Талалаев, Андрей Викторович

РУВИКИ — эрыкан энциклопедий гыч материал
Тергыме статья
Футбол
Андрей Талалаев
Андрей Талалаев москосо «Торпедо» дене (2022 ий)
Андрей Талалаев москосо «Торпедо» дене (2022 ий)
Тичмаш увер
Тичмаш лӱмжӧ Андрей Викторович Талалаев
Шочын 5 шыжа 1972(1972-10-05)[1][2] (53 ий)
Гражданстве
Кӱкшыт 184 см
Позиций нападатлыше
Клуб нерген
Клуб Флаг России Химки
Должность тӱҥ тренер
Самырык-влакын клубышт
Флаг СССР Торпедо (Моско)
Клуб карьере[* 1]
1991 Флаг СССР Торпедо (Моско) 5 (0)
1992—1995 Флаг России Торпедо (Моско) 59 (9)
1992—1993 → Флаг России (1991—1993) Торпедо-д 2 (0)
1994 → Флаг России КАМАЗ 6 (0)
1995 → Флаг России Торпедо-д 7 (3)
1996—1997 Флаг России Динамо-Газовик 37 (13)
1997 Флаг России Томь 22 (7)
1997—1998 Флаг Италии (1946—2003) Тревизо 18 (1)
1999 Флаг России Локомотив (НН) 1 (0)
1999 Флаг России Томь 10 (1)
Калыкле сборный[* 2]
1992—1994 Флаг России Россий (сам.) 10 (1)
Тренер карьере[* 3]
1999—2003 Флаг России СДЮШОР Торпедо-Металлург тренер
2004 Флаг России Спартак (Моско) тр. пер.
2005—2010 Флаг России Россий
2009—2010 Флаг России Российын юношеский сборныйжо (15 ий марте)
2010 Флаг России Российын юношеский сборныйжо (20 ий марте)
2011 Флаг России Ростов (сам.)
2011 Флаг России Ростов и. о.
2012—2013 Флаг России Кубань тренер
2014 Флаг России Росич
2014—2016 Флаг России Юл (НН)
2016—2018 Флаг России Тамбов
2018—2019 Флаг Армении Пюник
2019—2020 Флаг России Химки
2020 Флаг России Советын шулдыржо
2020—2022 Флаг России Ахмат
2022—2023 Флаг России Торпедо (Моско)
2023—2024 Флаг России Химки
2024—к. ж. Флаг России Балтике
  1. ↑ Модмо ден пуртымо гол чот калыкле студент чемпионатлаште кажне лигылан посна шотлалтеш.
  2. ↑ Официал матчлаште калыкле сборныйлан модмо ден пуртымо гол чот.
  3. ↑ уэмдыме: 7 идым 2024 ий.
Логотип РУВИКИ.Медиа РУВИКИ.Медиаште медиафайл-влак

Андрей Викторович Талалаев (шоч. 5 шыжа 1972[1][2], Моско) — Российысе футболист, нападатлыше, тренер. «Балтика» клубын тӱҥ тренерже.

Российын кӱшыл лигыштыже 69 матчым модын, 8 мечым пуртен. Москосо «Торпедо», «Динамо-Газовик» (Тюмень), «Томь», итальян «Тревизо» да моло верчат выступатлен. Спорт карьерым 1999 ийыште мучашлен[3].

Тӱрлӧ ийлаште икмыняр футбол клубын тӱҥ тренерже лийын: Москосо «Спартак», «Ростов» «Тамбов», «Пюник», «Ахмат» да молынат. Российысе самырык-влакын тӱрлӧ ийготан сборныйыштым вуйлатен[4].

Илыш корныжо

Модшын карьерже

Футбол карьерым 1991 ийыште Москосо «Торпедошто» 1991 ийыште тӱҥалын, тыште самырык-влак командышт верч сайын модмо деч вара командыште дебютироватлен[5].

1992 ийыште УЕФА-н Кубкыжо матчыште Мадридысе «Реалын» капкашкыже голым пуртен. Москосо клуб пелен Российын 1992/93 Кубкыжын озаже лийын[6]. 1994 ийыште «КАМАЗ» футбол клуб верч модын, но ик ий гыч мӧҥгеш «Торпедошко» пӧртылын. 1996 ийыште «Динамо-Газовикыш» (Тюмень) вончен. Тудын икымше дивизионышто сайын модмыжлан кӧра (13 гол) клуб кӱшыл лигыш пӧртыл кертын[5].

1997 ийыште Андрей Викторович «Томь» футбол клубыш куснен. «Динамо-Газовик» дене лийме семынак, тудын нападатлыше семын сайын модмыжо командылан икымше дивизионыш лекташ полшен[7].

1998 гыч 1999 ий йотке Андрей Викторович итальян «Тревизо» верч выступатлен. Команде пелен тудо 18 матчым эртарен[8].

Россий Федерацийыш пӧртылмекше, 1999 ийыште «Локомотив» (Угарман) да «Томь» верч модын. Спорт карьерым 1999 ийыште мучашлен[3].

Тренер карьер

Тренер карьерым Российысе тӱрлӧ ийготан самырык-влакын сборныйышт дене пашам ыштыма гыч тӱҥалын. Тыге, 1999 гыч 2003 ий йотке самырык футболист-влакым «Торпедо-ЗИЛ» йоча да самырык-влакын олимпийский резерв школыштышт туныктен[4].

2004 ийыште Москосо «Спартакыште» Невио Скалан штабышкыже тренер-кусарыше семын пуртымо[9].

2005 гыч 2010 ий йотке Российысе самырык-влакын (19 ий марте да 16 ий марте) сборныйыштын тӱҥ тренерже лийын. Футболист Алан Дзагоев куштен, тудыжо вара Российысе самырык-влакын сборныйыштын туныктышышт лийын[10]. 2011 ийыште «Ростов» самырык-влакын футбол командыштым вуйлатен[5]. 2012 ийыште «Кубань» ФК-ш Юрий Красножанын тренер штабышкыже ӱжмӧ[11].

2014 ий тӱҥалтыште Андрей Викторович «Росич» футбол клубым вуйлатен, но тиде ий мучашланак «Юлын» тӱҥ тренерже должностьыш куснен, тыгодым командым 2015/16 тургым мучко тренироватлаш кодын. Тыге ФНЛ-ын первенствылаштыже «Юл» 13 ден 10 верым налын[12].

2016 ийыште ФНЛ-ыште выступатлыше «Тамбовым» вуйлаташ шогалын[13]. Тыге команде 27 модмаште 47 очком поген, визымше верым налын[14][15]. 2017/18 тургымышто клуб нылымше верым налын (68 очко). 2017 ий мучашлан Талалаев клубын тӱҥ тренерже должность гыч кая[16].

2018 ийыште Андрей Викторовичым «Пюник» армян футбол клубын тӱҥ тренержылан шогалтыме. Тыге 2018/19 Европысо Лигын квалификацийыштыже команде кок раундым эртен. 2 декабрьыште «Гандзасар» ваштареш матчыште Талалаев судьям мыскылен да кораҥдалтын, варажым 2019 ий 31 май марте квалификаций деч посна кодалтын[17][18]. Арменийыште талукын тренержылан шотлымо[19].

2019 ий мучаште «Химке»фн клубым вуйлатен[20].

Талалаев 2019 ийыште «Химки» дене

25 турым эртымек, «Химки», 50 очком поген, ФНЛ-ыште 2019/20 тургымышто 3 верым налын. Икмыняр жап гыч Талалаев клубым умбакыже вияҥдыме план дене келшыдымыжлан кӧра отставкыш каен[21].

2020 ийыште «Совет-влакын шулдырышт» ФК-м (Самара) вуйлаташ шогалын[22]. Тудым шогалтыме татлан тиде команде РПЛ-ын турнир таблицыштыже эн мучаште шоген. Чаманен каласаш логалеш, Андрей Викторович тудым Олимп-ФНЛ гыч лектын вочмыж деч утарен сенен огыл — команде 15 верым налын[23][24].

2020 ий кеҥежым Талалаев «Ахматым» (Грозный) вуйлаташ шогалын[25]. РПЛ тургымын лектышыже почеш «Ахмат» футбол клуб 13 верым налын. РПЛ-ын индешымше туржо деч вара клуб вуйлатыше-влак командым кок ий вуйлатыше тренерын отставкыш лекмыж нерген увертарен[26].

2022 ийыште Андрей Викторович Москосо «Торпедом» вуйлаташ шогалын[27], тушто футболист-влакым ямдылыме, командым да лачшым клубымат ямдылыме пашаште тыршен. Тудын вуйлатымыж почеш команде 12 матчым эртарен, но индеш гана сеҥалтын. Тыге 2023 ийыште кок могырын кутырен келшымышт почеш контракт кӱрылтын[28].

2023 ий июнь гыч[29] 2024 ий июнь марте[30] Андрей Талалаев — «Химки» клубын тӱҥ тренерже.

2024 ий сентябрьыште «Балтика» клубын тӱҥ тренержылан шогалтыме[31].

2025 ий кеҥежым Талалаевын вуйлатыме «Балтика» футбол клуб футбол дене Российын почмо чемпионатшын ик эн тӱҥ открытийже лийын. РПЛ-ын у еҥже (новичок) элите дивизионыш путёвкым мушо эн сайын модшо-влакым арален коден да атаковатлыше футболым ончыктен. 7 стартовый тур деч вара коллектив ик ганат сеҥалтын огыл да турнир таблицыште 3-шо верыште лийын[32].

Телевиденийыште паша

Андрей Талалаев телевиденийыште эксперт семын ик гана веле огыл выступатлен. Тудо Российын, Английым, Чемпион-влак лигын да УЕФА Кубкын Чемпионатыштын матчыштым комментироватлен. Владимир Стогниенко дене пырля ЧМ-2006 ийысым, ЧЕ-2008, ЧЕ-2020 матч-влакым, тыгак 2008 ийыште УЕФА-н чемпион-влак лигыштын финалжым да 2008 ийыште УЕФА-н Кубкыжын финалжым комментароватлен[33]. Икмыняр рӱдӧ матчыште «Матч ТВ» телеканалын экспертше семын эреак выступатлен[34].

Шке илыш

Ватан. Пелашыжын лӱмжӧ Елена[3]. Тудо ече спорт дене тыршен, вара риэлтор лийын. Умбакыже сурт-оралтым виктарыме агентствым почын[4].

Кок эргым (1993 ден 2003 ийлаште шочшо улыт) ончен кушта. Кугуракше — Андрей[35] — «Торпедо» ден «Спартакын» школыштым эртен, «Химик» ФНЛ клубын йодмаштыже (2014/15 тургым) лийын[36].

Тӱҥ тренер шотышто статистике

2023 ий 1 майлан состояний почеш
Команде Пашам тӱҥалмаш Пашам пытарымаш Лектыш[5]
И В Н П ГЗ ГП РМ В %
«Ростов» (сам.) 2011 ий 11 январь 2011 ий 3 август 18 5 2 11 15 30 −15 027,78
«Ростов» (и. о.) 2011 ий 21 июнь 2011 ий 30 июнь 2 0 1 1 3 4 −1 000,00
«Росич» 2014 ий 3 февраль 2014 ий 28 март 0 0 0 0 0 0 +0 !—
«Юл» (НН) 2014 ий 29 март 2016 ий 15 июнь 83 28 13 42 88 122 −34 033,73
«Тамбов» 2016 ий 8 сентябрь 2018 ий 23 май 71 35 16 20 92 67 +25 049,30
«Пюник» 2018 ий 12 июнь 2019 ий 8 апрель 31 14 6 11 35 33 +2 045,16
«Химки» 2019 ий 10 апрель 2020 ий 22 январь 36 23 7 6 66 23 +43 063,89
«Крылья Советов» 2020 ий 28 июнь 2020 ий 25 июль 6 2 3 1 8 5 +3 033,33
«Ахмат» 2020 ий 26 июль 2022 ий 11 сентябрь 77 33 12 32 105 105 +0 042,86
«Торпедо» (Моско) 2022 ий 13 октябрь 2023 ий 22 март 12 2 1 9 8 15 −7 016,67
«Химки» 2023 ий 11 апрель — 3 1 1 1 5 7 −2 033,33
Чылаже 339 143 62 134 425 412 +13 042,18

Сеҥымаш

  • «Торпедо» — футбол дене СССР Чемпионатын той призёржо (1991)[37].
  • Россий Кубкын озаже (1992/93)[6].

Палемдымаш

  1. ↑ 1 2 Andrey Talalaev // Transfermarkt (мн.) — 2000.
  2. ↑ 1 2 Andrei Talalayev // FBref.com (мн.)
  3. ↑ 1 2 3 Юрий Волохов. Тренерская карьера Андрея Талалаева: юношеские сборные России и восемь клубов. Советский Спорт (22 ӱярня 2022). Тергыме кече: 17 кылме 2023.
  4. ↑ 1 2 3 ТАЛАЛАЕВ Андрей Викторович. Спортивная Россия (2020-19-25). Тергыме кече: 17 кылме 2023.
  5. ↑ 1 2 3 4 Andrey Talalaev. Transfermarkt (30 сорла 2019). Тергыме кече: 17 кылме 2023.
  6. ↑ 1 2 Талалаев Андрей Викторович. Ростовский край.РФ. Тергыме кече: 17 кылме 2023.
  7. ↑ История клуба «Томь». Euro-Football. Тергыме кече: 17 кылме 2023.
  8. ↑ Талалаев выступал за «Тревизо». Матч ТВ (21 сорла 2020). Тергыме кече: 17 кылме 2023.
  9. ↑ Андрей Талалаев: «Теперь я игроков предупреждаю сразу: за финансы отвечать не могу». Ftbl.ru (19 шорыкйол 2019). Тергыме кече: 17 кылме 2023.
  10. ↑ Талалаев покидает юношескую сборную. Championat.com. Тергыме кече: 17 кылме 2023.
  11. ↑ Талалаев вошёл в тренерский штаб «Кубани». Championat.com (16 сорла 2012). Тергыме кече: 17 кылме 2023.
  12. ↑ Андрей Талалаев возглавил футбольный клуб «Волга». Sport.mail.ru (15 пеледыш 2014). Тергыме кече: 17 кылме 2023. Архивлыме 21 сорла 2016 ий.
  13. ↑ Андрей Талалаев стал главным тренером «Тамбова». Спорт-экспресс. Тергыме кече: 17 кылме 2023.
  14. ↑ Table 1.Division 16/17. Match day 11. Transfermarkt. Тергыме кече: 17 кылме 2023.
  15. ↑ Table 1.Division 16/17. Transfermarkt. Тергыме кече: 17 кылме 2023.
  16. ↑ Андрей Талалаев покидает «Тамбов». Футбольный клуб Тамбов. Тергыме кече: 17 кылме 2023.
  17. ↑ Российский тренер дисквалифицирован до конца сезона за оскорбление судьи — Газета.Ru | Новости. Gazeta.ru (13 шыжа 2018). Тергыме кече: 17 кылме 2023.
  18. ↑ Талалаев дисквалифицирован до конца сезона в чемпионате Армении за оскорбление арбитра. Футбол — Зарубежные. СПОРТ-ЭКСПРЕСС. Спорт-экспресс. Тергыме кече: 17 кылме 2023.
  19. ↑ Талалаев признан лучшим тренером года в Армении. Championat.com. Тергыме кече: 17 кылме 2023.
  20. ↑ "Торпедо" объявило об уходе Талалаева с поста главного тренера команды. ТАСС (15 ага 2022). Тергыме кече: 17 кылме 2023.
  21. ↑ Талалаев покинул «Химки». Клуб поменял вектор развития. Championat.com. Тергыме кече: 17 кылме 2023.
  22. ↑ Талалаев назначен новым главным тренером «Крыльев Советов». RT на русском. Тергыме кече: 17 кылме 2023.
  23. ↑ "Крылья Советов" (Самара) - Официальный сайт. Kc-camara. Тергыме кече: 17 кылме 2023.
  24. ↑ Талалаев покидает пост главного тренера ФК «Крылья Советов». BFM.ru. Тергыме кече: 17 кылме 2023.
  25. ↑ Талалаев сменил Шалимова на посту главного тренера «Ахмата». ТАСС. Тергыме кече: 17 кылме 2023.
  26. ↑ Талалаев возглавил «Ахмат» вместо Шалимова. Спорт-экспресс (26 сӱрем 2020). Тергыме кече: 17 кылме 2023.
  27. ↑ Андрей Талалаев - главный тренер «Торпедо». torpedo.ru. Футбольный клуб "Торпедо". Тергыме кече: 17 кылме 2023.
  28. ↑ "Торпедо" объявило об уходе Талалаева с поста главного тренера команды. ТАСС (22 ӱярня 2022). Тергыме кече: 17 кылме 2023.
  29. ↑ Андрей Талалаев – новый главный тренер «Химок». Футбольный клуб «Химки». Тергыме кече: 17 кылме 2023.
  30. ↑ «Химки» уволили вернувшего клуб в РПЛ главного тренера. РБК (20 пеледыш 2024). Тергыме кече: 20 пеледыш 2024.
  31. ↑ Уволенный из «Химок» после возвращения в РПЛ тренер возглавил «Балтику», 2024-09-07, <https://www.rbc.ru/sport/06/09/2024/66db4b7e9a79470633637bae>. Тергыме: 7 идым 2024. 
  32. ↑ Андрей Талалаев (руш.). 24SMI. Тергыме кече: 29 идым 2025.
  33. ↑ Андрей Талалаев: Начинающим журналистам советую учебник под редакцией Выжгина, и только потом xG, packing и impect. Sportsdaily. Тергыме кече: 17 кылме 2023.
  34. ↑ Андрей Талалаев: «Телевидение для меня только хобби». Sports.ru (26 пургыж 2008). Тергыме кече: 17 кылме 2023.
  35. ↑ Талалаев Андрей Андреевич. Footballfacts (3 пеледыш 2019). Тергыме кече: 17 кылме 2023.
  36. ↑ Елена Талалаева: Андрей приставал по-футбольному нагло! Championat.com (13 ага 2019). Тергыме кече: 17 кылме 2023.
  37. ↑ История команды "Торпедо". Euro-football. Тергыме кече: 17 кылме 2023.

Кылвер-влак

"https://mhr.ruwiki.ru/w/index.php?title=Талалаев,_Андрей_Викторович&oldid=1231492" гыч налме