Б. Н. Ельцин лӱмеш Президент книгагудо

РУВИКИ — эрыкан энциклопедий гыч материал
Тергыме статья
Б. Н. Ельцин лӱмеш
Президент книгагудо
Логотип Президентской библиотеки им. Б.Н. Ельцина.png
59°56′09″ с. ш. 30°18′04″ в. д.GЯO
Эл
Адрес Санкт-Петербург, Сенатский площадь, 3-шо пӧрт, литер А
Негызлалтын 2007 ий 31 шорыкйол
Филиал Российыште мӱндырч пурен кертме 1 600 рӱдер да 35 элыште мӱндырч пурен кертме 60 рӱдер (2023)[1]
Фонд
Кушечын чумырымо историй документ ден книга-влакын, тыгак сайын палыдыме, ончычын калык коклаште шарлыдыме архив материал-шамычын электрон копийышт, СССР-ын да Российын конституцийыштын оригиналышт, Николай II-ын коронацийже ден Россий Федерацийын президентше-шамычын инаугурацийыштын видеохроникышт, Петр I-ын вуйлатыме да 1551—1830 ийлаште кид дене возымо пагыт, Екатерина Вторая ден Павел Первыйын вуйым шийме чап таныкышт да моло материал-влак
Фондын кугытшо 1 000 000 утла аралыме единице (2022)
Пайдаланымаш
Возалтме йӧн сайтыште регистраций
Вес информаций
Вуйлатыше

Тӱҥ директор —

Юрий Станиславович Носов[2]
Веб-сайт президентскаябиблиотека.рф
Логотип РУВИКИ.Медиа Медиафайлы на РУВИКИ.Медиа

Б. Н. Ельцин лӱмеш Президент книгагудо — Санкт-Петербургышто верланыше Российысе икымше[3] калыкле электрон книгагудо. 2007 ий 31 январьыште Россий президентын кӱштымашыже дене негызлалтын.

Книгагудышто Россий кугыжанышын историйжылан, теорийжылан да практикыжлан, правалан да руш йылмылан пӧлеклыме документ-влакын цифран копийыштым погымо.

Книгагудын ресурсышкыжо пураш книгагудын интернет-порталыштыже, Сенат площадьыште электронан лудмо залыште, Москосо Резерв рӱдерыште, Президент книгагудын Тюмень областьысе филиалыштыже, тыгак Российыште мӱндырч пурен кертме рӱдерлаште лиеш.

Россий Федераций президентын Паша виктаржын кидыштыже улеш.

Шочмо историй

[тӧрлаташ | вики-текстым тӧрлаташ]

2007 ий 31 январьыште Россий федерацийын президентше «Россий Федераций Президентын Книгагудыжым ыштыме нерген» 34‑рп №-ан кӱштымашеш кидым пыштен. Книгагудым ыштыме шотышто шотаҥдарыме комитетым Россий президентын пашажым виктарыше Владимир Кожин вуйлатен[4].

Президент книгагудо: эртыше ден ончыкылыкым иктыш ушен. Коллаж. 2014 ий

Борис Ельцинын колымыж деч вара тудо ийыштак Российын президентше Владимир Путин Федерал погынымашлан колтымаштыже книгагудылан кугыжанышын икымше вуйлатышыжын лӱмжым пуаш темлен[5]. Официальнын пунчал 2007 ий 18 июньышто Россий Федераций Президентын 634‑рп №-ан «Б. Н. Ельцин лӱмеш Президент книгагудым ыштыме нерген» кӱштымашеш кидым пыштыме дене вийыш пурен[6].

Книгагудым почмаш 2009 ий 27 майыште Санкт-Петербургышто олан кечынже да чумыр Российысе Книгагудо кечын лийын[7].

Российын Президентше Дмитрий Медведев книгагудым сенсор экранысе кнопкым темдалме дене почо, тидыже йошкар тасмам йӱлаш пурышо пӱчмашлан кызытсе альтернативе семын шонен ышталтын[8]. Кугыжаныш вуйлатыше 1-ше №-ан лудшо билетым налын[9].

2008 ий октябрьыште «Книгагудо паша нерген» федерал тӧртыкыш тӧрлатымаш—влак вийыш пуреныт, нуно книгагудылан Россий кугыжаныш книгагудо семынак калыкле статус да книгам копироватлаш тӧртыкан правам пуэныт[10].

2009 ий 1 сентябрьыште книгагудо калыклан эреак толын кошташ почылтын[11].

Вуйлатымаш

[тӧрлаташ | вики-текстым тӧрлаташ]

2009 ийыште Президент книгагудын икымше генеральный директоржылан Александр Вершининым шогалтыме. 2019 ийыште генеральный директорын пашаверышкыже Илья Быковников пеҥгыдемдалтын[12].

2022 ий гыч книгагудым Юрий Носов вуйлата[13].

Пашан тӱрлӧ улмыжо

[тӧрлаташ | вики-текстым тӧрлаташ]

Президент книгагудын кӱлешан функцийже - Российын историйже, культуржо да кугыжанышлыкше дене кылдалтше ятыр кумда теме шотышто возымашын цифран копийже дене пайдаланаш[14], тыгак электрон фондым документ-влакым цифраҥдыме кӱшеш, тидын шотыштак кугыжаныш заданий кышкареш, ешарымаш[15].

Тылеч посна, книгагудо культур-сотемдарыше, шанче-туныктымаш да увер-аҥар лончылымаш пашам шукта: «Россий нерген шинчымаш» цикл кышкарыште видеолекций-влак эртаралтыт, ий еда историй, обществознаний, руш йылме да йотэл йылме семын руш йылме дене «Россий электрон тӱняште» школ олимпиаде, шинчымаш форум чумыралтеш, шанче-практике конференций, семинар, конкурс, тематикан ончкер, экскурсий-влак эртаралтыт, савыктыш паша шукталтеш да т. м.[16][17][18].

Филиал-влак ден инфраструктур

[тӧрлаташ | вики-текстым тӧрлаташ]

Президент книгагудо Сенат площадьыште 3-шо №-ан, А литеран пӧртыштӧ, Синодын историйле оралтыштыже верланен. Оралтыште тыгак патриархын кабинетше да шым Сандалык Соборын Шнуй ачаштын уэмдыме сурт храмышт верланеныт[19][20].

Книгагудо ресурсын южо ужашышкыже www.prlib.ru интернет-портал гоч пураш лиеш. Сенат площадьысе пӧртыш шкеак мияш шонышо-влаклан электрон лудмо зал уло, тудым автоматизироватлыме лудмо вер дене, электрон фондын чыла документше денат пашам ышташ йӧн дене келыштарыме[17].

Официал сайтыште улшо увер-аҥар почеш, кызыт Президент книгагудын ресурсшо-влак дек тичмаш пурен кертме йӧным мӱндырч пураш лийме 1600 утла рӱдерыште ыштыме, нуным пӱтынь Россий мучко улшо партнёрлык организаций-влакын кумдыклаштышт, тидын шотыштак тӱнясе 35 элыште мӱндырч пурен кертме 60 рӱдерыште почмо[1].

Фонд

[тӧрлаташ | вики-текстым тӧрлаташ]

Книгагудышто Российын истоийже, Россий кугыжанышлык, права да рушйылме дене документ-влакын цифран копийыштым погымо. Электрон фондын ужашыже библиотекын порталыштыже виш пурен кертмаште верланен. Моткоч шкешотан савыктыш-влак коклаште фондышто Лаврентьев курымсерыш, Остромирын Евангелийже, туныктен ойлыман граждан Азбуко (Пётр I-ын палемдымашыже-влак дене), Пӱтынь Россий империйысе дворян тукым-влакын 1797 ийыште тӱҥалме тӱшка гербовникышт да молат ончыкталтыныт[14][21].

Книгагудыын фондыштыжо, цифран копий деч посна, тыгак XVI—XXI курымласе шуэн вашлиялтше книга-влакын кагаз экземплярыштын коллекцийышт аралалтеш. 2 446 книга, кидвозыш, журнал, альманах, альбом да картографий документ-влак гыч шогышо коллекцийым ВТБ Банк Christie’s налын да 2009 ийыште Президентын книгагудыжлан пӧлеклен. Мутлан, тушко 1717 ийыште Пётр I-ын шкенжын кӱштымыжӧ почеш савыктыме У Сугынь (Het Nieuwe Testament. In ’s Gravenhage: J. van Duren, 1717), тыгак императрице Екатерина II, император-влак Павел I ден Николая I пуымо грамот-влак пуреныт[9][22][23].

Кушечын чумырымо

[тӧрлаташ | вики-текстым тӧрлаташ]

Библиотекын фондшым ешарыме ик тӱҥ источник - партнёр организаций-влакын материалыштым кугыжаныш йодмаш почеш цифраҥдымаш. Партнёр организаций рольышто эн ончычак федерал ден кундемысе книгагудо, архив, тоштер, туныктышо тӧнеж-влак, тыгак СМИ, киностудий, шанче-шымлыше да медицине тӧнеж, черке институт, мер ушем да йӧнозанлык предприятий-влак улыт[18].

Тылеч посна, книгагудын фондшо частный погымаш кӱшеш ешаралтеш[24].

Книгагудо дене пайдаланымаш

[тӧрлаташ | вики-текстым тӧрлаташ]

Санкт-Петербургышто книгагудо пӧртыш мияш сайтыште ончылгоч йодмаш формым возыман да мийыме шотышто ойлен келшыман. Айдемым кӧ улмыжым пеҥгыдемдыше документым ончыктымо дене пуртат[25].

Россий да икмыняр йот эл кундемыште верланыше мӱндырч пурымо рӱдерллаш пураш партнёр организацийлаш кошташ ыштыме правиллан келшышын лиеш, тудым шукыж годым нунын шке онлайн-ресурслаштышт вераҥдат[26].

Книгагудын шуко электрон материалже-влак деке интернет-порталыште обязательный манме регистраций деч посна пураш лиеш. Президентын книгагудыжын аклымыже почеш, 2009–2022 ийлаште тудын порталышкыже мӱндырч икмыняр лу миллион пайдаланыше пурен[14].

Тыгак ончо

[тӧрлаташ | вики-текстым тӧрлаташ]

Палемдымаш

[тӧрлаташ | вики-текстым тӧрлаташ]
  1. ↑ 1 2 Общая информация. Президентская библиотека. Дата обращения: 29 теле 2023.
  2. ↑ Федеральное государственное бюджетное учреждение «Президентская библиотека имени Б.Н. Ельцина». Управление делами Президента Российской Федерации. Дата обращения: 9 шорыкйол 2023.
  3. ↑ Президентская библиотека открыла читальный зал в столице Белоруссии. Новости. Президентская библиотека (23 кылме 2010).
  4. ↑ Распоряжение Президента Российской Федерации от 31.01.2007 г. № 34‑рп "О создании Библиотеки Президента Российской Федерации". Президент России. Дата обращения: 29 теле 2023.
  5. ↑ Послание Федеральному Собранию Российской Федерации, 26 апреля 2007 года, Москва, Кремль.
  6. ↑ Распоряжение Президента Российской Федерации от 18.06.2007 г. № 326‑рп «О создании Президентской библиотеки имени Б. Н. Ельцина» (в ред. от 18.06.2007 г.). Президент России. Дата обращения: 29 теле 2023.
  7. ↑ Выступление на церемонии открытия Президентской библиотеки имени Бориса Ельцина. Президент России (27 ага 2009). Дата обращения: 9 шорыкйол 2024.
  8. ↑ Сенсорный интерфейс для открытия Президентской библиотеки. Initium. Дата обращения: 9 шорыкйол 2024.
  9. ↑ 1 2 Дмитрий Медведев стал читателем №1 Президентской библиотеки имени Бориса Ельцина. Татар-информ (27 ага 2009). Дата обращения: 9 шорыкйол 2024.
  10. ↑ «Ельцинская библиотека» получила статус национальной и законное право копировать книги. Newsru.com (10 шыжа 2008). Дата обращения: 9 шорыкйол 2024. Архивировано из оригинала 11 теле 2008 ий.
  11. ↑ Президентская библиотека им. Б.Н.Ельцина и Санкт-Петербургский государственный университет открывают электронный студенческий читальный зал. Президентская библиотека (27 ага 2010). Дата обращения: 9 шорыкйол 2024.
  12. ↑ Генеральный директор Президентской библиотеки. Президентская библиотека (14 шорыкйол 2019). Дата обращения: 9 шорыкйол 2024.
  13. ↑ Генеральный директор Президентской библиотеки. Президентская библиотека. Дата обращения: 9 шорыкйол 2024.
  14. ↑ 1 2 3 Общая информация. Президентская библиотека. Дата обращения: 9 шорыкйол 2024.
  15. ↑ Перечень материалов, включённых в план перевода в цифровую форму. Президентская библиотека. Дата обращения: 9 шорыкйол 2024.
  16. ↑ Олимпиада. Россия в электронном мире. Президентская библиотека. Дата обращения: 9 шорыкйол 2023.
  17. ↑ 1 2 Федеральное государственное бюджетное учреждение «Президентская библиотека имени Б.Н. Ельцина». Управление делами Президента Российской Федерации. Дата обращения: 9 шорыкйол 2024.
  18. ↑ 1 2 Корконосенко Н. Президентская библиотека в пространстве знаний // Библиотечное дело. — 2018. — № 9(315). — С. 28—33. — ISSN 1727-4893.
  19. ↑ Анна Ъ-Пушкарская. Президент и патриарх встретятся в библиотеке. Коммерсантъ (14 ага 2008). Дата обращения: 9 шорыкйол 2024.
  20. ↑ Предстоятель Русской Церкви совершил освящение восстановленного храма в историческом здании Синода в Санкт-Петербурге. Официальный сайт Московского Патриархата (27 ага 2009). Дата обращения: 9 шорыкйол 2024.
  21. ↑ На заседании учёного совета Президентской библиотеки подвели итоги десятилетнего развития и обсудили планы на будущее. Президентская библиотека (22 вӱдшор 2019). Дата обращения: 9 шорыкйол 2024.
  22. ↑ Нужина Н. А. Коллекция редких книг Президентской библиотеки : [рус.] / Науч. ред. Е. Д. Жабко. — Сборники Президентской библиотеки. — СПб. : Президентская библиотека, 2020. — Вып. 10 : Книжные памятники в цифровой среде. — С. 149—170. — (Электронная библиотека). — ISBN 978-5-6042138-4-1.
  23. ↑ Ирина Ъ-Граник. Дмитрий Медведев сделал открытие в своей библиотеке. Коммерсантъ (28 ага 2009). Дата обращения: 9 шорыкйол 2024.
  24. ↑ Завьялова Л. В. Частные собрания как источник комплектования электронного фонда Президентской Библиотеки. Университетская книга (22 кылме 2020).
  25. ↑ Электронный читальный зал. Президентская библиотека. Дата обращения: 9 шорыкйол 2024.
  26. ↑ Центры удаленного доступа на карте. Президентская библиотека. Дата обращения: 9 шорыкйол 2024.

Кылвер-влак

[тӧрлаташ | вики-текстым тӧрлаташ]
"https://mhr.ruwiki.ru/w/index.php?title=Б._Н._Ельцин_лӱмеш_Президент_книгагудо&oldid=368502" гыч налме