Шакиров, Станислав Алексеевич
| Станислав Алексеевич Шакиров | |
|---|---|
 | |
| Тӱҥ увер | |
| Тичмаш лӱм | |
| Шочмо кече | 23 ӱярня 1967 (59 ий) |
| Шочмо вер | |
| Эл |
СССР Россий |
| Профессий | музыкант |
| Награде | |
Станисла́в Алексе́евич Шаки́ров (шоч. 23 ӱярня 1967, Курмызак, Башкир Автоном Совет Социалистик Республик) — марий мурызо, композитор, Марий Эл Республикын сулло артистше (1997), Марий Эл Республикын калык артистше (2000), Пошкырт Республикын сулло артистше (2014)[1].
Илыш корныжо
1967 ий 23 мартыште Пошкырт АССР-ысе Пӱрӧ кундем Курмызак ялеш шочын[2]. Кужнур кыдалаш школышто тунемын, тудым 1985 ийыште тунем пытарен. 1985 гыч 1987 ий марте Совет Армийыште служитлен[1].
1988 ийыште Йошкар-Оласе Палантай лӱмеш музык училищын вокал пӧлкашкыже тунемаш пурен. Студент улмыж годым, 1989 ийыште Я. Эшпай лӱмеш Марий кугыжаныш филармонийыш солистлан пашаш пурен. Тушто тудо «Кеҥеж йӱд» эстраде-вокал мурызо-влак группым чумырен, 1990 ийыште тудым «Мари́» манын уэмден лӱмденыт[1]. Ты группо дене Россий мучко да йотэллашкат гастроль дене коштын: Эстонийыш да Финляндийыш фольклор мероприятийлаш миен[1].
2010-шо ийла тӱҥалтыште Марий самырык театр пелен «Станислав» студийым поген[3].
Станислав Шакиров Марий Элын районлашкыже да Российын тӱрлӧ регионышкыжо гастроль дене коштеш, кызытсе марий мурызо-влак кокла гыч ик эн палыме да чапланыше улеш. Тудын репертуарыштыже пошкырт марий-влакын фольклор произведенийышт тӱҥ верым айлат[1][2].
Суаптар-влак
- Марий Эл Республикын сулло артистше (1997);
- Марий Эл Республикын калык артистше (2000);
- Пошкырт Республикын сулло артистше (2014)[2].
Мурыжо-влак
- Вучо вашмутым
- Ит чамане
- Какшан сер ӱмбалне ломбо
- Кушто тый улат гын
- Лум пеледыш
- Муро маныт
- Мый улам тылат кӧра
- Ой йолташем
- Поч тӧрзатым
- Пу муретым
- Рвезе пагытем
- Туге мо
- Тый дечет посна
- Тылат
- Чолга муро
- Шочмо-кушмо верем
- Шошо пагыт
- Элнет
- Э-э-э ха-ха
Палемдымаш
- ↑ 1 2 3 4 5 Лейла Ишмуратова. Известный марийский певец Станислав Шакиров получил звание «Заслуженный артист Башкортостана». Культурный мир Башкортостана (11 пургыж 2014). Тергыме кече: 1 шыжа 2025.
- ↑ 1 2 3 Марийский певец Станислав Шакиров удостоен звания «Заслуженный артист Башкортостана», 11.02.2014, <https://www.bashinform.ru/news/culture/2014-02-11/mariyskiy-pevets-stanislav-shakirov-udostoen-zvaniya-zasluzhennyy-artist-bashkortostana-2199691>. Тергыме: 1 шыжа 2025.
- ↑ Марийский певец Станислав Шакиров удостоен звания «Заслуженный артист Башкортостана», <https://www.bashinform.ru/news/culture/2014-02-11/mariyskiy-pevets-stanislav-shakirov-udostoen-zvaniya-zasluzhennyy-artist-bashkortostana-2199691>. Тергыме: 1 шыжа 2025.
Литератур
- Писатели Марий Эл: библиографический справочник / сост.: А. Васинкин, В. Абукаев и др. — Йошкар-Ола: Марийское книжное издательство, 2008. — 752 с. С. 399.
Кылвер-влак
 |
|---|
