Абдуллин, Рубин Кабирович

РУВИКИ — эрыкан энциклопедий гыч материал
РУВИКИ-ште тыгай тукымлӱм дене вес еҥ нерген статьям лудаш лиеш: Абдуллин.
Рубин Абдуллин
суасла Рубин Кабир улы Абдуллин
Абдуллин, Рубин Кабирович.jpeg
Тӱҥ увер
Тичмаш лӱм Рубин Кабирович Абдуллин
Шочмо кече 19 сорла 1950(1950-08-19) (76 ий)
Шочмо вер Йошкар-Ола
Эл
Профессий пианист, органист
Семӱзгар фортепиано, орган
Награде
rubin-abdullin.ru

Рубин Кабирович Абдуллин (суасла Рубин Кәбир улы Абдуллин; шоч. 19 сорла 1950, Йошкар-Ола) — пианист, органист, педагог, сем сымыктыш, мер пашаеҥ. Н. Г. Жиганов лӱмеш Озаҥысе кугыжаныш консерваторийын ректоржо (1988—2021). Татарстан Республикын калык артистше (1992). Сылнымут да сымыктыш шотышто М. Джалиль лӱмеш Татарстан Республикысе премийын лауреатше (1988)[1]. Россий Федерацийын Кугыжаныш премийын лауреатше (2000)[2]. Россий Федерацийын калык артистше (2007).

Илыш корныжо

Рубин Кабирович Абдуллин 1950 ийын 19 августышто Йошкар-Олаште шочын.

1973 ийыште Озаҥысе кугыжаныш консерваторийым фортепиано классыште пытарен (Э. А. Монасзонын классше[3][4]).

1974 ийыште Ленинград кугыжаныш консерваторийын[3] орган классшым тунем лектын.

1973—1975 ийлаште — Озаҥысе кугыжаныш консерваторийын лӱмын ыштыме фортепиано кафедрыжын туныктышыжо.

1979 ийыште Москосо кугыжаныш консерваторийыште ассистентуро-стажировкым эртен[3].

1975—1979 ийлаште — Озаҥысе кугыжаныш консерваторийын лӱмын ыштыме фортепиано кафедрыжын кугурак туныктышыжо.

1979—1992 ийлаште — Озаҥысе кугыжаныш консерваторийын лӱмын ыштыме фортепиано да орган кафедрын доцентше.

1992—1998 ийлаште — Озаҥысе кугыжаныш консерваторийын лӱмын ыштыме фортепиано да орган кафедрын профессоржо[3]. Абдуллинын тунемшыже-влак кокла гыч иктыже Россий Федерацийын сулло артистше Л. Г. Камелина лийын.

1988—2021 ийлаште — Н. Г. Жиганов лӱмеш Озаҥысе кугыжаныш консерваторийын (академийын) ректоржо[1].

1998 ий гыч — орган да клавесин кафедрын вуйлатышыже[3].

Сем сымыктыш пашаеҥ-влак ушемын йыжъеҥже.

Сем сымыктыш аланыште РФ-н кӱшыл тунемме верын УМО президиумын йыжъеҥже.

Российысе органист-влак ушемын председательже[3].

Усталык пашаже

Р. Абдуллин концертный пашам шуктен шога. Семӱзгарым шоктышын репертуарже XV—XX курымласе семым авалтен. Тӱрлӧ историко-стилевый пагытым авалтыше тӱнямбал орган сымыктышын вияҥмыжым почын ончыктышо концерт циклын авторжо да шоктышыжо.

Российын да Европысо эллаште (Великобританий, Германий, Франций, Швейцарий, Швеций, Эстоний, Испаний, Италий, Латвий, Литва да молат) да США-н ятыр олаштыже концертым ончыкта.

Сем сымыктышын йодышыж-влак нерген статья-влакын авторжо, органлан да фортепианолан чумырымо ятыр сборникын чумырышыжо да редакторжо, ты радамыштак Татарстан семмастар-шамычын органлан возымо произведений-влакын сборникше[3].

Книгам лудаш йӧрата.

Еш

  • Ешан, эргыже уло[5].

Дискографий

  • К. Сен-Санс. Оркестр дене органылан до минор симфоний / Дир. Ф. Мансуров. — Озаҥ, 1997 (CD)[3]
  • И. С. Бах. Klavierubung. Ч. III. — Екатеринбург, 2000 (CD)[3].

Чаплӱм, суаптар-влак да пагалымаш

  • Татарстан Республикын калык артистше (1992);
  • Россий Федераций сымыктышын сулло пашаеҥже (1997)[1];
  • «Озаҥ олан кугешнымашыже» энциклопедийын участникше (2005);
  • Россий Федерацийын калык артистше (2007);
  • Муса Джалиль лӱмеш Татарийын комсомол премийже (1988);
  • Россий Федерацийын Кугыжаныш премийже (2000)[6];
  • Марий Эл Республик сымыктышын сулло пашаеҥже (2014)[7].

Палемдымаш

  1. ↑ 1 2 3 Татарский энциклопедический словарь. — Казань: Институт Татарской энциклопедии АН РТ, 1999 — С. 8.
  2. ↑ Указ Президента Российской Федерации от 09.06.2000 г. № 1085, <http://www.kremlin.ru/acts/bank/15681>. Тергыме: 20 идым 2025. 
  3. ↑ 1 2 3 4 5 6 7 8 9 Краткий биографический справочник от А до Я. Казанская государственная консерватория (академия) им. Н. Г. Жиганова 1945—2011. Профессорско-преподавательский состав. Казань, 2011 г. — С. 7.
  4. ↑ Монасзон Эммануил Александрович (1927—2010). Тергыме кече: 20 идым 2025. Архивлыме 22 пургыж 2014 ий.
  5. ↑ Абдуллин, Рубин Кабирович - Большая биографическая энциклопедия. web.archive.org. Тергыме кече: 20 идым 2025.
  6. ↑ Казанская государственная консерватория - официальный сайт. kazanconservatoire.ru. Тергыме кече: 20 идым 2025.
  7. ↑ Марийская биографическая энциклопедия-2, 2017, с. 11.

Литератур

  • Галеев Б. Замечательный цикл // Советская музыка. 1981. № 9
  • Шаймарданова Э. Органная культура Татарстана: Дипл. работа /Рук. В. Дулат-Алеев. — Казан. консерватория, 1997
  • Морозов А. Интервью 2000—2001. Йошкар-Ола, 2001
  • Татарская энциклопедия. Т.1. — Казань, 2002
  • Мееркова Д. Рубин Кабирович Абдуллин. Человек, педагог, музыкант // Из педагогического опыта Казан. консерватории: Прошлое и настоящее. Вып. 2 — Казань, 2005.
  • Татарский энциклопедический словарь. — Казань: Институт Татарской энциклопедии АН РТ, 1999 г.— С. 8. — ISBN 0-9530650-3-0
  • Краткий биографический справочник от А до Я. Казанская государственная консерватория (академия) им. Н. Г. Жиганова 1945—2010. Профессорско-преподавательский состав. Казань, 2011 г. — С. 7. — ISBN 978-5-85401-136-5
  • Акшиков А. Г., Мочаев В. А. Абдуллин Рубин Кабирович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 11. — 606 с. — 1500 экз. — ISBN 978-5-905314-35-3.

Кылвер-влак

"https://mhr.ruwiki.ru/w/index.php?title=Абдуллин,_Рубин_Кабирович&oldid=1231384" гыч налме