Индыралтше еҥ-влаклан полышым пуымо тӱнямбал кече

Индыралтше еҥ-влаклан полышым пуымо тӱнямбал кече
Индыралтше еҥ-влаклан полышым пуымо тӱнямбал кече
Тӱрлылык	Орландарымаш, преступленийын жертвыже.
Официал	International Day in Support of Victims of Torture
Ыҥ	Индырымашым пӱтынек пытарымаш, тыгак орланен колышо-влакым шарнымаш да илен кодшо-влаклан полышым пуымаш.
Ышталтын	1997 ий 12 декабрьыште (52/149 №-ан резолюций)
Ыштыше	ООН-ын Генеральный Ассамблейже
Палемдат	Тӱнямбал пайрем
Кече	26 пеледыш
Кылдалтын	1945 ий 26 июньышто ООН-ын йыжыҥъеҥже-влакын ен-шамычын праваштым сайлан шотлымо да вияҥдыме шотышто ООН Уставыш кидпалым пыштыме; 1987 ий 26 июньышто индырыме ваштареш Конвенцийыш кидпалым пыштыме.

Индыралтше еҥ-влаклан полышым пуымо тӱнямбал кече ( ООН-ын моло официал йылмыла дене: англ. International Day in Support of Victims of Torture, араб. اليوم العالمي للأمم المتحدة لمساندة ضحايا التعذيب, ‎исп. Día Internacional de las Naciones Unidas en Apoyo de las Víctimas de la Tortura, кит. 支持酷刑受害者國際日, фр. Journée internationale des Nations unies pour le soutien aux victimes de la torture ) — 26 июньышто палемдалтеш, ООН-ын Генеральный Ассамблейже 1997 ий 12 декабрьыште лӱмын лукмо пунчал дене увертарен (52/149-ше №-ан).

ООН-ын резолюцийыште каласыме, тиде тӱнямбал кече индырымашым пӱтынек пытарышаш верч да 1984 ийысе «Айдемын лӱмнержым волтышо орлык ваштареш, ормыжын ӱчым пӧртылтымӧ да моло осал пашам пытарышаш верч Конвенцийым» пайдалынрак кучылташ виктаралтын.

ООН-ын Генеральный секретарьже 2006 ийысе серышыштыже тиде Тӱнямбал кече шотышто палемден: кеч тидым ышташ нимогай ваштареш ой деч посна шукертак чарыме, индырымаш умбакыжат шуйна. Тудо чыла кугыжанышым индырыме ваштареш Конвенцийым да факультатив возыктышым ратифицироватлаш ӱжеш. Серышыште тыгак ООН-ысо Шке кумылын тыршыше Фондын индыралтше-влаклан, нунын ешыштлан полышым пуымо шотышто каласыме. Фондын 25 ияш лӱмгечыжым 2006 ийыште палемдыме.

Кылвер-влак