Швецов, Михаил Николаевич
| Михаил Николаевич Швецов | |
|---|---|
 | |
| Шочын |
1 ӱярня 1979 (47 ий)
|
| Партий | |
| Шанче степень | педагогике шанче кандидат[d] да экономике шанче доктор[d] |
| Шанче званий | профессор[d] |
| Сайт | mnshvetsov.ru |
Михаил Николаевич Швецов (шоч. 1 ӱярня 1979, Йошкар-Ола) — российысе шанчызе, кугыжаныш да мер пашаеҥ, 2014 ий гыч Марий кугыжаныш университетын ректоржо, Марий Эл Республикысе тунемме тӧнеж-влакын ректор Советын председательже. Экономике шанче доктор, педагогике шанче кандидат, профессор.
Биографий
1979 ий 1 мартыште Йошкар-Олаште шочын, ачаже — педагогике шанче доктор Николай Михайлович Швецов, аваже — Галина Николаевна Швецова, 2001 ий гыч 2017 ий марте Марий Эл Республикын туныктыш да шанче министрже лийын[1].
Кок кӱшыл профессионал образованийже уло: «Менеджмент» (2000) да «Юриспруденций» (2006) специальность-влак дене, тыгак РФ Виктер пеленысе Калык озанлык Академийыште МВА программе дене тунемын (2009)[2]. «Стратегическое управление для топ-менеджеров» («International Senior Executive Strategic Master’s») программе дене Кингстонысо бизнес школышто шинчымашым налын, Калифорнийысе кугыжаныш университетыште (Фуллертон, США) ден Шанхай финанс да экономике университетыште (Китай) тунемын да стажировкым эртен. «Управление персоналом образовательного учреждения», «Методология управления проектами», «Международные аспекты финансового менеджмента», «Противодействие коррупции в органах государственного и муниципального управления», «Разработка содержания профессионального образования, повышение его качества в неразрывной связи с наукой» программе-влак дене квалификацийым кугемден. 80 утла савыкталтше шанче пашан авторжо, нунын коклаште тунемме да тунеммаш-методике пособий ден монографий-влак[1].
2003 ийыште «Педагогические условия эффективного управления негосударственной образовательной организацией» теме дене кандидат диссертацийым арален. 2009 ий 16 октябрьыште «Методология учётно-аналитического обеспечения системы менеджмента качества образования» доктор диссертацийым арален. МарГУ-н изи да кокла бизнесым виктарыме кафедрын профессоржо[1].
2013 ий мартыште Марий кугыжаныш университетыште ректорын пашажым жаплан шуктышылан шогалтеныт. 2014 ий майыште РФ-ын туныктыш да шанче министрын кӱштымыж почеш МарГУ-н ректоржылан шогалтеныт. Ректор должностьыш угыч 2019[3] да 2024[4] ийлаште сайлалтын.
Должность-влак
- Марий Эл Республикысе туныктыш организаций-влакын ректор-влакын Каҥашыштын председательже;
- Марий Эл Кугыжаныш Погынын VIII созывшын депутатше, «Икоян Россий» Россий кӱкшытан политике партийын Марий кундемысе пӧлкан секретарьжын алмаштышыже, Марий Эл Республикыште «Икоян Россий» партийын председательже Дмитрий Медведевын кундемысе мер приёмныйжын вуйлатышыжын пашажым жаплан шуктышо[5];
- Марий Эл Республикын Кугыжаныш Погынын Президиумжын членже;
- Педагогике образований шанче-влакын Калык-влак кокласе академийжын (МАНПО) член-корреспондентше;
- Российысе юрист-влакын Ассоциацийыштын Россий кӱкшытан мер организацийжын Марий кундемысе пӧлкан членже;
- Республикысе МВД пеленысе мер каҥашын членже.
Чаплӱм да суаптар
- Россий Федерацийын туныктыш сферын почётан пашаеҥже;
- Марий Эл Республикын образованийын сулло пашаеҥже;
- Россий Федерацийын Шанче да кӱшыл образований министерствыжын Чап грамотыжо;
- Россий Федерацийын Спорт министерствыжын Таумутшо;
- Марий Эл Республикысе тӱҥ федерал инспекторын Таумутшо;
- Марий Эл Республикын Кугыжаныш Погынын ойыртем палыже — «Марий Элын законодательствыжым вияҥдымашке посна надырлан» медаль;
- Марий Эл Республикын Правительствыжын Чап грамотыжо;
- Марий Эл Республикын Кугыжаныш Погынын Чап грамотыжо;
- Марий Эл Республикын Вуйлатышыжын Таумут серышыже;
- «Йошкар-Ола» ола округын администрацийжын Таумутшо;
- Марий Эл Республикын Мер палатын Таумутшо[5].
Палемдымаш
- ↑ 1 2 3 Марийская биографическая энциклопедия-2, 2017, с. 497.
- ↑ Ректор ФГБОУ ВО «Марийский государственный университет» Швецов Михаил Николаевич, доктор экономических наук, кандидат педагогических наук. marsu.ru. Тергыме кече: 27 кылме 2025. Архивлыме 7 ӱярня 2022 ий.
- ↑ Ректором МарГУ выбрали Михаила Швецова, 2019-04-19, <https://kidsher.ru/ru/news/17772/>. Тергыме: 27 кылме 2025.
- ↑ Малясев, Виталий (2024-03-15), Михаил Швецов избран ректором МарГУ в третий раз, <https://akpars.ru/news/90025/mihail-shvecov-izbran-rektorom-margu-v-tretij-raz/>. Тергыме: 27 кылме 2025.
- ↑ 1 2 Депутаты 8 созыва. gsmari.ru. Тергыме кече: 27 кылме 2025.
Литератур
- Ермакова О. А., Мочаев В. А. Швецов Михаил Николаевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 497. — 606 с. — 1500 экз. — ISBN 978-5-905314-35-3.
Кылвер-влак
- Швецов Михаил Николаевич (неопр.). Тергыме кече: 13 шыжа 2025.
- История успеха молодого ректора (руш.). www.vedu.ru. Тергыме кече: 13 шыжа 2025.
