Заболотский, Феликс Фёдорович
| Феликс Фёдорович Заболотский | |
|---|---|
 | |
| Шочмо кече | 1927 ий 15 ага (99 ий) |
| Шочмо вер | Чистополь, Татар АССР, СССР |
| Гражданлык |
 СССР →  Россий |
| Паша сомыл | инженер, технолог |
| Награде да премий |
|
Фе́ликс Фёдорович Заболо́тский (шоч. 15 ага 1927, Чистополь[d], Татар Автоном Совет Социалистик Республик, РСФСР[d], СССР) — совет машиначоҥышо пашаеҥ, инженер. Марий машиначоҥышо заводын тӱҥ технологшо, тӱҥ инженерже (1964―1997). СССР Кугыжаныш премийын лауреатше (1978). Марий АССР-ын сулло рационализаторжо (1965).
Илыш корныжо
1927 ий ага тылзын 15-ше кечынже Татар АССР Чистополь олаште шочын[1][2][3].
1942 ийыште Марий машиначоҥышо заводышто пашам ышташ тӱҥалын: станокзе, мастар, цехвуйлатышын алмаштышыже, 1964 ий гыч — тӱҥ технолог, 1977—1997 ийлаште — тӱҥ инженер. Пашам коддыде, Марий радиомеханике техникумым, 1961 ийыште — Москосо пӱтынь ушемысе машиначоҥышо институтым тунем пытарен[1]. 1950 ий гыч 29 техникым уэмдыме йӧным да рационализатор темлымашым шыҥдарен, тыгак вичшпинделян автомат кышкарым ыштен, тиде икмыняр операцийым почела шукташ йӧным пуэн. Тыгак посна сомылым шукташ ыштыме техникым, икмыняр неле чоҥыш кышкарым тӱшка ыштен лукмашке шыҥдарыше айдеме семын палыме[1][2][3][4][5].
Йӧнозанлыкым вияҥдымашке надырлан «Чап Тамга» да Пашан Йошкар Тистыже орден дене палемдыме. 1965 ийыште тудлан «Марий АССР-ын сулло рационализаторжо» чаплӱмым пуымо. 1978 ийыште СССР Кугыжаныш премийын лауреатше лийын[1][2][3].
Чап лӱм да суаптар
- СССР Кугыжаныш премий (1978)[1][2][3]
- Пашан Йошкар Тистыже орден (1979)[1][2][3]
- «Чап Тамга» орден (1971)[1][2][3]
- Марий АССР-ын сулло рационализаторжо (1965)[1][2][3]
Палемдымаш
- ↑ 1 2 3 4 5 6 7 8 Мочаев, 2007, с. 130.
- ↑ 1 2 3 4 5 6 7 Заболоцкий Феликс Федорович | Сельскохозяйственная техника АО ММЗ (руш.). agro.marimmz.ru. Тергыме кече: 26 шорыкйол 2026.
- ↑ 1 2 3 4 5 6 7 Заболотский Феликс Федорович (руш.). Марийская история в лицах. Тергыме кече: 26 шорыкйол 2026. Архивлыме 15 ага 2022 ий.
- ↑ Заболотский Феликс Фёдорович изобретатель и автор патентов - PatentDB.ru (руш.). patentdb.ru. Тергыме кече: 26 шорыкйол 2026. Архивлыме 15 ага 2022 ий.
- ↑ Офтальмологический инструмент (руш.). findpatent.ru. Тергыме кече: 26 шорыкйол 2026. Архивлыме 29 идым 2018 ий.
Литератур
- Андреев В. П. Страницы истории развития промышленности Марийской АССР (1945―1980 гг.) / В. П. Андреев; Мар. гос. техн. ун-т. ― Йошкар-Ола: Мар. гос. техн. ун-т, 1999. ― 129, [1] с.: ил., карт., портр.; 20 см; ISBN 5-8158-0051-1.
- Алтышева Л. М. Заболотский Феликс Фёдорович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 130. — 2032 экз. — ISBN 5-87898-357-0.
- Алтышева Л. М. Заболотский Феликс Фёдорович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 151. — 606 с. — 1500 экз. — ISBN 978-5-905314-35-3.
Кылвер-влак
- Ага тылзын 15 кечынже шочшо-влак
- 1927 ийыште шочшо-влак
- Алфавит почеш персоналий-влак
- Чистопольыште шочшо-влак
- СССР-ысе кугыжаныш премийын лауреат-влакше
- Паша Йошкар Тисте орден дене суапландаралтше-влак
- «Почёт пале» орден дене суапландаралтше-влак
- СССР-ысе инженер-влак
- СССР-ысе машина чоҥышо-влак
- Марий Элысе йӧнозанлык пашаеҥ-влак
- Марий АССР-ын сулло рационализаторжо-влак
- Москосо прибор чоҥышо институтым тунем лекше-влак