Ермакова, Зинаида Васильевна
| Зинаида Васильевна Ермакова | |
|---|---|
| Зинаида Ермакова | |
 | |
| Шочмо годсо лӱм | Зинаида Васильевна Ермакова |
| Шочмо кече | 1946 ий 28 идым (79 ий) |
| Шочмо вер | РСФСР, Марий АССР, Шернур кундем, Кожласола ял |
| Гражданлык |
 СССР Россий |
| Паша сомыл | серызе, почеламутчо, журналист |
| Награде да премий |
|
Зинаида Ермакова (Зинаида Васильевна Ермакова) (шоч. 29 идым 1946, Кожласола (Марийсола ял шотан илем), Марий Автоном Совет Социализм Республик) — туныктышо, краевед, марла почеламутчо, Россий серызе-влак ушемын йыжъеҥже (2007), Марий АССР-ын сулло туныктышыжо (1988).
Илыш корныжо
Зинаида Ермакова 1946 ийын идым тылзын 28-ше кечынже Марий АССР Шернур кундем Кожласола ялысе кресаньык ешеш шочын.
1954—1964 ийлаште Марисола кыдалаш школышто шинчымашым поген. Туныктышо да серызе А. Березинын вуйлатыме сылнымут кружокыш коштын. Спорт дене пеҥгыде кылым кучен.
1964—1969 ийлаште Н. Крупская лӱмеш Марий кугыжаныш педагогике институтышто тунемын, шочмо йылмым да сылнымутым туныктышо специальностьым налын.
Шернурысо комсомол райкомышто инстукторлан (1969-1970), Мустай школышто (1970-1974) физкультурым, шочмо йылмым туныктышылан тыршен.
1969, 1974—1999 ийлаште Марисола школышто шочмо йылме да сылнымут урокым туныктен. Тунамак сылнымут кружокым вӱден. Тудын тунемшыже-влак: Марий Элын калык серызыже Зоя Дудина-Глушкова, Марий Эл тӱвыран сулло пашаеҥже-влак Светлана Григорьева-Архипова, Юрий Соловьев да молат.
Поэт да киноартист Йыван Кырлан илышыжым шымлымаште, сылнымутшым аралымаште кугу пашам ыштен шога.
Йыван Кырла лӱмеш Марисола школышто Сылнымут тоштерым чумырен да почын. Уна-влакым вашлийын, экскурсийым эртара.
Шернурысо туризмым вияҥдымашке кугу надырым пыштен.
1999 ий гыч сулен налме канышыште. Мер пашаште чолган тырша. Марисола ялысе книгагудо пелен Ӱдырамаш-влак ушемыште шога. Оно-Морко Агавайремым арален кодымаште тырша, Марисолаште Поҥго пайремым шочыктен.
Чаплӱм да суаптар-влак
- «РСФСР калык туныктымашын отличникше» оҥ тамга (1981).
[1] «Пашан ветеранже» медаль (1985).
Н. К. Крупская лӱмеш медаль (1986).- Марий Эл Республикын сулло туныктышыжо (1988).
«Чап Тамга» орден (1996).- Шабдар Осып лӱмеш сылнымут премий ( 1999).
- Россий Серызе-влак ушемын йыжъеҥже (2007).
- Василий Шукшиным шарныме лӱмеш Россий Федерацийысе серызе-влак ушемын шӧртньӧ медальже (2024)
Тӱҥ произведенийже-влак
- Садеран рвезылык : почеламут-вл. [Юность в цвету : стихи]. Йошкар-Ола, 1977. 40 с.
- Телын саламже : почеламут-вл. [Поклон зимы : стихи]. Йошкар- Ола, 1992. 16 с.
- Почеламут-влак //Тылат. Йошкар-Ола, 1994. С. 97—101.
- Школ йолгорнышто ; Йыван Кырлан пӧртылмыжӧ : поэма-вл. // Марисолан мут сылныже. Йошкар-Ола, 1995. С. 69—113.
- Почеламут-влак // Ончыко. 2001. № 9. С. 79—84.
- Садеран корнывожышто : почеламут, поэма-вл. [На перепутье : стихи и поэмы]. Йошкар-Ола, 2002. 126 с.
- Чоя Марусь : йоча почеламут-вл. [Хитрая Маруська : стихи для детей]. Йошкар-Ола, 2006. 20 с.
Илышыже да творчествыже нерген литератур
- Селедкин А. Поро памаш // Марий коммуна. 1972. 2 июнь.
- Глушкова 3. Туныктышо, поэтесса // Ончыко. 2001. № 9. С. 77—78.
- Глушкова 3. «Шке лӱмна верч шкан тургыжланыман…» // Ончыко. 2006. № 8. С. 100—102.
- Глушкова 3. Шочмо сылнымутын ӱшанле йолташыже // Марий Эл. 2006. 21 янв.
- Дудина 3. «Тендан дене келшыме жапемым шарнаш пайремла тӱҥалам…» // Марий Эл. 2006. 27 сент.
- Тимофеева В. Теве тыгай тудо — Зинаида Ермакова // Марий Эл. 2007.3 авг.
- МБЭ. Йошкар-Ола, 2007. С. 123.
- Соловьев Ю. Ава гаяк лийын мыланна // Ончыко. 2016. № 9. С. 112—115.
- Зоя Дудина. «Тендан ден келшыме жапемым…// Шийгорнышто» — Йошкар-Ола, Марий книга савыктыш. 2024. С. 341—354
Палемдымаш
Литератур
- * Мочаев В. А., Колесников А. Ю. Ермакова Зинаида Васильевна // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 141. — 606 с. — 1500 экз. — ISBN 978-5-905314-35-3.