Салес, Михаил Абрамович

Михаил Салес
Шочмо годсо лӱм	Михаил Абрамович Салес
Шочмо кече	1946 ий 2 теле(1946-12-02) (79 ий)
Шочмо вер	Добромиль, Дрогобыч область, Украин ССР, СССР
Гражданстве	СССР →  Россий,  Израиль
Профессий	актёр, театр режиссёр
Усталык жап	1964—2000 ийла
Театр	Ташкентысе руш драме театр А. П. Чехов лӱмеш Кишинёвысо руш драме театр Киров драме театр Калининград драме театр
Суаптар

Михаил Абрамович Салес (шоч. 2 теле 1946, Добромиль, Дрогобыч область^[d], Украин ССР^[d], СССР) — совет да российысе театр режиссёр, актёр, театр пашаеҥ, Российын калык артистше (1994).

Илыш корныжо

Михаил Абрамович Салес 1946 ий 2 декабрьыште (паспорт почеш 2 ноябрьыште) Украин ССР Дрогобыч областьысе (кызыт Львов область) Добромиль олаште шочын. Ачаже, Абрам Моисеевич Салес, Кугу Ачамланде сарым эртен. Туге гынат, сар пытымеке, ик ий гыч, эргыжлан икмыняр тылзе улмо годым, тудым репрессироватленыт. 1953 ийыште, Сталин колымеке, эрыкыш лектын. 1947 ийыште аваже эргыж дене пырля Ташкентыш родышт деке куснен.

Ташкентысе театр-сылнысымыктыш институтым тунем пытарен. Тунамак М. Горький лӱмеш Ташкентысе академий руш драмтеатр пелен студийыште тунемын.

Вара 8 ий наре Ташкентысе руш драмтеатрын актёржо лийын. А. П. Чехов лӱмеш Кишинёвысо руш драмтеатрыште модын.

«Молдова-фильм» киностудий пелен киноактёр театрыште тыршен.

1976—1992 ийлаште Киров драмтеатрыште пашам ыштен. Ончыч актёр лийын, а 1986 ий гыч — тӱҥ режиссёр да сылнысымыктыш вуйлатыше.

1992—1995 ийлаште Калининград драмтеатрын сылнысымыктыш вуйлатышыже лийын.

1996 ийыште Израильыш илаш куснен, тушто «Цилиндр» театрым чумырен да вуйлатен.

1999 ийыште Российыш пӧртылын. Ижевскыште (ик тургым) да Йошкар-Олаште (4 ий) руш театр-влакын режиссёржо да вуйлатышыже лийын: 2001—2005 ийлаште — Георгий Константинов лӱмеш Академий руш драма театрын тӱҥ режиссёржо, 2006 ий гыч — Рыбинск драмтеатрыште.

2008 ий гыч Калининград драмтеатрын режиссёржо, актёржо да директоржо лийын. Кызыт — театрын режиссёржо.

Суаптар-влак

• Киров областьысе комсомол премийын лауреатше (1981).
• РСФСР-ын сулло артистше (11.08.1986).
• Э. Веригон дилогийыштыже С. М. Кировын рольжым модмылан Киров областьын С. М. Киров лӱмеш премийжым сулен (1987).
• Российын калык артистше (11.04.1994).

Театрысе паша-влак

Калининград драмтеатр

• «Ревизор» Н. В. Гоголя
• «Страсти под вязами» Ю. О. Нила
• «Доходное место» А. Н. Островского
• «Без вины виноватые» А. Н. Островского
• «Закат» И. Бабеля
• «Васса Железнова» М. Горького
• «Деревья умирают стоя» А. Кассона
• «Ромео и Джульетта» У. Шекспира
• «Поминальная молитва» Г. Горин — молочник Тевье

Фильмографий

• 1973 — Караван — Миша (дублировал Евгений Красавцев)
• 1976 — Марк Твен против… — эпизод (титрыште уке)
• 1976 — Случай на фестивале — эпизод
• 1976 — Фаворит — бандит, таксист из фирмы «Маркони»
• 1979 — Эмиссар заграничного центра — эпизод (титрыште — М. Салесс)
• 1986 — Карусель на базарной площади — эпизод

Палемдымаш

Литератур

• Соловьёва И. Ю., Мочаев В. А. Салес Михаил Абрамович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 380. — 606 с. — 1500 экз. — ISBN 978-5-905314-35-3.

Кылвер-влак

• Салес Михаил Абрамович  (неопр.). Кино СССР. Тергыме кече: 24 пургыж 2026.
• Режиссёр Калининградского драмтеатра: Хочу понять, что такое тьма и власть. Михаил Салес отмечает 70-летие. «Комсомолка» встретилась с юбиляром  (неопр.). Комсомольская правда. Тергыме кече: 24 пургыж 2026.
• Михаил Салес: «Один за всех и все за одного!» - это основная мысль, которой я посвящаю спектакль»  (неопр.). Калининградский областной драматический театр. Тергыме кече: 24 пургыж 2026.
• Михаил Салес: Мне ужасно больно за людей, которые строили Россию  (неопр.). Калининград.ru. Тергыме кече: 24 пургыж 2026.
• Михаил Салес: Если бы в Драмтеатре не было проблем, то нас с Михаилом Андреевым надо было бы выгнать (23 Апреля 2013)  (неопр.). Афиша rugrad.eu. Тергыме кече: 24 пургыж 2026.