Иванов, Иван Иванович

РУВИКИ — эрыкан энциклопедий гыч материал
РУВИКИ-ште тыгай тукымлӱм дене вес еҥ нерген статьям лудаш лиеш: Иванов.
Иван Иванович Иванов
Иванов, Иван Иванович (государственный деятель).jpg
Шочмо кече 1 шорыкйол 1889(1889-01-01)
Шочмо вер
Колымо кече 10 вӱдшор 1941(1941-04-10) (52 ий)
Колымо вер
Гражданстве  Россий империй →  СССР
Паша кугыжаныш пашаеҥ
Шинчымаш кыдалаш
Верам кучымаш уке
Партий ВКП(б)
Тӱҥ идей коммунизм

Ивáн Ивáнович Иванóв (1 шорыкйол 1889, Попово[d], Старица уезд[d], Тверь губерний[d], Россий империй — 10 вӱдшор 1941, Моско, РСФСР[d], СССР) ― совет кугыжаныш да партий пашаеҥ. Марий кундемысе РКП(б) / ВКП(б) комитетын икымше секретарьже (1923—1926). СССР ВЦИК ден ЦИК-ын йыжыҥъеҥже (1924—1927). РКП(б) / ВКП(б) XIII, XIV погынлажын делегатше (1924, 1925). 1917 ийысе Февраль революцийын да Граждан сарын участникше.

Илыш корныжо

1889 ий сентябрьыште Тверь область Старица район Попово ялысе кресаньык ешеш шочын. 1903 ийыште шочмо ялысе школым тунем пытарен. Шем пашазе (чернорабочий), 1913—1918 ийлаште Петроградысе сарзе заводышто литейщиклан тыршен[1][2].

1911—1913 ийлаште Кронштадтыште армий службым эртен. 1917 ий февральыште РСДРП йыжыҥъеҥ лийын, Февраль революцийыште кредалын. 1918 ий гыч Пензыште, Граждан сарын  (руш.) (мар. участникше: Йошкар гвардий часть-влакым чумырышо да нунын вуйлатышыже. Пензыште 1918—1920 ийлаште оласе Каҥашын председательже, 1920—1921 ийлаште — губернийысе исполком председательын алмаштышыже, 1922—1923 ийлаште — губернийысе РКП(б) комитетын оргпӧлка вуйлатышыже лийын[1][2][3].

Чарлашке колтымо: 1923—1926 ийлаште — РКП(б) / ВКП(б) Марий обкомын икымше секретарьже, Марий ОБИК Президиумын йыжыҥъеҥже. 1924—1927 ийлаште СССР ВЦИК ден ЦИК-ын йыжыҥъеҥже, 1924—1925 ийлаште — РКП(б) / ВКП(б) XIII да XIV погынлан делегатше лийын. ВКП(б) йыжыҥъеҥлан келшыдыме икмыняр йоҥылыш пашам ыштымылан титаклалтын, паша гыч кораҥденыт да «пашазе районысо ӱлыл пашаш» колтеныт[1][2][3].

1927 ий гыч Брянскысе транспорт пашазе-влак профушемын председательже лийын. 1928 ийыште Москош илаш куснен: металлист-влакын кундемысе профкомын кадр пӧлкажым вуйлатыше, 1930 ий гыч — Центросоюз предприятийлаште вуйлатыше пашаеҥ, 1937 ий гыч — ОКС начальник, Химий машина чоҥышо тӱҥ виктем начальникын алмаштышыже[1][2][3].

1941 ий 10 апрельыште Москошто илыш дене чеверласен[1][2][3].

Палемдымаш

  1. ↑ 1 2 3 4 5 Мочаев, 2007, с. 145.
  2. ↑ 1 2 3 4 5 Энциклопедия Республики Марий Эл, 2009, с. 389.
  3. ↑ 1 2 3 4 Справочник по истории Коммунистической партии и Советского Союза 1898 - 1991. www.knowbysight.info. Тергыме кече: 18 пургыж 2026. Архивлыме 2 сӱрем 2022 ий.

Литератур

  • Иванов Иван Иванович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 145. — 2032 экз. — ISBN 5-87898-357-0.
  • Иванов Иван Иванович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 389. — 872 с. — 3505 экз. — ISBN 978-5-94950-049-1.
  • Опарина Т. Т., Сануков К. Н. Иванов Иван Иванович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 168. — 606 с. — 1500 экз. — ISBN 978-5-905314-35-3.

Кылвер-влак

"https://mhr.ruwiki.ru/w/index.php?title=Иванов,_Иван_Иванович&oldid=1232812" гыч налме