Кашников, Андрей Фёдорович

РУВИКИ — эрыкан энциклопедий гыч материал
Андрей Фёдорович Кашников
Кашников, Андрей Фёдорович.jpg
Шочмо кече 25 кылме 1896(1896-11-25)
Шочмо вер
Колымо кече 28 вӱдшор 1957(1957-04-28) (60 ий)
Колымо вер
Гражданлык  Россий империй →  СССР
Паша сомыл журналист, партий пашаеҥ
Награде да премий

Орден «Знак Почёта»  — 1946
Марий АССР Кӱшыл Каҥаш Президиумын чаптаныкше (1944, 1946, 1953, 1956)

Андрéй Фёдорович Кáшников (25 кылме 1896, Захарьино[d], Середа волость[d], Данилов уезд[d], Ярославль губерний[d], Россий империй — 28 вӱдшор 1957, Йошкар-Ола, Марий Автоном Совет Социализм Республик, РСФСР[d], СССР) — совет журналист, партий да администраций пашаеҥ. «Марийская правда» газетын муткучышо редакторжо (1935—1939), Марий АССР Совнарком пелен Сымыктыш паша шотышто виктем вуйлатыше (1939—1943), Марий АССР Госпланын председательже (1943—1947). Икымше тӱнямбал сарын салтакше. 1922 ий гыч ВКП(б)-ын йыжыҥъеҥже.

Илыш корныжо

1896 ий 25 ноябрьыште кызытсе Ярославль область Даниловск район Захарьино ялысе кресаньык ешеш шочын[1][2].

1915 ийыште армий службыш налме. Икымше тӱнямбал сарын  (руш.) (мар. салтакше, сусырген, йолжым йомдарен[1].

1919 ийыште эмгак-влакым туныктымо курсым тунем лектын[1].

1921 ийыште — Ярославль губернийын «Угличская правда» газетын редакторжо[2].

1922—1935 ийлаште — ВКП(б)-ын Даниловск уезд комитетын пӧлка вуйлатышыже, секретарьже, Ярославль партий школын вуйлатышыже, Н. К. Крупская лӱмеш Коммунист ончен-куштымаш Академийыште АХЧ-н вуйлатышыже, Зарайск йолчием фабрикысе партий организацийын  (руш.) (мар. секретарьже[2].

1935 ий гыч — «Марийская правда» газетын редакторжо[3]. Репрессий политикым чолган илышыш шыҥдарыше, тидлан кӧра шуко вуйшиймаш да шоя титаклан кӧра ВКП(б) гыч лукмо, паша гыч кораҥдыме. Икмыняр жап гыч партийыш уэш пуртымо[1].

1939—1943 ийлаште — Марий АССР Совнарком пелен Сымыктыш паша шотышто Виктемым вуйлатыше. 1943 ий гыч — Марий АССР Госпланын председательже, 1947 ий гыч — газет да радиожурналист[1][2][4].

1938—1947 ийлаште Марий АССР Кӱшыл Каҥашын 1-ше созывысе депутатшылан сайлалтын[5].

1957 ий 28 апрельыште Йошкар-Олаште колен[1][2].

Суаптар-влак

Палемдымаш

  1. ↑ 1 2 3 4 5 6 7 8 Мочаев, 2017, с. 197.
  2. ↑ 1 2 3 4 5 6 Кашников Андрей Федорович (руш.). ubiley. Тергыме кече: 20 шорыкйол 2026.
  3. ↑ Музей Марийской правды (руш.). www.marpravda.ru. Тергыме кече: 20 шорыкйол 2026. Архивлыме 28 кылме 2021 ий.
  4. ↑ Стр. 26 - Кашников Андрей Федорович (1896-1957). gosarhivrme.ru. Тергыме кече: 20 шорыкйол 2026.
  5. ↑ Официальный сайт Госсобрания Республики Марий Эл. old.gsmari.ru. Тергыме кече: 20 шорыкйол 2026.

Литератур

  • Мочаев В. А., Сануков К. Н. Кашников Андрей Фёдорович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 167. — 2032 экз. — ISBN 5-87898-357-0.
  • Мочаев В. А., Сануков К. Н. Кашников Андрей Фёдорович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 197. — 606 с. — 1500 экз. — ISBN 978-5-905314-35-3.

Кылвер-влак

"https://mhr.ruwiki.ru/w/index.php?title=Кашников,_Андрей_Фёдорович&oldid=1234096" гыч налме