Юл мучко круиз-влак
| эҥер круиз | |
| Юл мучко ийын коштмаш | |
|---|---|
.jpg) | |
| Путешествийын сынже | тӱвыра-пален налме туризм |
| Тӱрлык | экскурсий тур |
| Коштмо йӧн | теплоход дене |
Юл мучко круиз-влак — олаласе чарналтыш годым сылне вер-влакым ончаш йӧнан Юлышто теплоход дене экскурсий вӱдгорно-влак. Российын эҥерлаже дене чыла коштмо вӱдгорно гыч Юл круиз-влак эн чапланыше улыт[1]. Юл навигаций апрель мучаште тӱҥалеш, ноябрь кыдалне мучашлалтеш.
Возен ончыктымаш
Юл — тӱнясе ик эн кугу эҥер, Российын рӱдӧ кумдыкшо гоч эртыше да Европысо эн тич вӱдан да ик эн кӱлешан вӱд артерий. Тудын серлаштыже шке архитектурышт, историйышт да тӱвырашт дене ойыртемалтше шӱдӧ дене ола шога. Нунын коклаште кугу ола-влак — Угарман, Озаҥ, Самара, Волгоград — да Калязин ден Плёс изи ола-шамыч улыт. Круиз жапыште палемдыме чарналтыш-влак улыт, тидын годым историй оҥай вер-влакым тӱшкан ончаш, тыгак турист-влаклан шке семын ончен кошташ йӧн уло. Шогалме вер-влакын спискышт круизын маршрутшо деч шога.
Тыгак Юл дене теплоход дене коштмаш Юл кундемын шкешотан пӱртӱсшым ужаш йӧным пуа — эҥерын кужытшо 3,5 тӱжем км, тудын акваторийысе шуко притокшылан да йоген лекмыжлан кӧра, круиз икмыняр климатический зоно гоч эрта, нуно россий пӱртӱс поянлыкым ончыктат: чодыра зоно гыч тӱҥалын, степь, полупустынь, эҥерын аҥыштыже (дельта) лотос-влак марте[2]. Юл дене эҥер круизыш кайышыла, российысе кумдан палыме ер-влакым — Ладогысым да Онегысым — ужаш лиеш, Карелийысе «Рускеала» чапланыше курык паркыш, Валаам да Кижи отролаш логалаш лиеш[3]. Тидын деч посна, Юл круиз-влак 18 шлюз гоч эртат (маршрут деч шога), нунын кокла гыч кажныжын шке инженерный да архитектур ойыртемже уло[4].
.webp)
Юл дене круизыш Моско, Санкт-Петербург, Самара, Озаҥ, Волгоград, Саратов, Ульяновск, Чебоксар, Челябинск, Ярославль, Астрахань, Кострома, Угарман гыч каяш лиеш.
Путешественник-влак кеч-могай кужытан маршрутым ойырен налын кертыт. Тудо 3 гыч (каныш кече круиз) 20 кече марте шуйнен кертеш[5]. Турист-влак чӱчкыдынрак 10 гыч 14 кече марте шуйнышо круизым ойырат. Круизын кужытшо программыш пуртымо ола ден сылне вер-влакын чотышт дене палемдалтеш. Туроператор-влак Юл дене чылаже вич тӱжем наре круизым эртарат[6].
Юл дене теплоход дене коштмаш апрель мучаште, навигацийым почмеке, тӱҥалеш. Путешествий жап ноябрь кыдалне мучашлалтеш. Тиде жаплан турфирме-влак, тӱҥ шотышто, каныш кече круизым темлат, тыгак кужурак маршрутанымат ойыраш лиеш[3].
2025 ий апрельыште Россий туриндустрий ушем, эҥерын южо ужашыштыже вӱд келгыт иземмылан кӧра, икмыняр круизым жаплан чарыме нерген увертарен. 2024—2025 ийласе лумдымо телылан кӧра российысе южо эҥер талякаҥын[7].
.jpeg)
Маршрут ден чарналтыш-влак
Круиз годым Российысе икмыняр областьыш да кум республикыш логалаш лиеш[1]:
- Моско область (Дубна)
- Тверь область (Тверь, Ржев, Вышний Волочёк, Торжок, Кимры, Удомля, Бологое)
- Ярославль область (Ярославль, Мышкин, Рыбинск, Углич, Тутаев, Калязин)
- Угарман область (Городец, Балахна, Угарман, Бор, Кстово)
- Иваново область (Плёс, Кинешма, Юрьевец)
- Саратов область (Саратов, Балаково, Вольск, Ершов)
- Самара область (Самара, Тольятти, Жигулёвск)
- Волгоград Область (Волгоград, Камышин, Волжский)
- Ульяновск область (Ульяновск, Димитровград)
- Астрахань область (Астрахань, Ахтубинск)
- Татарстан (Озаҥ, Свияжск, Болгар, Алабога)
- Чуваший (Чебоксар)
- Марий Эл (Чыкма, Звенигово,(Волжск))
Телоход-влак
Юл мучко коштшо теплоход-влак шуко тӱрлӧ улыт. 2025 ийысе данный почеш, нуно 200 утла улыт — премиум-класс лайнер гыч тӱҥалын чӱдӧ оксагалталан келшыше (бюджет) теплоход-влак марте.
Палемдымаш
- ↑ 1 2 Круизы по Волге. kruise-teplohod.ru. Тергыме кече: 17 вӱдшор 2025.
- ↑ Круизы по Волге. Расписание и цены на речные круизы - «ВодоходЪ», <https://vodohod.com/cruises/itineraries/volga/>. Тергыме: 17 вӱдшор 2025.
- ↑ 1 2 Речные круизы по Волге на теплоходе 2025: расписание, цены на билеты, лучшие маршруты, отзывы, <https://www.kp.ru/russia/kruizy-po-rossii/rechnye/volga/>. Тергыме: 17 вӱдшор 2025.
- ↑ Елена Ходова (2022-11-15), Круиз по Волге на теплоходе: звёздное небо, древние города и отличный сервис, <https://travel.yandex.ru/journal/kruiz-po-volge-na-teplohode/>. Тергыме: 17 вӱдшор 2025.
- ↑ Речные круизы по реке Волге в 2025 году - цены от 5000 руб - расписание навигации 2025 года (неопр.). kruizy-rossii.com. Тергыме кече: 17 вӱдшор 2025.
- ↑ Маршруты речных круизов по Волге на теплоходе, 2025-03-06, <https://epic-cruises.ru/marshruty-rechnyh-kruizov-po-volge-na-teplohode/>. Тергыме: 17 вӱдшор 2025.
- ↑ Из-за низкой воды на Волге изменены некоторые маршруты речных круизов, 2025-04-21, <https://www.interfax.ru/russia/1021863>. Тергыме: 21 вӱдшор 2025.
|
Правообладателем данного материала является АНО «Интернет-энциклопедия «РУВИКИ». Использование данного материала на других сайтах возможно только с согласия АНО «Интернет-энциклопедия «РУВИКИ». |
Тиде статья РУВИКИ-н вес статьяшт дене кылдалтын огыл. |
.svg){kind=link}