Вершинин, Андрей Николаевич

РУВИКИ-ште тыгай тукымлӱм дене вес еҥ нерген статьям лудаш лиеш: Вершинин.

Андрей Николаевич Вершинин
Шочмо кече	1911 ий 11 пеледыш(1911-06-11)
Шочмо вер	Кӱшыл Кугэҥер ял, Уржум уезд, Вятск губерний (кызыт Шернур район, Марий Эл Республик)
Колымо кече	1941 ий 20 сӱрем(1941-07-20) (30 ий)
Колымо вер	Ляда ял воктене, Гатчина район, Ленинград кундем
Пурымаш	СССР
Войскан родшо	ВВС
Званий
Часть	158-ше истребитель авиаций полк
Командоватлен	эскадрилийысе командирын алмаштышыже
Кредалмаш/сар	Кугу Ачамланде сар
Награде да премий

Андрей Николаевич Вершинин (1911 ий 11 июнь — 1941 ий 20 июль) — Кугу Ачамланде сарын салтакше, сарзе лётчик, лейтенант.

Илыш корныжо

1911 ий 11 июньышто Россий империй Виче губерний Уржум уездын Кугэҥер ялыштыже (кызыт Марий Элын Шернур велже) туныктышын ешыштыже шочын.

Шернур педагогике техникум пеленысе курсым (1930), Качинскысе чоҥештылме школым (1939) тунем пытарен. Совет-финн (1939—1940) да Кугу Ачамланде сар-влакын салтакше. Истребитель-лётчик. «И-16» да «Як-1» истребитель дене чоҥештылын, тӱшканат, шкетынат, — штурмовкыш, разведкыш, патрулированийыш, тушманын самолётшым руалтен налмашке лектын, 158-ше истребитель полкысо эскадрилийысе командирын алмаштышыже лийын. Ик кечын «Юнкерс-88» кок самолётым сӱмырен волтен да тушманлан кӱварым бомбалаш пуэн огыл. Кугу Ачамланде сарын тӱҥалмыж годымак юж кредалмаште тушманын 6 самолётшым кырен. Ленинград ола ӱмбалан юж лӱдыкшым кораҥдыме годым, Красногвардейск-Сиворицы кумдыкышто, тушман самолёт-влак дене кавасе кредалмаште, Ленинград кундемысе Ляда вер воктене катарыш (катастрофыш) логалын, самолёт сӱмырлен, лётчик колен. Тудо колымекыже, кок кече гыч наградитлыме нерген СССР Верховный Совет Президиумын Указше лектын.

1941 ий 20 июльышто Ленинград областьыште ик семын огыл улшо воздушный кредалмаште колен.

Йошкар Тисте орден (1940) да Ленин орден дене (1941, колымекыже) суапландаралтын.

Палемдымаш

Литератур

• Книга памяти. — Йошкар-Ола: Мар. кн. изд-во, 1994. — 384 с.
• Вершинин Андрей Николаевич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 274. — 872 с. — 3505 экз. — ISBN 978-5-94950-049-1.
• Вершинин Андрей Николаевич // История Марийского края в лицах. 1941—1945 гг. Великая Отечественная война. — Йошкар-Ола: МарНИИЯЛИ, 2015. — С. 43—44. — 374 с. — 500 экз. — ISBN 978-5-94950-070-5.
• Мочаев В. А. Вершинин Андрей Николаевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 80. — 606 с. — 1500 экз. — ISBN 978-5-905314-35-3.

Кылвер-влак

• Донесение о безвозвратных потерях в ОБД «Мемориал»