Байбаева, Екатерина Николаевна
| Екатерина Николаевна Байбаева | |
|---|---|
 | |
| Шочмо кече | 29 идым 1991 (34 ий) |
| Шочмо вер | |
| Гражданстве | |
| Профессий | балет артист |
| Усталык жап | 2007 — кызытсе жап марте |
| Театр | Эрик Сапаев лӱмеш Марий кугыжаныш академ опер да балет театр |
| Суаптар |
Марий Эл Республикын сулло артисткыже (2018) Сылнымут, тӱвыра да сымыктыш аланыште Марий Эл Республикысе Олык Ипай лӱмеш кугыжаныш самырыктукым премий (2016) Йыван Кырла лӱмеш калыкле театр премий (2015) Марий Эл Республикысе Виктерын Чаптаныкше (2015) |
Екатери́на Никола́евна Байба́ева (шоч. 29 идым 1991, Йошкар-Ола, Марий Автоном Совет Социализм Республик) — российысе балет артистке. Эрик Сапаев лӱмеш Марий кугыжаныш академ опер да балет театрын вӱдышӧ солисткыже, прима-балериныже. Марий Эл Республикын сулло артисткыже (2018). Марий Элын Олык Ипай лӱмеш самырыктукым премийжын (2016) да Йыван Кырла лӱмеш калыкле театр премийын (2015) лауреатше.
Илыш корныжо
1991 ий 29 июньышто Марий Эл Республикын рӱдолаштыже, Йошкар-Олаште, шочын. 2009 ийыште И. С. Палантай лӱмеш Марий тӱвыра да сымыктыш колледжын «Хореографий сымыктыш» пӧлкажым тунем пытарен. Тунеммыж годымак 2007 ийыште тудым Э. Сапаев лӱмеш Марий опер да балет театрын балет труппышкыжо налме, тыште икмыняр ий гыч вӱдышӧ солистке, вара прима-балерине лийын[1]. 2015 ийыште Марий кугыжаныш университетын Тӱвыра да тӱвыра кокласе коммуникаций институтшым тунем пытарен[2][3].
19 ияш С. Прокофьевын «Золушка» балетыштыже Феян партийжым, П. Чайковскийын «Спящая красавица» балетыштыже Сирень Феян партийжым, А. Аданын «Жизель» балетыштыже Миртан партийжым, Е. Крылатовын семже дене «Цветик-семицветик» самырык балетыште Женян тӱҥ партийжым куштен. Л. Минкусын «Дон Кихот» (Уличная танцовщица, Дриад-влакын повелительницышт), П. Гертельын «Тщетной предосторожности» (Лизан йолташыже, Лиза), П. Чайковскийын «Щелкунчик» ден «Лебединое озеро» (Коломбина ден Мазурка, Венгр куштымаш) балетлаштыже тудын партийже-влак палыме улыт. Тачысе кечылан балерине балетлаште чыла тӱҥ партийым кушта: Эсмеральда (Ц. Пунин «Эсмеральда»), Одетта-Одилия (П. Чайковскийын «Лебединое озеро»), Китри (Л. Минкусын «Дон Кихот»), Никия (Л. Минкусын «Баядерка»), Мари (П. Чайковскийын «Щелкунчик»), Кармен (Ж. Бизен да Р. Щедринын «Кармен»), Эгина (А. Хачатурянын «Спартак»), Шайви (А. Лупповын «Лесная легенда»)[2].
Ты балеринын техникыже ныжылге кид, 180 градус деч утларак йолым шарен тӧрштылмаш, лывырге кап-кыл дене ойыртемалтеш. Тудо техник шотышто веле огыл, тыгак шке геройжо-влакын кӧргӧ чон шотыштат келгын пашам ышта, семым шижмыже, кумылым почын ончыктымыжо пӱртӱс пуымо артистизм дене ойыртемалтеш[2].
2007 ий гыч Э. Сапаев лӱмеш Марий опер да балет театрын балет труппыж дене Германийыште, Францийыште, Италийыште, Великобританийыште, Китайыште, Мексикыште, тыгак Москошто да Российын тӱрлӧ олаштыже лийын[2][3][4][5][6][7].
2018 ийыште тудлан «Марий Эл Республикын сулло артисткыже» чаплӱмым пуымо. 2016 ийыште тудо Олык Ипай лӱмеш сылнымут, тӱвыра да сымыктыш аланыште Марий Элын Кугыжаныш самырыктукым премийжын лауреатше, 2015 ийыште Йыван Кырла лӱмеш калыкле театр премийын лауреатше лийын[8]. Икмыняр кӱкшӧ конкурс ден фестивальын лауреатше да дипломантше улеш: Сочи олаште Юрий Григоровичын II калык-влак кокласе «Молодой балет мира» конкурсшо (2008), Галина Уланова лӱмеш I пӱтынь российысе балет артист-влакын конкурсышт (2008), Е. Максимова лӱмеш балет артист-влакын «Арабеск» конкурсшо (2014), Г. Уланова лӱмеш пӱтынь российысе балет сымыктыш фестиваль (Йошкар-Ола)[9], Ю. Григоровичын «Молодой балет мира» калык-влак кокласе конкурсшо (ший медаль) (Сочи ола) (2016), «Гран-при Сибири» калык-влак кокласе балет конкурс (ший медаль) (Красноярск ола) (2016), Калык-влак кокласе балет артист ден хореограф-влакын XII конкурсышт (бронзо медаль, Моско, 2016)[10][11] да молат[2].
Кызыт Йошкар-Олаште ила да пашам ышта[3].
Репертуар
Балетлаште да балет постановкылаште тӱҥ роль-влак списке[2]:
- Л. Минкус «Баядерка» — Джампе, Па да Ксьон, Тени (соло), Гамзатти, Никия
- Л. Минкус «Дон Кихот» — Уремысе куштызо, Дриад-влакын повелительницышт, Китри
- А. Адан «Жизель» — Мирта
- С. Прокофьев «Золушка» — Модистке, Кеҥеж Фея, Фея (тӱҥ), Шыже Фея, Золушка
- К. Орф «Кармина Бурана» — Тудо
- П. Чайковский «Лебединое озеро» — Оръеҥ, Мазурка, Венгр куштымаш, Изи лудо-влак, Фрейлине (Па де труа), Одетта-Одилия
- А. Луппов «Чодыра легенде» — Шайви
- С. Прокофьев «Ромео ден Джульетта» — Джульеттан йолташыже, Джульетта
- А. Хачатурян «Спартак — Римын триумфшо» — Эгина
- И. Штраус «И смех, и слёзы, и балет» — Сцене мастар
- П. Чайковский «Спящая красавица» — Сирень Фея
- П. Гертель «Тщетная предосторожность» — Лизан йолташыже, Лиза
- Е. Крылатов «Цветик-семицветик» — Женя
- П. Чайковский «Щелкунчик» — Пеледыш-влакын вальсышт (солист-влак), Коломбина, Француз курчак, Маша
- Ц. Пуни «Эсмеральда» — Чыган ӱдыр, Флер де Лисын йолташыже, Флер де Лис, Эсмеральда
- А. Адан «Корсар» — Кокымшо одалиске, Кумшо одалиске, Гюльнара, Медора
- Ф. Мендельсон «Сон в летнюю ночь» — Титания
- К. Хачатурян «Чиполлино» — Магнолия
- А. Глазунов «Раймонда» — Раймонда
- Ж. Бизе-Р. Щедрин «Кармен» — Кармен
- Б. Асафьев «Бахчисарай фонтан» — Зарема, Гирейын йӧратыме ватыже
- Р. Калимуллин «Ош йӱксӧ» — Прасковья, Веран коваже
- А. Шор «Хрустальный дворец» — Кылмыше садын Феяже
Чаплӱм да суаптар-влак
- Марий Эл Республикын сулло артисткыже (2018)[2][3];
- Олык Ипай лӱмеш сылнымут, тӱвыра да сымыктыш аланыште Марий Элын Кугыжаныш самырыктукым премий (2016) — «Сон в летнюю ночь», «Щелкунчик», «Лебединое озеро» балетлаште образ-влакым чоҥымылан[2][3];
- Йыван Кырла лӱмеш калыкле театр премий (2015) — П. И. Чайковскийын «Лебединое озеро» балетыштыже Одетта-Одилиян партийжым куштымылан[2];
- Марий Эл Республик Виктерын Чаптаныкше (2015)[2];
- Марий Эл Республикын Тӱвыра, савыктыш да калык-влакын пашашт шотышто министерствын Чаптаныкше (2010)[2].
Палемдымаш
- ↑ Замужем за балетом (руш.). Свежие новости Марий Эл и Йошкар-Олы – Ваш новый день. Тергыме кече: 19 кылме 2025. Архивлыме 26 пургыж 2022 ий.
- ↑ 1 2 3 4 5 6 7 8 9 10 11 Марийский государственный академический театр оперы и балета им. Эрика Сапаева. operaballet.net. Тергыме кече: 19 кылме 2025. Архивлыме 26 пургыж 2022 ий.
- ↑ 1 2 3 4 5 Интервью с балериной Екатериной Байбаевой | Contralto People: люди размножаются мирами. contraltopeople.ru. Тергыме кече: 19 кылме 2025. Архивлыме 26 пургыж 2022 ий.
- ↑ В ДК есть место балету! (руш.). grani21.ru. Тергыме кече: 19 кылме 2025. Архивлыме 26 пургыж 2022 ий.
- ↑ В Коми приехала «Золушка» из Марий Эл (руш.). БНК. Тергыме кече: 19 кылме 2025. Архивлыме 26 пургыж 2022 ий.
- ↑ Танцор из Марий Эл стал «Восходящей звездой» в балетной номинации. news.myseldon.com. Тергыме кече: 19 кылме 2025. Архивлыме 26 пургыж 2022 ий.
- ↑ «Стерх» соберет звезд мирового балета!, 2019-10-17, <https://web.archive.org/web/20220226084459/https://sakhalife.ru/sterh-soberet-zvezd-mirovogo-baleta/>. Тергыме: 2 теле 2025.
- ↑ В Марий Эл вручили Национальную театральную премию им. Й. Кырли (руш.). Кидшер (28 ӱярня 2018). Тергыме кече: 19 кылме 2025. Архивлыме 26 пургыж 2022 ий.
- ↑ Большие надежды марийского балета: в Йошкар-Оле прошел фестиваль Улановой (руш.). ИА МедиаПоток (21 вӱдшор 2015). Тергыме кече: 19 кылме 2025. Архивлыме 26 пургыж 2022 ий.
- ↑ Всероссийский конкурс артистов балета назвал лауреатов (руш.). ClassicalMusicNews.Ru (5 кылме 2016). Тергыме кече: 19 кылме 2025. Архивлыме 26 пургыж 2022 ий.
- ↑ Екатерина Байбаева завоевала очередную престижную награду (руш.). МариМедиа. Тергыме кече: 19 кылме 2025. Архивлыме 26 пургыж 2022 ий.
Кылвер-влак
- Марийский государственный академический театр оперы и балета им. Эрика Сапаева. Екатерина Байбаева.
- Журнал Contralto People. Интервью с балериной Екатериной Байбаевой. Март 2017 г.
- Газета «Марийская правда». 31.10.2019. Прима-балерина Театра оперы и балета им. Э Сапаева Екатерина Байбаева: «У меня нет любимой роли. Я люблю всех моих героинь».
- Газета «Ваш Новый День». 16.02.2019. Замужем за балетом.
- ГТРК «Марий Эл». АРТ-Мари. Ведущая солистка балета Екатерина Байбаева.
- Марийское региональное отделение Союза театральных деятелей РФ. В своём репертуаре — Екатерина Байбаева.