Абдулов, Александр Саликович

РУВИКИ-ште тыгай тукымлӱм дене вес еҥ нерген статьям лудаш лиеш: Абдулов.

Александр Саликович Абдулов
Шочмо кече	1960 ий 16 вӱдшор(1960-04-16) (66 ий)
Шочмо вер	РСФСР, Башкир АССР, Мишкан кундем, Кугу Соказа ял
Эл	СССР  Россий
Образований	Н. К. Крупская лӱмеш марий педагогике институт
Шанче степень	историй шанче кандидат
Награде ден премий-влак	Марий Эл Республикын сулло журналистше

Александр Абдулов (Александр Саликович Абдулов) (шоч. 16 вӱдшор 1960, Кугу Соказа, Мишкан кундем, Башкир Автоном Совет Социалистик Республик, РСФСР, СССР) – марий историк, шанчызе, журналист, мер пашаеҥ, историй шанче кандидат (2000), Марий Эл Республикын сулло журналистше (2000), «Марий Эл» увер агентстве директорын алмаштышыже.

Илыш корныжо

Александр Абдулов 1960 ийын вӱдшор тылзын 16-шо кечынже Башкир АССР Мишкан кундем Кугу Соказа ялеш шочын.

Тунеммаш

Кӱшыл шинчымашым Марий кугыжаныш педагогик институтышто налын, 1983-шо ийыште тунем пытарен. Вара Россий Федераций Президент пеленысе кугыжаныш службын Российысе академийыш пурен, 2000-ше ий марте шинчымашым поген.

Мер паша

90-ше ийлаште Александр Абдулов мер паша толкын кӱшныжӧ лийын манаш лиеш. Тудын да йолташыже-влакын тыршымышт дене «У вий» самырык тукым ушем чоҥалтын (1989), «Марий Ушем» организацийым илышыш ылыжтыше-влак кокла гыч улеш (1990). Кунам Финн-угор калык-влакын самырык ассоциацийышт (МАФУН) чоҥалтын - Александр Абдуловым икымше президентшылан сайленыт. Тыгак Мер Каҥашын погынъеҥже улеш.

ОК ВЛКСМ-ын лектор тӱшкалан вуйын шоген, «Кугарня» газетын тӱҥ редакторжылан ыштен (1991-1994). Ты жапыштак Марий телевиденийыште, Марий Эл Республик президентын администрацийыштыже тыршен. 1997 ий гыч «Марий Эл» газетыште тыршаш тӱҥалеш.

Чап

• Историй шанче кандидат (2000).
• Марий Эл Республикын сулло журналистше (2000).
• «Марий Элыште суаплыклан» орденын медальже «Савыктыш отрасльым вияҥдымашке кугу сеҥымашышке шумылан» (2020).

Палемдымаш

Литератур

1. Марийская биографическая энциклопедия : 3849 имен в истории Марийского края и марийского народа / авт. и рук. проекта В. Мочаев. – Йошкар-Ола, 2007. С. 13.
2. Сергей Шакиртович Сайтиев. Марийские ученые из Республики Башкортостан. с. Калтасы, 2017. C.5–6.

Кылвер-влак

• Абдулов Александр Саликович | kulturarb. (руш.)
• «Марий Эл» газет