Бастраков, Георгий Фёдорович

РУВИКИ — эрыкан энциклопедий гыч материал
Георгий Фёдорович Бастраков
Бастраков Георгий Фёдорович КДИ.jpg
Шочмо кече 1917 ий 18 вӱдшор(1917-04-18)
Шочмо вер Йошкар Памаш ял, кызыт Марий Эл Республикысе У Торъял район
Колымо кече 1944 ий 27 шорыкйол(1944-01-27) (26 ий)
Колымо вер Монастырищенск район,Черкас кундем
Пурымаш  СССР
Войскан родшо ВДВ
Службо жап 1941—1944
Званий Гвардиийын
кугурак лейтенантше
Кредалмаш/сар Кугу Ачамланде сар
Награде да премий
Герой Советского Союза
Ленин орден Ленин орден Орден Отечественной войны I степени

Георгий Фёдорович Бастраков (18 апрель 1917 — 27 январь 1944) — Кугу Ачамланде сарын салтакше, гвардийын кугурак лейтенантше, Совет Ушемын Талешкыже.

«Колыдымо ротын командирже» — тыге лӱмденыт Бастраковым ик полкышто служышо салтак-влак. Фронтышто тудын нерген ятыр легенде коштын. «Йолташыже-влак тудым пиаланлан шотленыт, салтак-влак — колыдымо ман шоненыт», — воза талешке дене ик полкышто служышо Гончаров.

Илыш-корныжо

1917 ий 18 апрельыште[1] Марий АССР У Торъял кундем Йошкар-Памаш[2] ялысе кресаньык ешеш шочын.

Кыдалаш школышто тунемын, колхозышто пашам ыштен, телым — Угарман кундемысе химий заводышто.

1938 ий гыч — Йошкар Армийыште. Изирак командир-влакын школыштым тунем лектын.

Кугу Ачамланде сарыште

Сарын икымше шагатше гычак Г. Ф. Бастраков 99 стрелковый дивизий кышкарыште фашист войска-влак дене Кечывалвел-Касвел фронтышто кредалын. Сарын кокымшо кечынже пулемёт взвод командирлан шогалын.

Сусыргымеке, 1941 ий ноябрь гыч, сержант Бастраков юж-десант войскашке логалын. Разведчик-шамыч взвод дене командоватлен. 1942 ий тӱҥалтыште тудлан изирак лейтенант лӱмым пуымо.

1943 ий февральыште Г. Ф. Бастраков — автомат ротын командирже. 1943 ий октябрьыште тудын ротыжо эн ончыч Киев областьын Чернобыль кундемысе Губин селашке керылтын, а вара тушманын 7 контратакыжым чактарен да айлыме позицийым арален коден. Бастраковын ротыжо 27 контратакым чактарен, 113 гитлер салтак ден офицерым, 7 танк, 5 бронетранспортёр ден 4 автомашинам пытарен. Ротын командирже 17 фашистым пуштын.

Гвардийын кугурак лейтенантше Г. Ф. Бастраковлан Совет Союзын Талешкыже лӱмым пуаш темленыт. Суаптар лышташеш шке кидпалыжым 60-шо армий дене командоватлыше генерал И. Д. Черняховский пыштен. Тыге гвардий кугырак лейтенант Совет Союзын Талешкыже лийын, а Днепрым форсироватлыме деч вара тудын ротыжым колыдымо манаш тӱҥалыныт.

15-ше юж-десант полкын штаб начальникше Гвардий капитан Пахомов тудын нерген возен:

«Варажымат вашпижмаште Бастраков йолташ Бастриков 9 еҥ дене 800 метр кумдыкышто контратакыш кынелше тушман дене 2 сутка жап кредалын»[3].

1944 ий 27 январьыште Лукашов села воктене кредалмаште Бастраковын ротыжо 40 фашист салтак-влакым пытарен. Рото командир нелын сусырген, но кредалмашым умбакыже шуен. «Талешкын колымашыж дене колен» — тыге награде листыште каласыме.

Черкас кундем Монастырищенск район Лукашовка селаште тойымо. Селан рӱдӧ уремже Талешкым шарныме лӱмеш Бастраков урем ман лӱмдалтын.

Геройын колымо верыштыже чапкӱм шогалтыме.

Шарныктыш

Геройын лӱмжым У Торъял районысо Кӱанпамаш ялысе кыдалаш школлан пуымо[4]. Школ оралте пырдыжыште Талешкым шарныктыше мемориал оҥам вераҥдыме. Тудын лӱмжӧ дене У Торъял посёлкысо ик уремым лӱмдымӧ[2].

Награде-влак

  • Совет Ушемын Талешкыже, 17.10.1943 (документлаште фамилийже Бастриков[3][5])
  • Ленин орден, 17.07.1942, 17.10.1943.
  • 1-ше степенян Ачамланде сар орден, колымекыже.

Палемдымаш

  1. ↑ Национальная библиотека Марий Эл. Бастраков Георгий Федорович. Тергыме кече: 8 ага 2016. Архивировано из оригинала 17 вӱдшор 2016 ий.
  2. ↑ 1 2 Деревня Памаши (Пектансола, Захарово, починок Памаш при ключе Памаш) // Новоторъяльский район. — Йошкар-Ола, 2005. — С. 95. — 304 с. — (История сёл и деревень Республики Марий Эл). — 1500 экз. — ISBN 5-87898-297-8.
  3. ↑ 1 2 Наградной лист (руш.). Память народа 1941—1945 (13 шыжа 1943). Тергыме кече: 17 вӱдшор 2019.
  4. ↑ Постановление Совмина РСФСР от 24.05.1965 № 662 «О присвоении имён Героев Советского Союза учреждениям народного образования» (руш.). Правовая Россия (24 ага 1967). Тергыме кече: 17 вӱдшор 2019. Архивировано из оригинала 17 вӱдшор 2019 ий.
  5. ↑ Указ Президиума ВС СССР от 17.10.1943 «О присвоении звания Героя Советского Союза генералам, офицерскому, сержантскому и рядовому составу Красной Армии» (руш.). КонсультантПлюс (17 шыжа 1943). Тергыме кече: 17 вӱдшор 2019.

Литератур

  • Бастраков Георгий Фёдорович // Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — С. 126. — 911 с. — 100 000 экз. — ISBN отс., Рег. № в РКП 87-95382.
  • Бастраков Георгий Фёдорович // Книга памяти. Вспомним их поимённо. Новоторъяльский район / Иванов В. И. и др. — Йошкар-Ола: Марийское книжное издательство, 1994. — С. 27. — 360 с. — 3500 экз. — ISBN 5-7590-0566-9.
  • Мочаев В. А. Бастраков Георгий Фёдорович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 42—43. — 2032 экз. — ISBN 5-87898-357-0.
  • Бастраков Георгий Фёдорович // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 241. — 872 с. — 3505 экз. — ISBN 978-5-94950-049-1.
  • Бастраков Георгий Фёдорович // История Марийского края в лицах. 1941—1945 гг. Великая Отечественная война. — Йошкар-Ола: МарНИИЯЛИ, 2015. — С. 35—36. — 374 с. — 500 экз. — ISBN 978-5-94950-070-5.
  • Мочаев В. А. Бастраков Георгий Фёдорович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 46. — 606 с. — 1500 экз. — ISBN 978-5-905314-35-3.
  • Курочкин А. М. Герой Советского Союза Бастраков Георгий Фёдорович // Герои марийской земли / под ред. Р. А. Бушкова, Л. В. Курочкиной. — Йошкар-Ола: «Газета „Марий Эл“», 2020. — С. 15—18. — 224 с. — 500 экз. — ISBN 978-5-604-2758-3-2.

Кылвер-влак

"https://mhr.ruwiki.ru/w/index.php?title=Бастраков,_Георгий_Фёдорович&oldid=1166074" гыч налме