Самырык-влакын тӱнямбал кечышт (ООН)
| Самырык-влакын тӱнямбал кечышт | |
|---|---|
 | |
| Официал | International Youth Day |
| Ыҥ | Тыныслыкым арален кодымаште да лӱдыкшыдымылык шотышто самырык тукымын рольжо. |
| Ышталтын | 1999 ий 17 декабрьыште |
| Ыштыше | ООН-ын Генеральный Ассамблейже |
| Палемдат |
 Тӱнямбал пайрем |
| Кече | 12 сорла |
| Кылдалтын | ийгот шот дене шелалтше тӱшка — самырык тукым дене |
 РУВИКИ.Медиаште медиафайл-влак | |
Самырык-влакын тӱнямбал кечышт ( ООН-ын моло официал йылмыла дене: англ. International Youth Day, араб. يوم الشباب الدولي, исп. Día International de la Juventud, кит. 国际青年日, фр. la Journée internationale de la jeunesse ) — ий еда 12 августышто пайремлыме кече. ООН-ын Генеральный Ассамблейже A/RES 54/120 №-ан пунчалыштыже Самырык-влакын пашашт шотышто министр-влакын тӱнямбал конференцийын (Лиссабон, 1998 ий) 12 августышто Самырык-влакын тӱнямбал кечыштым пайремлыме нерген темлымашыжым сайлан шотлен.
Ассамблей 1995 ийыште Самырык-влак шотышто тӱнямбал программым (A/RES/50/81 №-ан Генеральный Ассамблейын резолюцийже) чапландарен, тӱня мучко кумдан шараш да илышыш шыҥдараш полшаш темлен.
Тӱнямбал кечын темыже-влак
- 2021 ий — «Продовольствий системым вашталтымаш: самырык-влакын инновацийышт тазалыклан да планетылан».
- 2020 ий — «Самырык-влакын глобал йодышлан шӱман улмышт».
- 2019 ий — «Тунеммашым вашталтымаш».
- 2018 ий — «Самырык-влаклан лӱдыкшыдымӧ вер».
- 2017 ий — «Рвезе калык тӱням чоҥа».
- 2016 ий — «2030-шо ий марте икшырымын вияҥме корнышто самырык-влак».
- 2015 ий — «Самырык-влак да граждан порыс».
- 2014 ий — «Самырык-влак да психике тазалык».
- 2013 ий — «Самырык-влакын миграцийышт — вияҥме корнышто».
- 2012 ий — «Эн сай тӱням чоҥена: самырык-влак дене пырля».
- 2011 ий — «Мемнан тӱнянам весемдаш».
- 2010 ий — «Мутланымаш да ваш умылымаш».
- 2009 ий — «Пеҥгыде лиймаш — мемнан ончыкылыкна».
- 2008 ий — «Самырык тукым да климат вашталтме: жап пашалан».
- 2007 ий — «Тыйым ужышт манын, тыйым колышт манын: самырык-влак вияҥмаште».
- 2006 ий — «Йорлылык дене пырля кучедалына: рвезе тукым да кӱчызылыкым пытарымаш».
- 2005 ий — «Самырык-влак дене кылдалтше ыштышаш тӱнямбал программе».
- 2004 ий — «Самырык-влак тукым кокласе вашкылым кучышо мер илышыште».
- 2003 ий — «Самырык-влаклан чыла вере да сай лектышан пашам».
- 2002 ий — «Кызыт да ончыкылык верч: пеҥгыдын вияҥме шотышто самырык-влакын пашашт».
- 2001 ий — «Тазалыкаралтыш да пашадымылык проблемым тӧрлымаш».
- 2000 ий — «Самырык-влакын икымше тӱнямбал кечыштым эртарымаш.
Самырык-влакын кечышт тӱрлӧ элыште
Ятыр элыште самырык-влакын шке калыкле кечышт уло.
- 2 февраль — Азербайджан.
- 11 март — Замбий.
- 26 март — Вьетнам.
- 29 март — Тайвань.
- 4 май — Китай.
- 19 май — Турций (Самырык-влакын да спорт кече).
- 23 май — Таджикистан.
- 16 июнь — ЮАР.
- 27 июнь — Россий[1].
- 7 август — Кирибати.
- 10 ноябрь — Киргизий (Киргиз Республикысе самырык-влакын кечышт).
Россий
Россий Федерацийыште президентын кӱштыкшӧ дене 2009 ий «Самырык-влакын идалыкышт» семын увертаралтын. Тиде ий идалык кышкарыште тӱрлӧ мероприятий эртаралтын, тидын шотыштак «Православий самырыктукымын тӱнямбал кечыже» эртен. Ондакрак, 1985 ийыште, ООН-ын увертарымыж почеш Тӱнямбалысе самырык-влакын идалыкышт эртен.
Палемдымаш
- ↑ Срок регистрации домена закончился. Тергыме кече: 28 ӱярня 2009. Архивлыме 16 вӱдшор 2014 ий.