Ванюков, Семён Иванович

РУВИКИ — эрыкан энциклопедий гыч материал
Семён Иванович Ванюков
кыргыз Семён Иванович Ванюков
Ванюков Семён Иванович.png
Шочмо кече 1917 ий 24 ага(1917-05-24)
Колымо кече 2006 ий 10 пеледыш(2006-06-10) (89 ий)
Колымо вер Бишкек
Награде да премий
Герой Социалистического Труда — 1971
Орден Ленина — 1971
Орден Красной Звезды  — 1942 Орден Красного Знамени  — 1943 Орден Отечественной войны II степени  — 1944 Орден Отечественной войны I степени— 1985
«Моском аралымылан» медаль Медаль «За победу над Германией в Великой Отечественной войне 1941—1945 гг.»

Семён Иванович Ванюков (1917 ий 24 май, Изи Сундырь, Курыкмарий вел, Марий Эл — 2006 ий 10 июнь, Бишкек, Киргизий) — СССР граждан авиаций министерствын Киргиз граждан авиацийысе управленийсе Ан-2 самолётын командирже, Социалист Пашан Талешкыже (1971).

Биографий

[тӧрлаташ | вики-текстым тӧрлаташ]

1917 ий 24 майыште Марий автоном областьысе Курыкмарий вел Изи Сундырь селаште шочын. Мландым вискалыше техниклан пашам ыштен. 1936 ий гыч Козьмодемьянскысе авиаклубышто чоҥештылме пашалан тунемын. 1937 ий гыч Йошкар-Олаште илен, тыште аэробышто умбакыже тунемын. 1939 ийыште Ульяновскысе лётчик-влак школым тунем пытарен, тидын деч вара Йошкар-Олаште Ната Бабушкина лӱмеш школышто лётчик-инструктор пашам ыштен.

1941 ий июнь гыч 710-шо йӱдымсӧ авиаций полкын кышкарыштыже[1] Кугу Ачамланде сарыште лийын. 1942 ийыште ВКП(б) пурен.1945 ий май марте 540 гана сӧйыш чоҥештылын. Кугурак лейтенант лӱмпалан демобилизоватлалтын.

1946 ий гыч лётчиклан пашам ыштен, Киргизийысе граждан авиацийын Фрунзе оласе управленийыштыже Ан-2 самолётын командирже лийын. Семён Ванюковын командоватлыме экипаж еҥ-влакым шупшыктымо шотышто Кандашымше вичияш паша планым жап деч ончыч темен. 1971 ий 15 июньышто СССР Кӱшыл Каҥашын Президиумын кӱштыкше дене «пассажир-влакым юж транспорт дене шупшыктымо, элын калык озанлыкыштыже авиацийым кучылтмо да у авиаций техникым тунем налме шотышто вичияш планын заданийжым шуктымаште сеҥымашлан» Социалист Пашан Талешкыже чаплӱмым сулен да Ленин орденым, «Сорла ден Чӧгыт» шӧртньӧ медальым кучыктымо[2].

1989 ийыште сулен налме канышыш лектын. 2006 ийыште Бишкекыште илен да тушанак колен.

Суаптарже

[тӧрлаташ | вики-текстым тӧрлаташ]
  • Социалист Пашан Талешкыже (1971)
  • Ленин орден (1971)
  • Йошкар Шӱдыр орден (40000 №; 15.05.1942)
  • Йошкар Тисте орден (44312 №; 23.02.1943)
  • II степенян Ачамланде сар орден (75222 №; 1.05.1944)
  • I степенян Ачамланде сар орден (11.03.1985)
  • «Моском аралымылан» медаль (1.05.1944)
  • «1941–1945-ше ийласе Кугу Ачамланде сарыште Германийым сеҥымылан» медаль
  • Киргиз ССР Кӱшыл Каҥаш Президиумын Чапкагазше (кум гана)
  • Узбек ССР Кӱшыл Каҥаш Президиумын Чапкагазше (кок гана)

Палемдымаш

[тӧрлаташ | вики-текстым тӧрлаташ]
  1. ↑ Владимир Савончик, 710-й ночной бомбардировочный авиационный полк Архивысе копий 7 кылме 2017 гыч
  2. ↑ Указ Президиума Верховного Совета СССР «О присвоении звания Героя Социалистического Труда работникам предприятий и организаций Министерства гражданской авиации СССР» от 15 июня 1971 года

Литератур

[тӧрлаташ | вики-текстым тӧрлаташ]
  • Они защищали Родину. Вспомним их поимённо: г. Козьмодемьянск. — Чебоксары, 2005. — 131 с.
  • Кыргыз Совет Энциклопедиясы. Башкы редактор Б. О. Орузбаев. — Фрунзе: Кыргыз Совет Энциклопедиясынын башкы редакциясы, 1977. Том 2. В — Иридий. −672 б.

Кылвер-влак

[тӧрлаташ | вики-текстым тӧрлаташ]
"https://mhr.ruwiki.ru/w/index.php?title=Ванюков,_Семён_Иванович&oldid=539317" гыч налме