Тихий Океан флотын кечыже
| Тихий Океан флотын кечыже | |
|---|---|
 Российысе ВМФ-ын Тихий Океан флотын эмблемыже | |
| Тӱрлылык | Профессионал пайрем |
| Ышталтын | 1996 ий 21 ага |
| Палемдат | ий еда |
| Кече | 21 ага |
| Пайремлымаш | Россий Федерацийыште |
| Кылдалтын | 1731 ий 10 (21) майыште Мӱндыр Эрвелыште Российын чарныде пашам ыштыше икымше сарзе-теҥыз подразделенийжым, Охотскысо сарзе портым, ыштыме дене |
Тихий Океан флотын кечыже (але Российысе Тихий Океан флотын кечыже, Российысе Тихий Океан флотын шочмо кечыже) — российысе пайрем, 1731 ий 10 (21) майыште Охотскысо сарзе портым тӧнежлыме лӱмеш ий еда 21 майыште палемдалтеш, порт варажым Российын Мӱндыр Эрвелне эре пашам ыштыше сарзе-теҥыз подразделенийышкыже савырнен[1][2][3][4]. Пайремым Россий ВМФ Тӱҥ командирже, флот адмирал Феликс Громовын 1996 ий 15 июльысо 253-шо №-ан «Талукаш пайремым да специальность дене профессий кечым пуртымо нерген» кӱштыкшӧ дене пеҥгыдемдыме[1][3][4][5].
Историй
1731 ий 10 (21) майыште императрица Анна Иоанновнан кӱштымыж дене Охотск сарзе порт тӧнежлалтын.Тудын пелен сарзе флотилий ышталтын[1]. Сарзе портым ыштымаш стратегий цель дене эртен — элын кумдыкшым аралаш, торгайыме корным да промыселым оролаш, Мӱндыр Эрвелыштыже Российын интересшым арален шогаш полшен. Охотск порт 1849 ий марте Тихий океан серыште ик руш порт лийын[1][4][1][6].
Тихий океанысе флотын кечыжым Россий ВМФ тӱҥ командирже, флот адмирал Феликс Громовын 1996 ий 15 июльысо 253-шо №-ан «Талукаш пайремым да специальность дене профессий кечым пуртымо нерген» кӱштыкшӧ дене пеҥгыдемдыме. Пайрем ий еда 21 майыште палемдалтеш[4][5][1].
Сӱретлымаш
Корабльлаште Тихий Океан флот кечын моряк-влак пайремле погынымашке чумыргат, флагым нӧлтат. Пайремын рӱдыжлан флотын Владивостокышто улшо тӱҥ базыже шотлалтеш[1].
Пайрем Владивостокышто Сӧй чап мемориал комплексыште пайремле митинг дене мучашлалтеш. Курымаш тул дек пеледышым пыштат, воктенак улшо часамлаште юмылтымо йӱла эрта[4].
Пайремын ик йӱлаже — яла дене таҥасымаш, сеҥыше-влак Тихий Океан флот командирын кубокшым налыт[1].
Палемдымаш
- ↑ 1 2 3 4 5 6 7 8 День Тихоокеанского флота. Досье (русский) // ТАСС.
- ↑ День Тихоокеанского флота России (русский) // РИА Новости. — 2018. — 21 ага.
- ↑ 1 2 День Тихоокеанского флота России (русский) // [РИА Новости. — 2019. — 21 ага.
- ↑ 1 2 3 4 5 Абрамов Андрей. День Тихоокеанского флота 2021: история и традиции праздника (русский) // Комсомольская правда. — ISSN 0233-433X.
- ↑ 1 2 Выписка из приказа Главнокомандующего ВМФ Российской Федерации № 253 от 15 июля 1996 года «О введении годовых праздников и профессиональных дней по специальности». Региональная общественная организация «Санкт-Петербургский клуб моряков-подводников и ветеранов ВМФ». Тергыме кече: 12 сӱрем 2020. Архивлыме 15 шыжа 2019 ий.
- ↑ Тихоокеанскому флоту — 285 лет! Министерство обороны Российской Федерации. Тергыме кече: 21 ага 2016. Архивлыме 30 пеледыш 2016 ий.
Кылвер-влак
- Выписка из приказа Главнокомандующего ВМФ Российской Федерации № 253 от 15 июля 1996 года «О введении годовых праздников и профессиональных дней по специальности». Региональная общественная организация «Санкт-Петербургский клуб моряков-подводников и ветеранов ВМФ». Тергыме кече: 12 сӱрем 2020.
| Россий ВМФ-ын пайремже-влак | ||
|---|---|---|
| Тӱҥ | Сарзе-Теҥыз флотын кечыже |  |
| Флот ден флотилийын кечышт |
| |
| Профессионал пайрем-влак |
| |
| Подразделений-влакын пайремышт |
| |
| Ик гана эртарыме юбилей |
| |
