Уланова, Екатерина Валентиновна
| Екатерина Валентиновна Уланова | |
|---|---|
| Екатерина Уланова | |
 | |
| Шочмо годсо лӱм | Екатерина Валентиновна Уланова |
| Шочмо кече | 1969 ий 1 сӱрем (56 ий) |
| Шочмо вер | РСФСР, Марий АССР, Йошкар-Ола |
| Гражданлык |
 СССР Россий |
| Паша сомыл | серызе, почеламутчо |
| Награде да премий |
Марий Эл Республикысе МВД-н Чапкагазше (1998), «Боевое братство» ушемын Чапкагазше (2007), «За ратную доблесть» медаль (2008). |
Екатерина Валентиновна Уланова (шоч. 1 сӱрем 1969, Йошкар-Ола) — поэт, композитор, кусарыше. 2007 ий гыч Россий серызе-влак ушемын йыжъеҥже. Марий Эл Республик тӱвыран сулло пашаеҥже (2011)[1].
Илыш корныжо
Екатерина Уланова 1969 ий 1 июльышто Йошкар-Олаште служащий ешеш шочын. 1984 ийыште 8 классым да Чайковский лӱмеш сем школым фортепиано классыште тунем пытарен, вара Палантай лӱмеш сем училищыште балалайке классыште, Н. К. Крупская лӱмеш МКПИ-н историй-филологий факультетыштыже тунемын[1].
1988 ий гыч Чыкма оласе сем школышто туныктышылан пашам ыштен. «Наигрыш» калык ансамбльыште шоктен, йоча туныктыш тӧнежыште сем вуйлатыше лийын (1989—1999), сем школышто классике гитар дене шокташ туныктен, «Яблоко» партийын республикысе пӧлкажын пресс-секретарьжылан тыршен (2003—2004). 1999 ий гыч таче кече марте — «Йоча йӱк» мер ушем председательын алмаштышыже[1].
«Шокшо кече. Кеҥеж воштылеш…» / «Жаркий день. Смеется лето…» икымше почеламутшо 1988 ийыште «Марийская правда» газетыште савыкталтын. Вара «Молодёжный курьер», «Йошкар-Ола» газет-влак редакций дене кылым кучен. Поэзий дебютшо 1995 ийыште «Тылзын воштылмыжо» почеламут сборник дене лийын. Кызыт ныл поэзий сборникын да почеламут дене возымо «Путешествие» /«Коштмаш» йоча книган авторжо. Тудын пашаштыже посна верым муро творчестве налеш. Е. Уланован поэзийже почылтшо шӱм-чонан, пӱсӧ тургыжланымашан, семан, келге шижмашан, уста мутмастар улмыж дене лудшын кумылжым савыра[1].
1995 ийыште, икымше чечня сарын эн шокшо жапыштыже, чылажымат шке шинча дене ужаш да тидын нерген возаш манын, кредалмаш кумдыкышко каен. Ростов-на-Дону, Грозный олалаште россий армийын салтакше-влак ончылно почеламутым лудын. Марий Эл Республикын ЭПМ-жын Чаптаныкше дене (1998), «Боевое братство» ВОВ-ын Чаптаныкше дене (2007), «Сарзе патырлыклан» медаль дене (2008) палемдалтын[1].
2007 ий гыч Россий серызе-влак ушемын йыжъеҥже. 2011 ийыште Марий Эл Республик тӱвыран сулло пашаеҥже чаплӱмым налын. 2013 ийыште Марий кугыжаныш университетым тунем лектын[2].
Суаптар да чаплӱм
- Марий Эл Республикысе МВД-н Чапкагазше (1998).
- Россий Серызе-влак ушемын йыжъеҥже (2007).
- «Боевое братство» ушемын Чапкагазше (2007).
- «За ратную доблесть» медаль (2008)[1].
- Марий Эл Республик тӱвыран сулло пашаеҥже (2011)[2].
Тӱҥ произведенийже-влак
- Лунный смех : любов, лирика. Йошкар-Ола, 1995. 112 с.
- В дивном городе Где-то…; Струны жалобны и гулки…; Предчувствие скользнуло… : стихи // Дружба. Мир, в котором я живу. Йошкар-Ола, 1997. С. 190—193.
- Отражения : лирико-философ. экстазы. Йошкар-Ола, 1998—1999. 68 с.
- Стихи // Сотовый мед. Йошкар-Ола, 2000. С. 182—186.
- Волгоград… Ростов… Моздок…; Разрушенные дома…; Курят мальчики с бирками… : стихи // Дружба. На свет нетленный. Йошкар-Ола, 2000. С. 173—175.
- Сумерки : стихи. Йошкар-Ола, 2003. 84 с.
- Подвенечіе : стихи. Йошкар-Ола, 2003. 220 с.
- Стихи // Город мой, всегда молодой! : сб. песен. Йошкар-Ола, 2004. С. 125.
- Стихи // Русское слово Марий Эл. Йошкар-Ола, 2004. С. 377—378.
- Все суета сует…; Это ночь — а не буря…; В малой зале гости ели…; Разочарованный ль ты стал… : стихи // Дружба. Время пить херши. Йошкар-Ола, 2007. С. 236—239.
- Путешествие : стихи для детей. Йошкар-Ола, 2007. 20 с.
Палемдымаш
- ↑ 1 2 3 4 5 6 Екатерина Уланова (руш.). mari-lab.ru. Тергыме кече: 20 шыжа 2025.
- ↑ 1 2 Поэт Екатерина Уланова: «В последние годы у многих поменялись ценности, но все возродится», <https://www.marpravda.ru/news/religiya/poet-ekaterina-ulanova-v-poslednie-gody-u-mnogikh-pomenyalis-tsennosti-no-vse-vozroditsya/?ysclid=mh00crhiar895705804>. Тергыме: 21 шыжа 2025.
Литератур
- Краткая биогр. справка // Сотовый мёд. Йошкар-Ола, 2000. С. 182.
- Краткая биогр. справка // Русское слово Марий Эл. Йошкар-Ола, 2004. С. 377.
- Артеменко Е. Е. Уланова // Нижегородцы Марий Эл. Галерея замечательных людей. Йошкар-Ола, 2007.
- Шингареева О. Поэзия в сердце солдата // Йошкар-Ола. 2008. 10 июня.