Чыкман ойыпшо
| Чыкман ойыпшо | |
|---|---|
_(2005).png) | |
| Рашлык | |
| Пеҥгыдемдыме | 2005 ий 25 ага |
| Щит | француз сынан йошкарге |
| Моло ужаш | шӧртьньӧ умдан пикш |
«Чыкма ола» муниципал образованийын ойыпшо (руш. Герб муниципального образования «Город Козьмодемьянск») — Чыкма олан официал тамгаже, олан праважым да чапшым шкевуя пеҥгыдемдыме кӱкшытым, тудын кумдыкшын да поро лӱмжын иктыш ушнымыжын, эртымгорныжым авалтен ончыктышо тамга улеш.
Кызытсе ойып 2005 ий 25 майыште пеҥгыдемдалтын[1].
Ойыпын сынже
Йошкар тӱсыштӧ шӧртньӧ тӱсан йоҥеж да ырес семын пыштыме кум пикш.
Эртымгорно
Чыкман ойыпшо (1781)
.gif)
1781 ий 18 октябрьыште Сенатын Озаҥ наместничествысе ола-влакын ойыпыштым пеҥгыдемдыме нерген докладше почеш Екатерина II императрицын лӱман кӱштыкше дене олан икымше ойыпшым пеҥгыдемдыме. Чыкман ойыпшо моло ола ойып семынак йӱлаш пурышо сынан лийын — француз сынан маналтше, сарзе аралтыш (щит), ӱлыл лукым йыргештарыме, покшелныже пӱсӧ пикш гай лукмо. Ойыпын кӱшыл ужашыштыже — ош тӱсыштӧ — шӧртньӧ коронан, йошкар шулдыран шем дракон — Озаҥ губернийын?! тамгаже (Зилантым ончо) да Чыкма олан тудын кышкарыш пурымыж нерген танык. Ӱлыл ужашыштыже:
Йошкар тӱсыштӧ шӧртньӧ йоҥеж да тудын ӱмбалне тугаяк кум пикшым пыштыме, тиде верысе еҥ-влакын тиде сонар ӱзгарым устан кучылтмышт нерген ойла.
Чыкман ойыпшо (1970)
1970 ийыште олан у ойыпшо пеҥгыдемдалтын, тудын авторжо В. А. Барышкин лийын. Ойыпын сынже тыгай лийын:
Йошкар щитыште пӱян шем орва, пурла могырым ужар кож укш, шола могырым шӧртньӧ пырче дене сӧрастарыме, ший тӱсыштӧ ужар курык-влак кандалге толкын гыч нӧлтыт. Щитын ӱлыл ужашыштыже кандалге тӱсыштӧ олан лӱмжым ший дене возымо, ӱлыч шӧртньӧ калык тӱр дене сылнештарыме[2].
Ойыпын тамгаже ончыкта, йӧнозанлыкан Чыкма ола Курыкмарий велын кумдыкыштыжо верланен, тудо шке чодыраж дене да поян ялозанлык мландыж дене чапланен.
Чыкман ойыпшо (2005)
Кызытсе ойып Чыкма оласе погынын 2005 ий 25 майысе № 49 пунчалже дене пеҥгыдемдалтын. Марий Эл Республикын «Чыкма ола» муниципал образованийын ойыпшо нерген возымо почеш[3]:
Йошкар тӱсыштӧ шӧртньӧ йоҥеж да ырес семын пыштыме кум шӧртньӧ пикш.
Чыкман ойыпшо верысе шкевиктыш оралтын ончыл пырдыжыштыже, погынымо заллаште, вуйлатыше-влакын паша кабинетлаштышт, оҥпалыште, савыктышыште, бланклаште, суаптарлаште, кундемын чекым ончыктымаште, кундемын ӱшанъеҥже да шкевиктыш тӧнеж-влакын официал савыктышлаштышт ончыкталтеш[4].
Палемдымаш
- ↑ Герб г. Козьмодемьянска. Утвержден в 2005 г. - Прочее - Козьмодемьянск - Статьи - Сайт города Козьмодемьянск. web.archive.org. Тергыме кече: 7 идым 2025.
- ↑ Геральдика города Козьмодемьянска (руш.). web.archive.org. Тергыме кече: 7 идым 2025.
- ↑ Герб Козьмодемьянска. heraldicum.ru. Тергыме кече: 7 идым 2025.
- ↑ Положение о гербе муниципального образования «Город Козьмодемьянск» Республики Марий Эл. Тергыме кече: 7 идым 2025.
| Ола округ-влак | ||
|---|---|---|
| Муниципал район-влак | ||
