямбал академийышт деч «Шӧртньӧ Лавр Укшым» кучыктымо дене чаплӱм — «Российыште Мландым саемдымылан» Калыкле Премийын Гран-приже (2009)
- Марий кугыжаныш университетын почётан профессоржо (2023)
- «Марий Эл ончылно суаплан» орденын медальже (2024)[2][3][6]
Палемдымаш
- ↑ Васютин Михаил Зиновьевич (руш.). mari-el.gov.ru. Официальный сайт Правительства Республики Марий Эл. Тергыме кече: 24 идым 2025.
- ↑ 1 2 3 Васютин Михаил Зиновьевич (руш.). Минкультуры Республики Марий Эл (12 теле 2023). Тергыме кече: 24 идым 2025.
- ↑ 1 2 3 4 5 6 7 8 Васютин Михаил Зиновьевич (руш.). kidsher.ru (30 идым 2024). Тергыме кече: 24 идым 2025.
- ↑ Дарья Богданова (2024-10-01), Председателем Государственного собрания Марий Эл восьмого созыва избран Михаил Васютин, <https://www.marpravda.ru/news/sociym/predsedatelem-gosudarstvennogo-sobraniya-mariy-el-vosmogo-sozyva-izbran-mikhail-vasyutin/>. Тергыме: 24 идым 2025.
- ↑ Васютин Михаил Зиновьевич, <https://mari-el.er.ru/person/3651a8a2-6d6e-4aa2-ab60-8e88bd9207fd>. Тергыме: 24 идым 2025.
- ↑ Медалью ордена «За заслуги перед Марий Эл» награжден первый заместитель председателя правительства, 2024-06-11, <https://metr12.ru/telekanal-metr/news/32137-ordenom-za-zaslugi-pered-marij-jel-nagrazhden-pervyj-zamestitel-predsedatelja-pravitelstva.html>. Тергыме: 24 идым 2025.