Берникова, Зоя Васильевна
| Зоя Берникова | |
|---|---|
| Зоя Васильевна Берникова | |
 | |
| Тӱҥ увер | |
| Тичмаш лӱм | Зоя Васильевна Берникова |
| Шочмо кече | 1958 ий 22 шорыкйол (68 ий) |
| Шочмо вер | |
| Эл | |
| Профессий | |
| Ыштыме жап | 1980 — кызытсе жап марте |
| Жанр | классике, поп |
| Награде |
 Марий АССР-ын сулло артисткыже Марий Эл Республикын калык артистше |
 РУВИКИ.Медиаште медиафайл-влак | |
Зоя Васи́льевна Бе́рникова (шоч. 22 шорыкйол 1958, Советский район, Марий Автоном Совет Социализм Республик) — совет да россий мурызо, Россий Федерацийын сулло артистше.
Илыш корныжо
1958 ий 25 январьыште Марий АССР Советский район Ямайсола ялеш (кызыт уке) шочын, но ялсовет пашаеҥын йоҥылышыжлан кӧра, 22 январьыште манын сереныт[1]. Аваже шкет ончен-куштен. Школышто тунеммыж годым ялысе концертыште шкенжым чолган ончыктен, кушташ йӧратен. 8 классым тунем пытарымеке, Моско воктенысе Куровское олаш каен, тушто шӱртым шӱдыраш тунемын. Вич ий жапыште туштак профессийже дене пашам ыштен да тӱвыра полаты пеленысе самодеятельный кружокыш коштын[2].
Вара Зоя Берникова шочмо республикышкыже пӧртылын, Йошкар-Оласе культпросветучилищын хор пӧлкашкыже тунемаш пурен. Ик муро конкурсышто мураш тӱҥалше мурызым Я. Эшпай лӱмеш Марий кугыжаныш филармонийысе «Марий Эл» куштышо кугыжаныш ансамбльын художественный вуйлатышыже да тӱҥ балетмейстерже Михаил Мурашко ужын шуктен, тудак ты коллективыш пашаш ӱжын. Тыге 1980 ийыште Берникова кумдан палыме марий ансамбльын солисткыже лийын, тушто тудо 40 ий утла пашам ышта (2024 ийлан)[2][3].
Зоя Берникова шкет мурышо семынат кумдан палыме лийын: тудо муро-влакым воза, Марий Элыште да Россий мучко гына огыл, а йот эллаштат концерт дене коштеш. Тудын репертуарыштыже — марий, руш, финн-угор да йотэлласе композитор-влакын классике да эстраде мурышт[4].
Еш
Зоя Берникован кок ӱдыржӧ да эргыже уло[2].
Суаптар-влак
- Марий АССР-ын сулло артисткыже (1987);
- Марий Эл Республикын калык артистше (1998);
- Россий Федерацийын сулло артистше (2019)[5][3].
Палемдымаш
- ↑ Галина Кныш-Ковешникова (24.08.2008), Зоя Берникова хочет расстаться со своей косой, <https://www.marpravda.ru/news/religiya/zoja_bernikova/>. Тергыме: 2 шыжа 2025.
- ↑ 1 2 3 Татьяна Витвицкис (2023-03-05), 8 марта в столице Марий Эл состоится творческий вечер Зои Берниковой в честь 65-летия певицы, <https://www.gg12.ru/8-marta-v-stolicze-marij-el-sostoitsya-tvorcheskij-vecher-zoi-bernikovoj-v-chest-65-letiya-peviczy/>. Тергыме: 2 шыжа 2025.
- ↑ 1 2 Зоя Берникова получила звание Заслуженного артиста России, 2019-10-29, <https://kidsher.ru/ru/news/19912/>. Тергыме: 2 шыжа 2025.
- ↑ Зоя Берникова приглашает на большой сольный концерт (руш.). МариМедиа (25 шорыкйол 2020). Тергыме кече: 2 шыжа 2025.
- ↑ Указ Президента РФ №506 от 21 октября 2019 года. Тергыме кече: 2 шыжа 2025. Архивлыме 8 шорыкйол 2020 ий.
Литератур
- Берникова Зоя Васильевна // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 245. — 872 с. — 3505 экз. — ISBN 978-5-94950-049-1.
Кылвер-влак
- Зоя Берникова хочет расстаться со своей косой, <https://www.marpravda.ru/news/religiya/zoja_bernikova/>. Тергыме: 10 шыжа 2025.
- «Марий Эл ТВ»: Интервью с Заслуженной артисткой РФ Зоей Берниковой (руш.). Тергыме кече: 10 шыжа 2025.
- Зоя Берникова - Марий такмак-влак (руш.). Тергыме кече: 10 шыжа 2025.
- Шорыкйол тылзын 22 кечынже шочшо-влак
- 1958 ийыште шочшо-влак
- Советский районышто шочшо-влак
- Алфавит почеш персоналий-влак
- Алфавит почеш мурызо-влак
- СССР-ысе мурызо-влак
- Российысе мурызо-влак
- Марий мурызо-влак
- Руш мурызо-влак
- Марий Элысе мурызо-влак
- Россий Федерацийын сулло артистше-влак
- Алфавит почеш музыкант-влак
- Марий Эл Республикын калык артистше-влак