Гараев, Эльфис Фаритович

Эльфиc Гараев
Эльфиc Гараев
Тӱҥ увер
Тичмаш лӱм	Эльфис Фаритович Гараев
Шочмо кече	1992 ий 15 ага (34 ий)
Шочмо вер	Россий, Марий ССР, Поранча кундем, Поранча
Эл	Россий;
Профессий	музыкант, композитор
Лейбл	Элвин Грей

Эльфис Гараев (тичмаш лӱмжӧ — Гараев Эльфис Фаритович; шоч. 15 ага 1992, Параньга, Марий Автоном Совет Социализм Республик) — российысе артист, музыкант, композитор да «Элвин Грей» сем лейблын тӱмырзыжӧ. Марий, руш да сӱас йылмыла дене муро-влакым мура, сем аранжировко да усталык пашам чолган шукта.

Илыш корныжо

Эльфис Гараев Марий Эл Республикысе Поранча посёлкышто шочын. Йоча жап гычак усталык да сем деке кумылан лийын — тидын шотышто тудын аваже, мурызо Зинера Гараева, кугу надырым пыштен. Школышто тунеммыж годымак Эльфис усталык, сем да спорт мероприятийлаште чолгалыкшым ончыктен, тыге шке кӧргыштыжӧ ончыкылык артистым шуарен.

9-ше класс деч вара профессионал техник училищыш тунемаш пурен^[1], тушто механизатор специальностьым налын да «B» категориян водитель правам налын. 2010 ийыште Йошкар-Оласе И. С. Палантай лӱмеш тӱвыра да сымыктыш колледжыш балалайке класс дене тунемаш тӱҥалын, но кум тылзе гыч тудым армийыш налыныт. Службым Мурманск областьысе Североморск олаште ВВС войскаште эртен, тушто радиотелеграфист профессийым налын.

Армий деч вара тунеммыжым умбакыже шуен да тиде жапыштак «Марий Эл» кугыжаныш куштышо ансамбльыште (руш.) (мар. тӱмырзылан пашам ыштен^[1]. 2014 ийыште немыч Ольденбург олаште «Изи калык-влакын Евровиденийышт» тӱнямбал фестивальын участникше лийын, тудо Марий Эл Республик гыч толшо музыкант-влакын командышт да солистке Марина Садова дене пырля выступатлен.

2015 ийыште колледжым тунем лектын да Озаҥыш илаш куснен, тушто Озаҥысе кугыжаныш тӱвыра институтын (руш.) (мар. эстраде-джаз сем пӧлкашкыже (тӱмыр семӱзгар-влак) тунемаш пурен. 2016 ийыште «Oscar band» тӱшкан тӱмырзыжӧ семын Григорий Лепсын «Высшая проба» проектыштыже участвоватлен, тушто Российын эн сай музыкантше-влакым ойыреныт. Вара усталык илышыштыже у йыжыҥ тӱҥалын: Эльфис шкежак семым возаш, автор композиций-влак дене выступатлаш тӱҥалын да «Эльфис» ансамбльым чумырен, тудын дене 2017 ийыште Вагапов фестивальыште участвоватлен.

2018 ий гыч — Элвин Грей лейблын эре улшо тӱмырзыжӧ, гастроль дене чолган лектын коштеш, кум йылме дене семым да мурым воза: марла, рушла да сӱасла.

2025 ий сентябрьыште музыкант Артур Пирожковын да Элвин Грейын «Сымыстарыше ӱдырамаш» («руш. Женщина-магнит») у клипыштышт сниматлалтын. Съёмко Озаҥыште эртен. Видеороликыште тудо тӱмыр дене шокта^[2].

Еш

2021 ийыште Регина Гараевам марлан налын. 2023 ийыште нунын Даниэль лӱман эргышт шочын.

Суаптар-влак

Марий Эл Республикысе Тӱвыра, печать да калык-влакын пашашт шотышто министерствын «Сем сымыктыш аланыште усталык сеҥымашлан» таумутшо (2024 ий 25 март);
Мишкан муниципал район Администрацийын «Кӱкшӧ мастарлыклан да профессионализмлан, калык-влак кокласе тыныслыкым да келшымашым пеҥгыдемдымаште, марий калыкын тӱвыражым, йӱлажым аралымаште да вияҥдымаште надырлан» таумут (2024 ий 8 сентябрь);
Марий Эл Республикын Кугыжаныш Погынын «калык-влак кокласе кылым пеҥгыдемдымаште, Марий Эл Республикыште тӱвырам да сымыктышым вияҥдымаште надырлан» таумутшо (2024 ий 10 декабрь).

Дискографий

1. 2021 ий — Айда, йолташ, пырля кушташ / руш. Давай, друг, вместе плясать^[3]
№	Вуймут	Жап
1.	«Ший салам / руш. Радушный привет»	2:45
2.	«Марий Эл — мой край родной / мар. Марий Эл — шочмо кундемем»	4:05
3.	«Пӧртылам мӧҥгышкем / руш. Возвращаюсь домой»	3:28
4.	«Ош висвис / руш. Белая ромашка»	3:03
5.	«Кече лектеш, ончалеш / руш. Солнце взойдёт, посмотрит»	2:45
6.	«Ме — кок планете / руш. Мы — две планеты»	3:16
7.	«Лек мылам марлан / руш. Выходи за меня замуж»	3:42
8.	«Айда, йолташ, пырля кушташ / руш. Давай, друг, вместе плясать»	2:28

2. 2023 ий — Шӱмышкем лӱет / руш. Стреляешь мне в сердце^[4]
№	Вуймут	Жап
1.	«Интро»	0:48
2.	«Илыш / руш. Жизнь»	2:46
3.	«Шочмо кече / руш. День рождения»	3:09
4.	«Авай / руш. Мама»	4:00
5.	«Кӧ тыгай / руш. Кто такая?»	2:43
6.	«Мыйын ир йӧратымаш / руш. Моя дикая любовь»	3:54
7.	«Веселан / руш. Весело»	2:37
8.	«Пау, пау, пау...»	3:16

Палемдымаш

↑ ¹ ² В мире марийской музыки зажглась новая звезда Эльфис Гараев (руш.). ВК Видео. Тергыме кече: 11 сӱрем 2025.
↑ Данилов Святослав (2025-09-25), Артист из Параньги снялся в клипе Артура Пирожкова о совершенной женщине, <https://pg12.ru/news/99777>. Тергыме: 18 кылме 2025.
↑ Айда, Йолташ, пырля кушташ (неопр.). vk.com. Тергыме кече: 18 кылме 2025.
↑ Шӱмышкем лӱет (неопр.). vk.com. Тергыме кече: 18 кылме 2025.

Кылвер-влак

[интервью-1] ¹ ² В мире марийской музыки зажглась новая звезда Эльфис Гараев (руш.). ВК Видео. Тергыме кече: 11 сӱрем 2025.

[2] Данилов Святослав (2025-09-25), Артист из Параньги снялся в клипе Артура Пирожкова о совершенной женщине, <https://pg12.ru/news/99777>. Тергыме: 18 кылме 2025.

[3] Айда, Йолташ, пырля кушташ (неопр.). vk.com. Тергыме кече: 18 кылме 2025.

[4] Шӱмышкем лӱет (неопр.). vk.com. Тергыме кече: 18 кылме 2025.

[1]

[2]

[3]

[4]