Гришин, Виктор Семёнович

РУВИКИ — эрыкан энциклопедий гыч материал
Виктор Семёнович Гришин
Гришин Виктор Семёнович.jpg
Шочмо кече 1942 ий 6 шыжа(1942-10-06)
Шочмо вер Чубарово, Сасово район, Рязань вел, РСФСР, СССР
Колымо кече 2019 ий 31 ӱярня(2019-03-31) (76 ий)
Колымо вер Йошкар-Ола, Россий
Гражданстве  СССР →  Россий
Профессий актёр, театр туныктышо
Усталык жап 1971—2019
Амплуа трагик, комик
Театр Георгий Константинов лӱмеш руш академ драме театр
Суаптар Россий Федераций Президентын Чаптаныкше — 2017
Медаль ордена «За заслуги перед Марий Эл»
Марий Эл Республикын калык артистше (2007)
Марий Эл Республикын сулло артистше (1999)
Йыван Кырла лӱмеш калыкле театр премий

Виктор Семёнович Гришин (6 шыжа 1942, Чубарово[d], Рязань область — 31 ӱярня 2019, Йошкар-Ола) ― совет да российысе театр актёр, театр туныктышо. Марий АССР Республикысе руш драме театрын актёржо (1974―1978, 1984―2019). Марий Эл Республикын калык артистше (2007). Марий Эл Республикын сулло артистше (1999). Йыван Кырла лӱмеш калыкле театр премийын лауреатше.

Илыш корно

1942 ий 6 ноябрьыште Рязань кундем кызытсе Сасово район Чубарово селасе кресаньык ешеш шочын[1][2].

1960 ийыште Каргашино кыдалаш школым, 1962 ийыште ― Рязань областьысе Шацк  (руш.) (мар. тӱвыра-сотемдарыше училищым тунем пытарен[1][2].

1962―1966 ийлаште флотышто служитлен.

1971 ийыште Москосо тӱвыра институтым  (руш.) (мар. тунем пытарен[1][2].

1971―1978 ийлаште ― Рязань кундемысе тӱвыра виктемын инспекторжо, Озаҥыште В. И. Качалов лӱмеш театр режиссёрын полышкалышыже.

1980 ийлаште М. Ю. Лермонтов лӱмеш Руш драме театрын актёржо, 1982―1984 ийлаште ― Котласысе драме театрын (Архангельск область) актёржо[1][2].

1974―1978 да 1984―2019 ийлаште ― Марий АССР-ысе Республикысе руш драме театрын (кызыт — Георгий Константинов лӱмеш руш академ драме театр) актёржо[1][2][3].

1980―1982 да 1984―2012 ийлаште — И. С. Палантай лӱмеш Марий сымыктыш колледжын сценысе ойым туныктышыжо[1][2].

2019 ий 31 мартыште Йошкар-Олаште модшаш «Корсиканка» спектакль ончыч колен[4][5][6].

Театр да педагогике паша

Йошкар-Оласе Руш драме театрын сценыштыже 100 утла рольым модын, театрыште культым кучышо айдеме лийын. Тудо кеч-могай рольымат тыматлын аклен модмо да пеш тыршен ямдылалтме дене ойыртемалтын, нунын усталык кумдыкшо кумда — пӱсӧ койыш гыч драме марте лийын[6][7].

Кызыт тудын тунемшыже-влак Г. Константинов лӱмеш Академий руш драме театрын, Йоча да самырык-влаклан Марий республикысе театр-рӱдерын (ТЮЗ), Республикысе курчак театрын, тыгак А. В. Баталов лӱмеш Кугыжаныш руш драме театрын (Бугульма ола, Татарстан Республик), «Шут» Воронежысе кугыжаныш курчак театрын сценылаштыже пашам ыштат. Шуко тунемшыже-влак кӱшыл тунемме тӧнежым тунем пытареныт да театр тӧнежлаште пашам ыштат[6][7].

Студент-влак дене пырля сылнымут-сем композиций-влакым да сылнымут спектакль-влакым ямдылен, студент-влак Марий Элын книгагудылаштыже да тӱвыра тӧнежлаштыже шке моштымашыштым ончыктеныт. 2001 ий гыч И. С. Палантай лӱмеш Марий республикысе тӱвыра да сымыктыш колледж негызеш эртаралтше «Театральное студенчество» тӱвыра да сымыктыш тунемме тӧнеж-влакын Калык-влак кокласе фестиваль-лабораторийын еҥже лийын. Лабораторий кышкарыште эре почылтшо урок, мастер-класс-влакым эртарен, тиде пашаже калыкыште кугу йодмаш дене пайдаланен[6].

2007 ийыште тудлан «Марий Эл Республикын калык артистше» чаплӱмым пуымо. Йыван Кырла лӱмеш калыкле театр премийын лауреатше улеш. Тӱрлӧ кӱкшытан медаль да чаптанык-влак дене палемдалтын[1][2]. Туныктымашын кӱкшӧ профессионал кӱкшытшӧ да кыдал профессионал шинчымаш кышкарыште шуко ияш поро пашалан Марий Эл Республикын Профессионал шинчымаш кугыжаныш комитетын Чап грамотыж дене палемдалтын, ик гана веле огыл И. С. Палантай лӱмеш Марий республикысе тӱвыра да сымыктыш колледжын Тауштымаш ден Чап грамотыж дене палемдалтын[6].

Тӱҥ роль-влак

В. С. Гришинын тӱҥ рольжо-влак лӱмер[1][2][6]:

  • Непутёвый («На бойком месте» А. Островский)
  • Дон Грегорио («Цианистый калий…с молоком или без?» Х. Мильян)
  • Дедушка («Моя профессия — синьор из общества» Д. Скарниччи, Р. Тарабузи)
  • Моро («Мужчина для женщин» М. Эме)
  • Лебедев («Идиот» Ф. Достоевский)
  • Швохнев («Игроки» Н. Гоголь)
  • Луиджи Палья («Осенняя история» А. Николаи)
  • Оргон («Тартюф» Ж.-Б. Мольер)
  • Барон («Маленькие трагедии» А. Пушкин)
  • Костылев («На дне» М. Горький)
  • Волшебник («Точка зрения» В. Шукшин)
  • Бургомистр («Визит дамы» Ф. Дюрренматт)
  • Мырзанай, хан Сафа-Гирей, князь Дмитрий Бельский («Марш Акпарса» А. Крупняков)
  • Потап Потапыч Каркунов («Сердце не камень» А. Островский)

Чаплӱм

Палемдымаш

  1. ↑ 1 2 3 4 5 6 7 8 9 10 11 Мочаев, 2017, с. 113.
  2. ↑ 1 2 3 4 5 6 7 8 9 10 Энциклопедия Республики Марий Эл, 2009, с. 321.
  3. ↑ Открытие выставки «Георгий Константинов: человек и режиссер», Новости музея. i-ola-museum.ru. Тергыме кече: 4 шорыкйол 2026.
  4. ↑ pg12.ru, Служба новостей В Йошкар-Оле перед спектаклем скончался народный артист Марий Эл (руш.). Про Город Йошкар-Ола. Тергыме кече: 4 шорыкйол 2026.
  5. ↑ Смирнов, Сергей Ушел из жизни народный артист Республики Марий Эл Виктор Гришин (руш.). Информационное агентство "МедиаПоток" (2 вӱдшор 2019). Тергыме кече: 4 шорыкйол 2026.
  6. ↑ 1 2 3 4 5 6 7 Виктор Семенович ГРИШИН, <https://www.marpravda.ru/spetsproekty-mp/vechnaya-pamyat/viktor-semenovich-grishin/>. Тергыме: 4 шорыкйол 2026. 
  7. ↑ 1 2 3 Виктору Гришину вручили Почётную грамоту президента России (руш.). МариМедиа. Тергыме кече: 4 шорыкйол 2026.
  8. ↑ Актер из Йошкар-Олы получил награду президента России — «Йошкар-Ола» | городская газета (руш.). Тергыме кече: 4 шорыкйол 2026.
  9. ↑ Гришин Виктор Семенович – Награды России, 2017-04-07. ru.nagrady.by. Тергыме кече: 4 шорыкйол 2026.

Литератур

  • Гришин Виктор Семёнович // Кто есть кто в Марий Эл / Авт.-сост. В. А. Мочаев. — Йошкар-Ола: Марийский биографический центр, 2002. — С. 147. — 2000 экз. — ISBN 5-87898-197-1.
  • Гришин Виктор Семёнович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 321. — 872 с. — 3505 экз. — ISBN 978-5-94950-049-1.
  • Щеглов С. А., Мочаев В. А., Яналова Н. А. Гришин Виктор Семёнович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 113. — 606 с. — 1500 экз. — ISBN 978-5-905314-35-3.
  • Гришин Виктор Семёнович // Энциклопедия театров Марий Эл: иллюстрированное научно-популярное издание. ― Йошкар-Ола, 2019. — С. 94.

Кылвер-влак

"https://mhr.ruwiki.ru/w/index.php?title=Гришин,_Виктор_Семёнович&oldid=1233751" гыч налме