Иванов, Анатолий Георгиевич

Анатолий Георгиевич Иванов
Анатолий Георгиевич Иванов
Шочмо кече	1 вӱдшор 1983 (42 ий)
Шочмо вер	Кужэҥер район, Марий Эл Республик
Пурымаш	Россий
Кредалмаш/сар	Украиныште сарзе действий

Анатолий Георгиевич Иванов — Россий Федерацийысе Обороно министерствын десант-штурм полкшын танк ваштареш кредалше взводын изирак лейтенантше. Россий Федерацийын Талешкыже^[1].

Илыш корныжо

Анатолий Георгиевич Иванов Марий Эл Республикысе Кужэҥер вел Коклаялыште 1983 ий 1 апрельыште шочын^[2]. Ешыште кумшо йоча лийын, изаже — Николай, акаже — Ольга. Ачаже Георгий Платонович (23.08.1954) «Маяк» колхозышто 42,5 ий тыршен. Аваже, Нина Игнатьевна (14.06.1961), сӧснам ончышылан, варажым школысо интернатыште нянылан пашам ыштен. Анатолий Шорсола йочасадыш коштын, 1989 ийыште Шорсола школын икымше классышкыже каен. 2000 ийыште школым сайын тунем лектын.

Сарзе илышыже

2001 ий 21 июнь гыч Россий Армийыш налалтын.
2001—2003 ийлаште салтак порысшым Чечня Республикыште шуктен.
2003—2005 ийлаште Россий обороно министерстве дене контрат почеш Чечня Республикыште служиен.
2007 ий гыч контракт почеш 7-ше Гварийысе десант-штурм дивизийын 108-ше гвардий десант-штурм полкыштыжо служия.
2008 ийыште Грузийыште тыныс верч вашшогымо операцийыште лийын.
2014 ийыште Крымым Российыш ушымо операцийыште лийын.
2018 ийыште Сирийысе командировкышто лийын.
2022 ий 28 февраль гыч СВО-што улеш. Херсоным утараш сар кӱштыкым шуктымаште, Николаев олам штурм дене налмаште, Херсон кундемым аралымаште, ВСУ-н Запорожьесе контрнаступленийым темдалмаште, тысе Вербовое илемысе вашпижмаште лийын.
2024 ийысе увер почеш, танк ваштареш кредалше десант-штурмовый полкышто Николай изаж дене пырля служитлат, тудат сарзе пашам ойырен^[3].
2024 ийыште Анатолий Иванов «Российын Талешкыже» чап лӱмым налын. Наградым пуымо церемоний Кремльысе Екатеринысе залыште эртен. Россий Талешкын «Шӧртньӧ Шӱдыржым» Россий Федерацийын Президентше Владимир Путин шкежак кучыктен (30.05.2024)^[4].

Российын президентше Владимир Путин Анатолий Ивановлан Россий Талешкын «Шӧртньӧ Шӱдыржым» кучыкта (30 май 2024)

Ешыже

Анатолий Георгиевич Иванов ешан, эрге ден ӱдырым кушта. Ачаж ден аваже сулен налме канышыште улыт. Георгий Платонович «Салтакын ачаже» калык пагалымаш медаль дене суапландаралтын.

Суаптарже-влак

Россий Федерацийысе Обороно министерствын медальже-влак:

«Сарзылык ойыртемалтмылан»;
2-шо степенян «Сарзе патырлыклан»;
II степенян «Сарзе службышто ойыртемалтмылан»;
III степенян «Сарзе службышто ойыртемалтмылан»;
«Сирийысе сар операцийым шуктымылан»;
«Сеҥымаш кечын сарзе парадыште лиймылан».

Ойыртемалтше тамга-влак:

«Кавказыште служымылан» шем ырес;
«Грузийым тыныслан ӧкымлымӧ теҥызысе операцийым шуктымаште лийшылан»;
Россий Федераций Талешкын «Шӧртньӧ шӱдыржӧ» (30.05.2024) — лӱмын ыштыме сар операцийым шуктымо годым патырлыкым да талылыкым ончыктымыжлан^[4];
Патырлык орден^[3].

Тыгак ончо

Палемдымаш

↑ Президент Российской Федерации Владимир Владимирович Путин вручил нашему бойцу, уроженцу Куженерского района, Анатолию Георгиевичу Иванову Звезду Героя. (неопр.) героипфо.рф (пеледыш 2024). Дата обращения: 5 пеледыш 2024.
↑ Звание Героя России получил уроженец Республики Марий Эл (неопр.). mk-mari.ru (31 ага 2024). Дата обращения: 5 пеледыш 2024.
↑ ¹ ² Всё о новом герое России из Марий Эл: репортаж из родной деревни Анатолия Иванова (неопр.). Марийская правда (6 пеледыш 2024). Дата обращения: 6 пеледыш 2024.
↑ ¹ ² Церемония вручения государственных наград (неопр.). kremlin.ru (30 ага 2024). Дата обращения: 30 ага 2024.

Кылвер-влак

[1] Президент Российской Федерации Владимир Владимирович Путин вручил нашему бойцу, уроженцу Куженерского района, Анатолию Георгиевичу Иванову Звезду Героя. (неопр.) героипфо.рф (пеледыш 2024). Дата обращения: 5 пеледыш 2024.

[2] Звание Героя России получил уроженец Республики Марий Эл (неопр.). mk-mari.ru (31 ага 2024). Дата обращения: 5 пеледыш 2024.

[:0-3] ¹ ² Всё о новом герое России из Марий Эл: репортаж из родной деревни Анатолия Иванова (неопр.). Марийская правда (6 пеледыш 2024). Дата обращения: 6 пеледыш 2024.

[:1-4] ¹ ² Церемония вручения государственных наград (неопр.). kremlin.ru (30 ага 2024). Дата обращения: 30 ага 2024.

[1]

[2]

[3]

[4]