Голованова, Нина Ильинична
| Нина Ильинична Голованова | |
|---|---|
 | |
| Шочмо кече | 1958 ий 23 вӱдшор (67 ий) |
| Шочмо вер | Йошкар-Ола, Марий АССР, РСФСР, СССР |
| Гражданстве |
 СССР →  Россий |
| Профессий | артист-куклым вӱдышӧ |
| Усталык жап | 1978 — кызытсе жап марте |
| Амплуа | куклым вӱдышӧ |
| Театр | Республикысе курчак театр (Йошкар-Ола) |
| Награде-влак |
Марий Эл Республикын калык артистше (2004) Марий Эл Республикын сулло артистше (1992) |
Нина Ильинична Голованова (1958 ий 23 апрель, Йошкар-Ола, Марий АССР, РСФСР, СССР) ― совет да россий театр актрисе, теле- да радиовӱдышӧ. Марий АССР / Марий Эл Республикысе курчак театрын ончыл актрисыже-влак кокла гыч иктыже (1978 ий гыч). Марий Эл Республикын калык артистше (2004). Марий Эл Республикын М. Шкетан лӱмеш Кугыжаныш премийын лауреатше (2001).
Илыш корныжо
1958 ий 23 апрельыште Марий АССР Йошкар-Олаште шочын[1][2].
1977 ийыште Йошкар-Оласе культпросветучилищым, а 1983 ийыште ― Ленинградысе театр, муро да кинематографий институтым тунем пытарен[1][2].
1978 ий гыч ― Марий АССР / Марий Эл Республикысе курчак театрын ончыл актрисаже-влак кокла гыч иктыже. Тиде театрыште тыршыме жапыште 100 утла рольым модын[1][2].
1990-ше ийлаште Марий радио да телевиденийыште «Йомак чондай» да «Изеҥер» йоча программе-влакым вӱден[1][2].
1992 ийыште Марий Эл Республикын сулло артисткыже, а 2004 ийыште — Марий Эл Республикын калык артисткыже лийын. 2001 ийыште театр сымыктыш шотышто Марий Эл Республикын М. Шкетан лӱмеш Кугыжаныш премийжым сулен. Тыгак шуко чап грамота да театр фестивальын дипломжо дене палемдалтын[1][2].
Ешан, пелашыже ― РСФСР-ын сулло артистше В. С. Голованов[3].
Кызыт Йошкар-Олаште ила да пашам ышта[4][5].
Тӱҥ роль-влак
Н. И. Голованован тӱҥ роль-влак радам[1][2]:
- Герда, Изи разбойница, Принцесса, Разбойник («Снежная королева» / «Лум королева»)
- Элиза, Фея («Дикие лебеди» / «Ир йӱксо-влак»)
- Людмила («Руслан да Людмила»)
- Золушка («Золушка»)
- Изи колдунья («Весёлая карета» /«Весела карета»)
- Пий («После дождичка» / «Йӱр деч вара»)
- Алёнка, Рывыж («Гусёнок» / «Комбиге»)
- Топ маскаиге («Весёлые медвежата» / «Весела маскаиге-влак»)
- Машенька («Машенька и медведь» / «Машенька да маска»)
- Нуф сӧснаиге («Три поросёнка, два охотника и Серый волк» / «Кум сӧсна, кок охотник да сур пире»)
- Шӧртньӧ чывиге («Золотой цыплёнок» / «Шӧртньӧ чывиге», В. Орлов)
- Марина кокай («Ай да Мыцык»)
- Лыве, Кишке («Брат мой Каплик» / «Мыйын шольым Каплик»)
- Дашенька, Рывыж («Морозко» / «Йӱштӧ Кугыза»)
- Поран, Рывыж («Озорница метелица» /«Ораде поран»)
- Фунтик («Приключения поросёнка Фунтика» / «Фунтик сӧснаигын приключенийже»)
- Каза («Про волка, козу и козлят» / «Пире, каза да каза пача-влак нерген»)
- Рывыж («Теремок»)
- Лара, Дама («Щелкунчик»)
Пагалымаш
- Марий Эл Республикын калык артисткыже (2004)[1][2]
- Марий Эл Республикын сулло артисткыже (1992)[1][2]
- Марий Эл Республикын М. Шкетан лӱмеш кугыжаныш премийже (2001) ― «Йӱр деч вара» спектакльыште Пийын рольжылан[1][2]
- «Пашазе имнешке» фестивальысе оргкомитетын лӱмын ыштыме призше (2014) ― В. Орловын «Шӧртньӧ чывиге» пьесыж почеш спектакльыште Шӧртньӧ чывигын сынжым чоҥымылан[1]
- КПСС Марий обкомын да Марий АССР министр-влак Каҥашын Чапкагазше (1984)[1]
- Марий Эл Республик Вуйлатышын таумутшо (2008)[1]
- Марий Эл Республик Кугыжаныш Погынын Чапкагазше (2012, 2013)[1]
Палемдымаш
- ↑ 1 2 3 4 5 6 7 8 9 10 11 12 13 Нина Голованова. teatrkukolmariel.ru. Дата обращения: 11 теле 2023.
- ↑ 1 2 3 4 5 6 7 8 9 Голованова Нина Ильинична – Театральные архивы России и русского зарубежья. theatre-museum.ru. Дата обращения: 11 теле 2023.
- ↑ Творческая встреча с Ниной Головановой 2022, Йошкар-Ола — дата и место проведения, программа мероприятия. Культура.РФ. Дата обращения: 11 теле 2023.
- ↑ 24 часа в деле. Народная артистка Марий Эл Нина Головановa (неопр.). Дата обращения: 11 теле 2023.
- ↑ Встреча с Ниной Ильиничной Головановой , Новости музея. i-ola-museum.ru. Дата обращения: 11 теле 2023.
Литератур
- Байкова А. Нина Голованова: «Балерина лияш шоненам, но курчак дене модаш оҥайрак» // Марий Эл. ― 2018. ― 5 июня.
- Энциклопедия театров Республики Марий Эл: иллюстрированное научно-популярное издание / [Министерство культуры, печати и по делам национальностей Республики Марий Эл и др.; редкол.: К. А. Иванов (пред.) и др.; авт.-сост.: Белецкая Е. С. и др.]. — Йошкар-Ола, 2019. — 259 с.: ил., портр.