Калягина, Людмила Васильевна

РУВИКИ-ште тыгай тукымлӱм дене вес еҥ нерген статьям лудаш лиеш: Калягин.

Людмила Васильевна Калягина
Шочмо кече	11 ага 1936(1936-05-11)
Шочмо вер	Данилово (Йошкар-Ола ола округ), Марий АССР, СССР
Колымо кече	14 вӱдшор 2000(2000-04-14) (63 ий)
Колымо вер	Чита, Россий
Эл	СССР  Россий
Паша сомыл	туныктышо
Награде да премий

Людмила Васильевна Калягина (1936—2000) — совет туныктышо, Чита область Смоленке селасе кыдалаш школ директор. СССР просвещенийын отличникше (1969), РСФСР школын сулло туныктышыжо (1975), Социалистический Паша Герой (1978).

Биографий

Калягина Людмила Васильевна 1936 ий 11 майыште Марий АССР-ысе Данилово ялыште шочын.

1956 ийыште Йошкар-Оласе педагогике училищым тунем пытарен. Училище деч вара пашаш Чита область Смоленке селашке Чита районысо Смоленке тӱҥалтыш школышто тӱҥалтыш класслаште туныктышылан колтеныт. 1962 ий гыч Смоленке селасе кыдалаш школ директорлан пашам ыштен.

1971 ийыште Чита кугыжаныш педагогике институтым заочно тунем пытарен.

1978 ийыште Калгиналан Социалистический Паша Герой лӱмым пуымо, Ленин орден ден «Сорла ден Чӧгыт» шӧртньӧ медальым кучыктымо.

Калягина Людмила Васильевна 2000 ий 14 апрельыште Читаште колен.

Награде ден лӱм-влак

• Калгинам Ленин орден да «Сорла ден Чӧгыт» шӧртньӧ медаль дене суапландарыме, тыгай лӱм-влак дене палемдыме:
• Калык просвещенийын отличникше (1963)
• СССР просвещенийын отличникше (1969)
• РСФСР школын сулло туныктышыжо (1975)
• Социалистический Паша Герой (1978)
• Чита областьын почётан гражданинже (1997)

Шарныш

Смоленке с. кыдалаш общеобразовательный школышто Калягина Людмила Васильевна лӱмеш школ тоштерым ыштыме.

Литератур

• Энциклопедия Забайкалья Калягина Людмила Васильевна
• Кутюков В. Г. Калягина Людмила Васильевна // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 190. — 606 с. — 1500 экз. — ISBN 978-5-905314-35-3.

Кылвер-влак

• Калягина Людмила Васильевна на сайте «Герои страны»