Ред флаг (сленг)

РУВИКИ — эрыкан энциклопедий гыч материал
Ред-флаг
англ. red flag
Красный флаг.png
Лекме кече 2021

Ред флаг (англ. red — йошкар, англ. flag — тисте гыч) — тиде илышыште шарлыше койышым але койыш ойыртемым ончыктышо сленг мут, тудо кыл кучымаште лекше йодышын аяран але лӱдыкшӧ улмыжым шижтара. Психолог-влакын ойлымышт почеш, тыгай шижтарыше тамга-влакым поснак ӱдырамаш-влаклан палаш кӱлеш, молан манаш гын, нуным шотыш налаш огыл гын, шкем кумыл волымо орлыкыш лукташ лиеш[1].

Мутын шочымыжо

Психолог-влак «йошкар тисте» умылымашым 2014 ий гыч кыл кучымо йодышым палемдашлан кучылташ тӱҥалыныт.

Термин 2021 ийыште шарлен, тунам интернет-пайдаланыше-влак йошкар тистын тамгажым (эмодзижым)  (руш.) (мар. келшыдыме шонымашым палемдашлан, кыл кучымым чарашлан кучылташ тӱҥалыныт[2].

Кучылтмо пример-влак

  • «Тудо йӧршеш книгам ок луд, тиде мылам ред флаг» — кыл кучымо еҥын умбакыже мутланаш келшен толдымыж нерген шижтарымаш.
  • «Коллеге пытартыш татыште вашлиймашым кораҥда гын, тидым пашаште ред флаг семын шотлаш лиеш» — ӱшанле огыл улмыжо але тендан жапдам пагалыдымыж нерген шижтара.
  • «Банкын моткоч кӱкшӧ процентше да шылтыме комиссийже-влак — тиде инвестор-влаклан йошкар тисте» — окса операцийын кугемше лӱдыкшӧ палыже[3].

Йошкар тисте нерген шымлен-шотлымаш

iCognito компанийын психологшо-влак шымлымашым эртареныт, тудын почеш рашемын: российысе еҥ-влак пелыж деч шагалракше (ӱдырамаш-влакын 42 %-ше, пӧръеҥ-влакын 48 %-ше) шке кылыштым сайлан шотлат. Пӱртӱслӧ огыл уш-акыл (искусственный интеллект)  (руш.) (мар. 350 000 утла интернет-пайдаланышын уверже почеш кыл кучымаште посна еҥын пӱсӧ йодышыжым шымлен иктешлен. Тӱҥ вуйшиймаш-влак — таҥым кудалтымаш, тушманла ончымаш, виешлымаш, тыгак аракам йӱмаш але наркотикым кучылтмаш. Тидын годым йодыштмо еҥ-влакын 86 %-ше 3 ий наре вашлийын илат, пӱсӧ йодышым ончыде, мужыр кылым кучат[4]. Тыгай койышын ик амалже — «йошкар тисте»-влакым шотыш налдымаш[5].

Тӱҥ «ред флаг»-влак

«Йошкар тисте»-влакын икмыняр палышт уло, нунын полшымо дене тӱрлӧ кылым куштылгын пален налаш лиеш[6][7]:

  • Абьюзив кыл. Йолташ ушкалымыжым да сеҥаш тӧчымыжым азапланымыж дене алмашташ тӧча: серыш-влакым терга, кузе чийышашым эскера, йолташ але еш дене кыл кучаш чара;
  • Газлайтинг. Йолташ чыным шотыш ок нал, чын умылымым чын огыллан шотлаш тарата («Тыланет койын», «Ты шке темленат, алгаштаренат») але виктараш манын, титакан улмо шижмашым кучылтеш;
  • Тушманле койыш. Ылыж кайыше шыде, кычкырлымаш, лӱдыктылмаш (кӱмыж-совлам пудыртымаш, пырдыжым перкалымаш), тыгак йыр улшо-влаклан (официант, коллеге-влаклан) торжан вашештымаш;
  • Йодмашым да шижмашым пагалыдымаш. Айдемыне йодмыжым пуйто ок кол, сеҥымаш-влакым шотыш ок нал, неле годым полыш кидым ок шуялте, еҥ шонымым мыскылтышыш луктеш;
  • Пӱтынек шоя да чын огыл улмо. Кӱлешан илыш сӱрет-влакым шылтымаш, кок шӧрынан илыш, нелеш налаш огыл йодмаш олмеш чыныш лукмаш. Мутлан, амалым умылтарыде илыш гыч йомаш да пӧртылмаш;
  • Ончыкылыкым каҥашаш ок келше. Кугу муткучыш-влак нерген мутланымаш деч (марлан кайымаш, йоча-влак, пырля илаш шонымаш-влак) кораҥмаш, тиде поро кыл кучымашлан ямде огыл улмым ончыкта;
  • Ончычсо йолташ-влак дене таҥастарымаш. Ончычсо кыл нерген эре пагалыдымын але чаманен ушештараш;
  • Айдемым окса гоч виктарымаш (манипуляций). Окса гоч айдемым кучымаш («Мӧҥгыштӧ шинче, а мый ашнем»), сутланыме але, мӧҥгешла, шотдымын кучылтмаш;
  • Вашшогымашым шотыш налдымаш. Шкем шыпак тушманла кучымаш, йодышым тӧрлымӧ деч кораҥмаш але пунчалым лукмо мутланымаш олмеш шып улмо;
  • Ача-ава кыл дене илымаш. Ача-аваж дене илыше да нунын шонымышт ден тичмашнек кылдалтше пӧръеҥ тыгаяк кыл ойыртемым шке йолташыжланат кусарен кертеш.

Психологий

Специалист-влакын мутышт почеш, кыл кучымаште «йошкар тисте»-влакым шотыш налдымаш кугу йодышым шочыктен кертеш[3]. Шукынжо лӱдыкшӧ пале-влакым тыгай амаллан кӧра ынешт уж:

  • Партнёрын вашталтмыжлан ӱшанат;
  • Шкет кодмо деч лӱдыт;
  • Шкем ӱлыкшын аклымаш;
  • Ончычсо илыш гыч чон сусыр-влак.

Кыл кучымаште «йошкар флаг»-влак дене тӱкнымӧ годым психолог-влак икмыняр ошкылым ышташ темлат[5]:

  • Шке кӧргӧ чонлан ӱшанаш;
  • «Мый-ой-влак» йӧным кучылтын, партнёр дене йодышым каҥашаш. Мутлан: «Мый шкемым ласкан ом шиж, кунам тый…»;
  • Раш чек-влакым палемдаш. Мутлан: «Мылам ок келше, кунам тый мыйын ӱмбак йӱкетым кугемдет. Тиде уэш лиеш гын, мый мутланымым чарнем»;
  • Эрыкан шонымашым пален налаш, психолог але йолташ-влак деч ой-каҥашым йодаш.

«Йошкар тисте»-влак кызытак ойырлаш огыт кӱштӧ. Южо йодышым, йолташ шке койышыжым вашталташ ямде гын, терапий да мутланыме дене тӧремдаш лиеш[8].

Моло «тисте»-влак

Кыл кучымаште пӱсӧ йодышым ончыктышо «йошкар тисте» деч посна, эше моло тӱсан тистат улыт, нуно тӱткышым да иктешлымашым йодыт[1][9]:

  • Кыл кучымаште «нарынче (сар) тисте» кӧргывиян йодышым ончыкта, кудым, если шотыш налаш огыл гын, пӱсӧ йодышым шочыктен кертеш;
  • Кыл кучымаште «ужар тисте» — сай тамга, таза да ончыкылыклан поро кылым ончыктышо. Тиде пырля лийын кертме, икте-весым умылымо да лӱдыкшыдымӧ кумылын палыже;
  • «Шем флаг» — пӱсӧ увер, кылын абьюзив але аяран койышыжым ончыкта;
  • Кыл кучымаште «ош тисте» — сеҥалтмашын але йодышым тӧрлымаш деч кораҥмашын тамгаже. Тиде ик але кок йолташынат кылым саемдаш чарнымым ончыкта, нуно улшо илыш сӱрет дене сӧрасеныт, кеч нуно тидын дене огыт келше гынат;
  • «Тулгай (оранжевый) тисте» — йолташын илышыштыже неле жап (пашам йомдарымаш, лишыл еҥын черже), тиде тудын кыл кучымо койышыжымат вашталтыме нерген шижтара. Умылымашым да полышым йодеш, тыгак йолташлан уда шонымашым кусарымым чарашлан раш чекым шындымаш;
  • «Шемалге-канде (фиолет) тисте» йолташын тыглай огыл, ӧрыктарыше койыш ойыртемжым ончыкта, тиде чон почын кутырымашым, умылымашым йодеш;
  • «Ал тисте» кылын але йолташын утыжден саемден ончымо (идеализироватлыме) нерген ончыкта. Тиде ончыкыжым кумыл волымашке луктын кертеш, кунам ик йолташ чын дене тӱкна да вес йолташ нерген йылт вес шонымашан лиеш. Кыл кучымаште чын ончалтышым аралыман да шонен лукмо койыш деч кораҥман.

Палемдымаш

  1. ↑ 1 2 Что такое red flag в отношениях и какие еще флаги бывают, 2025-04-04, <https://style.rbc.ru/health/67e464229a79475a88ff5bd0>. Тергыме: 25 сорла 2025. 
  2. ↑ Emoji of red flags are all over Twitter. Here's why, <https://www.cnet.com/culture/emoji-of-red-flags-are-flying-all-over-twitter-this-is-why/>. Тергыме: 25 сорла 2025. 
  3. ↑ 1 2 Ред флаг: что это значит в человеке или отношениях простыми словами, история понятия, примеры, 2024-11-26, <https://lady.mail.ru/article/553416-red-flag/>. Тергыме: 25 сорла 2025. 
  4. ↑ Выяснилось, сколько российских пар крайне несчастны в отношениях - Газета.Ru | Новости, 2022-09-14, <https://www.gazeta.ru/family/news/2022/09/14/18553603.shtml>. Тергыме: 25 сорла 2025. 
  5. ↑ 1 2 «Красные флаги» в отношениях: что это такое, какими бывают тревожные звоночки в паре, 2024-04-04, <https://lenta.ru/articles/2024/04/04/krasnye-flagi-v-otnosheniyah/>. Тергыме: 25 сорла 2025. 
  6. ↑ Ред флаг в отношениях, что означают красные флаги в общении (руш.). blog.vikadmitrieva.ru. Тергыме кече: 25 сорла 2025.
  7. ↑ 14 красных флагов в отношениях, 2023-10-17, <https://t-j.ru/red-flags-cases/>. Тергыме: 25 сорла 2025. 
  8. ↑ Красный флаг в отношениях: как распознать и начать диалог, 2025-03-04, <https://edprodpo.com/blog/psychology/krasnyy-flag-v-otnosheniyakh/>. Тергыме: 25 сорла 2025. 
  9. ↑ Red Flags in a Relationship: 16 Signs You Shouldn't Ignore, <https://www.betterup.com/blog/red-flags-in-a-relationship>. Тергыме: 25 сорла 2025. 
"https://mhr.ruwiki.ru/w/index.php?title=Ред_флаг_(сленг)&oldid=1231837" гыч налме