Аристэ, Пауль Александрович

Пауль Аристэ
Пауль Аристэ
	Пауль Александрович Аристэ
Шочмо кече	3 пургыж 1905
Шочмо вер	Торма[d], Йыгевамаа[d], Эстоний;
Колымо кече	2 пургыж 1990 (84 ий)
Колымо вер	Тарту, Эстонская ССР[d], Совет Социализм Республик-влак Ушем;
Эл	Эстоний, СССР
Шанче алан	йылме
Паша вер	Тартуский университет[d]; Латвийский университет[d];
Образований	Гимназия Густава Адольфа[d]; Тартуский университет[d];
Тунемшыже-влак	Михаил Гаврилович Атаманов[d], Васикова, Лидия Петровна, Куусинен, Мартти Эсович[d] да Лаанест, Арво Хансович[d]
Награде ден премий-влак	почётный доктор Хельсинкского университета[d] Почётный гражданин Тарту[d]

Пауль Александрович Аристэ (эст. Paul Ariste, 1905—1990) — йылмызе-шанчызе, талантан туныктышо, Эстон Республикысе шанче академийын академикше, Тарту университетын профессоржо, Америкысе лингвист ассоциацийын еҥжылан шотлалтын, ятыр йот университетын почётан профессоржо. Этнографийым, археологийым, фольклорым келгын шымлен, пашаштыже кумдан кучылтын. Марий калыкын тӱвыражым вияҥдымаште келге кышам коден.

Шанче паша

Пауль Аристэ лу йылме наре пален, кутырен моштен, шке шанче пашажым эстон йылме деч посна немыч, англичан, руш, финн, швед, латыш, лив йылмыла дене возен. Эрзя-мордва, венгр йылмыла денат начар огыл ойлен. Пауль Аристэ шымлыме пашаже-влак тӱҥ шотышто Балтик теҥыз воктенсе финн-угор-влаклан пӧлеклалтыныт, поснак эстон ден водь йылме-влак дене кугу специалист лийын. Тудын тӱҥ корныжо экспериментальный да сравнительно-исторический фонетика, но этимолог да грамматист семынат кугу чапым налын. Ученыйын возымыж гыч тыгай шымлымаш-влакым ончыкташ лиеш: «Водь йылме грамматика», «Эстон йылмын фонетикыже», «Некоторые заметки по фонетике коми языка». Пытартыш жапыште водь йылме мутерым ыштымаште чот тыршен. «Советское финно-угроведение» журналын икымше номерже гычак Пауль Аристэ тӱҥ редактор лийын.

Палыме тунемшыже-влак

Марий кундем гычын икымше аспирант-влак Лидия Петровна Васикова да Иван Степанович Галкин лийыныт. Тидын дечын вара Аристэн школжым Иван Иванов, Георгий Валитов, Валентин Васильев да шуко молат эртеныт.

Палемдымаш

↑ ¹ ² Paul Ariste // Eesti biograafiline andmebaas ISIK (эст.)

Литератур

Onga, Mare (2000). Professor Paul Ariste biobibliograafia 1921—2000 = Professor Paul Ariste : Biobibliographie 1921—2000.
Viitso, Tiit-Rein (2005). Paul Ariste 100. Linguistica Uralica No 1/2005, 1-3.
Viitso, Tiit-Rein (2005). Some Comments about Paul Ariste’s Doctoral Dissertation on Phonetics of Hiiumaa Estonian Dialects. Linguistica Uralica No 1/2005, 4-19.

Кылвер-влак

Большой советской энциклопедии.
Коротко в Большом Российском энциклопедическом словаре (недоступная ссылка) (Ончымо кече: 31 шыжа 2009)
Ордена Аристэ

[_45c0f71f36c26be9-1] ¹ ² Paul Ariste // Eesti biograafiline andmebaas ISIK (эст.)

[1]