Тӱнямбал савыктышын эрык кечыже
Тӱнямбал савыктышын эрык кечыже ( ООН-ын моло официал йылмыла дене: англ. World Press Freedom Day, араб. اليوم العالمي لحرية الصحافة, исп. Día Mundial de la Libertad de Prensa, кит. 世界新闻自由日, фр. Journée internationale de la liberté de la presse ) — 1994 ий гыч ий еда 3 майыште палемдалтеш. ООН-ын Генеральный Ассамблейжын 1993 ий 20 декабрьысе лӱмын лукмо (A/DEC/48/432 № резолюций) дене увертарыме.
Тиде тӱнямбал кече нерген пунчалым Экономике да Илышкыл Советын (ЭКОСОС) темлымышт почеш лукмо — 1993/54-ше №-ан резолюций. Тунамак ЭКОСОС ЮНЕСКО-н Генерал Ассамблейын 1991 ий 6 ноябрьысе 26 сессийын пунчалже дене пайдаланен. Тиде конференцийыште ЮНЕСКО ондак 1991 ийыште эртыше африкысе эрыкан прессым вияҥдыме шотышто Виндхуке оласе семинарын Виндхуке Декларацийжым лукмо кечым,3 майым темлен.
Ий еда ООН-ын Генерал секретарьже Тӱнямбал печатьын эрык кечыж лӱмеш серышым савыкта. 2006 ийысе серышыште, мутлан, каласыме, тӱшкакыл увер йӧн осаллан таратыше, ӱлыкшемме але ужмышудымашым шарыше ӱзгар лийшаш огыл.
1997 ий гыч 3 майыште печать эрыкше верч шогымо пашаште надырлан ий еда ЮНЕСКО-н премийже пуалтеш.
Кече теме
- 2021 ий — «Увер-аҥар — мер илышын порыжо»
- 2020 ий — «Журналистике лӱддымылык да ончылгоч ак пунчал деч посна»
- 2019 ий — «Тӱшкаувер йӧн-влак демократий порылан: журналистике да дезинформаций пагытысе сайлымаш»
- 2018 ий — «Кучемым эскерен кучаш: СМИ, правосудий да правн кӱшыл вийже»
- 2017 ий — «Критике жаплан критике ончалтыш: тынысым йӧратыше, чын да инклюзив обществым чоҥымаште увер-аҥарын верже»
- 2016 ий — «Информаций да эрык дене пайдаланымаш: тиде тендан правада!»
- 2015 ий — «Журналистике тек пеледше! Цифр саманыште журналист пашам, гендер иктӧрлыкым да нунын лӱдыкшыдымылыкыштым пеҥгыдемдымаш»
- 2014 ий — ты идалыкыште кум йодышлан тӱткыш ойыралтын:
- «Эрыкан медиа шот дене вуйлаташ, граждан-влакын праваштым да йӧныштым кумдаҥдаш, нужналыкым пытараш полшат»
- «Тӧртыкын кӱшыл вийже журналистын лӱдыкшыдымылыкше да мут кучыдымо деч аралалтме йӧн»
- «Журналистикын ӱшанле да профессионал улмыжо — вияҥме корнын ик йӧнжӧ»
- 2013 ий — «Лӱдде ойлаш: чыла тӱшкаувер кылысе мутлан эрыкым пуаш»
- 2012 ий — «У йӱк-влак: тӱшкаувер йӧн-влакын эрыкышт мер илышым весемдаш полша».
- 2011 ий — «21 курымысо СМИ: у горизонт да у барьер-влак»
- 2010 ий — «Эрыкан увер-аҥар: палаш права»
- 2008 ий — «Увер-аҥар дек корно правам да йӧным кумдаҥдымаш»
- 2007 ий — «Печатьын эрыкше, журналистын лӱдыкшдымылыкшым да мут кучыдымашым чараш»
- 2006 ий — «Увер-аҥар тӱшкан йӧнжӧ-влак вашталтыше вий гай»
- 2005 ий — «Увер-аҥар йӧн-влак да суап виктем»
- 2004 ий — «Событийым тичмашын да тичмашын огыл ончыктымаш: кӧ мутым куча?»
- 2003 ий — «Увер-аҥар тӱшка йӧн-влак да сарысе вашшогымаш»