Самырык-влакын кечышт (Россий)
| Самырык еҥ-влакын кечышт (Россий) | |
|---|---|
| Файл:Самырык еҥ-влакын кечышт – 2024 Российыште.jpg | |
| Тӱрлылык | Официал пайрем |
| Вес семын | Самырык-влакын кечышт |
| Ышталтын | Российын президентше Борис Ельцин дене |
| Палемдат |
 Россий |
| Кече | 1993 ий 27 июнь |
| Пайремлымаш | июньын пытартыш шуматкечынже |
| Йӱла | концерт, митинг, фестиваль, конференций да акций-влак |
 Медиафайлы на РУВИКИ.Медиа | |
Самырык еҥ-влакын кечышт (Россий) — ӱдыр-рвезе-влакын калыкле пайремышт, тиде кече Россий Федерацийыште ий еда, кеҥежым, 27 июньышто палемдалтеш[1].
Историй
Тиде пайремын историйже 1958 ий 7 февральыште Совет Ушемыште тӱҥалын. Тунам СССР-ын Кӱшыл Каҥашысе Президиумын «Совет самырык-влакын кечыжым палемдыме нерген» кӱштыкше лектын да Совет самырык-влакын кечыштым ий еда июньын пытартыш рушарняжын палемдалтын[2][3].
1993 ий 24 июньышто, СССР шаланымек, Российын икымше президентше Б. Н. Ельцин, Россий Федерацийысе самырык-влакын пашашт шотышто кугыжаныш комитетын да Самырык, йоча-влакын калыкле каҥаш толкынжын темлымышт почеш, 459-рп №-ан "Самырык-влакын кечыштым пайремлыме нерген" кӱштыкым луктын да пайремым 27 июньышто палемдаш кӱштен. Россий кугыжанышын кучем вуйлатыше тыгак кӱштен:
«Россий Федерацийын республикысе, кундемысе автоном образований-влакын, Моско да Санкт-Петербург олалаште кӱштыкым шуктышо кучем самырык-влакын пайремыштлан пӧлеклалтше вашлиймашым, концертым, выставкым, самырык-влакын усталык пашаштым моктышо да моло акций-влакым эртарышаш. Россий Федерацийын мининформпечатьше Самырык-влакын кечыштым пайремлыме нерген СМИ-ште кумдан ончыкташ. Российысе кугыжаныш телевидений да радиокампаний "Россия" канал гоч кумдан Самырык-влакын кечышт эртымым, пайрем вашлиймаш-влакым ончыктышаш»[4].
.
Борис Ельцин пайрем кечым 27 июньыш кусарен гынат, южо олалаште пайрем тошто семынак, июньын пытартыш рушарнянже эртаралтеш, молан манаш гын, 27 июньжо чӱчкыдынак паша кечылан логалеш. Тиде кечын Россий мучко пайрем вашлиймаш-влак, концерт, викторине, спорт таҥасымаш, дискотеке, конкурс эртаралтыт, калык тӱшкан мурен-кушта. СССР жапысе семынак, Белоруссийыште да Украиныште июньысо пытартыш рушарнян Самырык-влакын калыкле кечыштым палемдат.
27 июньышто, Россий дене пырляк, ӱдыр-рвезе-влакын кечыштым Кечывалвел Осетийыште палемдат[5].
2022 ийыште «Росмолодёжь» федерал агентстве «Самырык-влакын кечышт» лӱмеш фестивалым чумырен. У йӧн-влак рӱдерыште Российын 10 кундемже Эн сай артист-влак дене концерт кумдыклаште чолгалыкым лукшо тӱрлӧ паша ышталтын: мастар-влакын классышт, тӱрлӧ тематике кумдык, ушем-влакын проект ден президентацийышт.
Палемдымаш
- ↑ День молодежи в 2023 году: история и традиции праздника
- Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.
- ↑ День молодёжи. Дата обращения: 28 ага 2010. Архивировано из оригинала 7 сорла 2016 года.
- ↑ Срок регистрации домена закончился
- ↑ День молодежи: праздник юности и молодости