«Шӧртньӧ Шӱдыр» медаль (Россий)
| «Шӧртньӧ Шӱдыр» медаль | |
|---|---|
.jpg) |
|
| Эл |
 Россий |
| Тип | медаль |
| Кӧлан пуалтеш | Россий Федераций Герой лӱмым налше-влаклан |
| Статус | кучыкталтеш |
| Статистике | |
| Ыштыме кече | 1992 ий 20 ӱярня |
| Икымше суапландарымаш | 1992 ий 11 вӱдшор |
| Суапландарыме чот | 1201 |
| Черет | |
| Изирак награде | «Россий Федерацийын Паша Талешкыже» медаль |
«Шӧртньӧ Шӱдыр» медаль — Российын кугыжаныш наградыже. 1992 ийыште «Россий Федераций Герой» лӱмлан ойыртемыш пале семын тӧнежлыме. Положений почеш, лӱмым РФ президент кугыжаныш ден калык ончылно геройло подвигым ыштыме дене кылдалтше суаплан пуа[1].
Историй
«Шӧртньӧ Шӱдыр» медальым Россий Федерацийын 1992 ий 20 мартысе 2553-I №-ан Законжо дене тӧнежлыме[2], ик жапыштак «Россий Федераций Герой» лӱмым ыштыме.
Медаль нерген каласкален возымаш
«Шӧртньӧ Шӱдыр» медаль нерген каласкален возымым Россий Федерацийын 1992 ий 20 мартысе 2553-I №-ан Законжо дене пеҥгыдемдыме:
«Шӧртньӧ Шӱдыр» медаль ончыл могырыштыжо кок шӧрынан ягылге йолан вич лукан шӱдыр сынан. Йолын кужытшо — 15 мм. Медальын вес могыржо ягылге ӱмбалан да контур мучко лектын шогышо вичкыж шӱдыш дене тӱраҥдыме.
Медальын вес могырыштыжо покшелне лектын шогышо буква-влак дене возымо: «Россий Герой». Букван кугытшо 4×2 мм. Кӱшыл йолышто — медальын 1 мм кӱкшытан номерже.
Медаль изи пылыш да колча полшымо дене шӧртняҥдыме изи кӱртньӧ колодко дене ушалтеш, тудыжо 15 мм кӱкшытан да 19,5 мм лопкытан вияш лукан пластинке гай, кӱшыл ден ӱлыл ужашлаштыже рамке-влак улыт.
Изи колодкын ӱлныжӧ пӱчман шелше кая, тудын кӧргӧ ужашыжым Россий Федерацийын Кугыжаныш тистыжын тӱсшӧ дене келшышын кум тӱсан муар тасма дене шупшын шындыме.
Изи колодкын вес могырыштыжо медальым вургемеш пижыкташ гайкан пӱчмӧ штифт уло. Медаль шӧртньӧ, 21,5 грамм нелытан.
Кондыштмаш
«Шӧртньӧ Шӱдыр» медаль оҥын шола велныже орден да медаль-влак ӱмбалне кондышталтеш.
Суапландарыме статистике
Палемдымаш
- ↑ Звание Героя Российской Федерации. Справка (руш.). РИА Новости (20120320T0915). Тергыме кече: 2 вӱдшор 2021. Архивлыме 27 пургыж 2021 ий.
- ↑ Закон Российской Федерации № 2553-I от 20 марта 1992 года. Тергыме кече: 30 пеледыш 2013. Архивлыме 4 ӱярня 2016 ий.
