Самырык-влакын тӱнямбал кечышт (ВФДМ)
| «Самырык-влакын кечышт» | |
|---|---|
 ВФДМ-ын эмблемыже | |
| Тӱрлылык | Официалдыме пайрем |
| Вес семын | «Самырыктукымын кечыже» |
| Ышталтын | Демократ самырык-влакын тӱнямбал федераций |
| Палемдат | Мланде |
| Кече | 10 кылме |
| Пайремлымаш | ий еда, 10 кылме |
| Кылдалтын | Самырык-влакын тӱнямбал конференцийышт да ВФДМ-ым ыштыме дене |
«Самырык-влакын тӱнямбал кечышт» — Демократ самырык-влакын тӱнямбал федерацийжын (ВФДМ) темлымыж почеш самырыктукымын официальне огыл палемдыме интернационал пайремышт (ВФДМ), ий еда 10 ноябрьыште палемдалтеш.
Историй
Пайремым 1945 ийыште, Кокымшо тӱнямбал сар пытымек, кок тылзе гыч, тӧнежленыт. Самырык-влакын тӱнямбал кечыштым пайремлымаш Английын рӱдолаштыже Лондонышто 19 октябрь гыч 10 ноябрь марте эртыше Молодёжьын тӱнямбалсе конференцийышт пытыме кече дене кылдалтын. Конференцийын пытыме кечыже эн ончычак Самырыктукымын тӱнямбалысе демократ федерацийын (ВФДМ) шочмыж дене кылдалтын, тыге нуно тӱрлӧ самырык-влак ушемын икоян улмыштым, империализм ваштареш кучедалмаште, тыныслык, демократий, калыкле эрык верч, политик, социал да экономике права шотышто самырык-влакын интересыштым аралаш ямде улмыштым увертареныт. Тиде организацийыште Совет Ушем «СССР-ын самырык-влак организаций комитетым» кучен[1][2]. Лачак ВФДМ «Самырык-влакын тӱнямбал кечыжым» пайремлаш темлен.
СССР шаланыме деч вара жап
СССР-ын шаланымыже да Эрвел Европысо эллаште социализмын сеҥалтмыж деч вара, ты пайремым официально пайремлымаш пытен. Но, южгунам, кӱшыл кугыжаныш чинъеҥ-влак «ВДМ» дене саламлымашан увертарымашым ыштат. Мутлан, 2009 ийыште, тыгай мут дене Россий Федерацийын Рӱдӧ сайлыме комиссийжын председательже Владимир Евгеньевич Чуров ойлен: Таче ончыкылык да самырык сайлыше-влак моткоч чапле пайремым — Самырык-влакын тӱнямбал кечыштым палемдат[3].
«Самырык-влакын тӱнямбал кечыже» каныш кечылан ок шотлалт.
Тӱнямбалысе самырык-влакын планетар кумдыкан вес тӱнямбал кечышт уло — Самырык-влакын тӱнямбал кечышт — тудо ООН-ын вуйлатымыж почеш ий еда, кеҥежым, 12 августышто эрта.
Палемдымаш
- ↑ Комитет молодёжных организаций СССР // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978. — (Большая советская энциклопедия : [в 30 т.] / гл. ред. А. М. Прохоров).
- ↑ Всемирная федерация демократической молодёжи // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978. — (Большая советская энциклопедия : [в 30 т.] / гл. ред. А. М. Прохоров).
- ↑ 10 ноября — Всемирный день молодёжи | Шанс on-line. Тергыме кече: 30 ага 2010. Архивлыме 17 теле 2014 ий.
Кылвер-влак
- [www.calend.ru/holidays/0/0/592/ Всемирный день молодёжи в «Календаре праздников»]