Поро Увер собор (Йошкар-Ола)
| кафедрал собор | |
| Шнуй деч Шнуй Юмым Шочыктышо Поро Увер собор | |
|---|---|
 | |
| 56°37′58″ с. ш. 47°54′16″ в. д.GЯO | |
| Эл | |
| Верланымаш | Йошкар-Ола |
| Конфессий | Православий |
| Епархий | Йошкар-Ола |
| Благочиний | Йошкар-Оласе |
| Архитектур стиль | Руш |
| Чоҥымаш | 2010—2014 годы |
| Состояний | Ыштыше |
| Сайт | mari.eparhia.ru/churches… |
 |
|
 РУВИКИ.Медиаште медиафайл-влак | |
Поро Увер собор (руш. Благовещенский собор) — тиде Марий митрополийын кафедрал соборжо, Йошкар-Олаште Республик да Шнуй деч Шнуй Ӱдыр Мария кумдыкышто верланен. 2010—2014 ийлаште чоҥалтын. 2016 ий 12 июньышто сотемдарыме.
Верланымыже
Собор Республик да Шнуй деч Шнуй Ӱдыр Мария лӱмеш кумдыкышто, Чавайн бульвар ден Изи Какшан эҥерын Воскресенский серӱмбал корнывожышто, йолын коштмо Театр кӱвар воктене верланен.
2007 ийыште ончыкылык черке воктене «Шнуй деч Шнуй Юмым Шочыктышо изи Христос дене» скульптур композицийым вераҥденыт, а 2011 ийыште Республик да Шнуй деч Шнуй Ӱдыр Мария кумдыкын рӱдыштыжӧ — «Гавриил Архангел» фонтан-чапкӱм шогалтыме[1].
Эртымгорно
.jpg)
Соборын негызшым 2010 ий 29 октябрьыште Марий Эл Республикын президентше Леонид Маркелов ден Йошкар-Ола да Марий архиепископ Иоанн пыштеныт[1].
2013 ийыште чаҥлан черкывуйым чоҥен шуктеныт да оҥгыр-влакым вераҥденыт[2].
2014 ий октябрь мучаште ныл ыресан кугу куполым сотемдарен вераҥдыме, кажныжын нелытше кандаш тонным шупшеш. Варарак эше вич куполым вераҥдыме[1].
2016 ий 12 июньышто соборым Моско да пӱтынь Русьын Патриархше Кирилл сотемдарен. Тунамак патриархын кӱштыкшым лудын пуымо, тудын почеш храм Йошкар-Ола епархийын кафедрал соборжо лийын. Ондаксе Господьын Уэшшочмо кафедрал собор приход черке лийын[1].
Архитектур да шерге арвер (реликвий-влак)
Архитектур сынже дене собор ырес-куполан, шатерысе, руш стиль дене чоҥалтын. Тӱжвал сынже дене Санкт-Петербургысо Вӱр ӱмбалне Спас храмла коеш. Собор вич куполан, чаҥвуйжо (колокольня) йӱдвел могырышто верланен. Храмын кӱкшытшӧ — 74 метр, кумдыкшо — 2 тӱжем еҥлан. Храмын фасадше мозаике сӱрет дене сӧрастарыме[2].
Патриарх Кирилл соборлан пӧлек шотеш Спас Нерукотворный юмоҥам пуэн[1].
Палемдымаш
- ↑ 1 2 3 4 5 Предстоятель Русской Церкви освятил Благовещенский собор в Йошкар-Оле, 2016-06-12, <https://web.archive.org/web/20181111074856/http://www.patriarchia.ru/db/text/4536258.html>. Тергыме: 5 теле 2018.
- ↑ 1 2 Кафедральный собор Благовещения Пресвятой Богородицы (руш.). Марийская митрополия. Тергыме кече: 5 теле 2018. Архивлыме 9 кылме 2018 ий.
Кылвер-влак
- Кафедральный собор Благовещения Пресвятой Богородицы Архивысе копий 9 кылме 2018 гыч. Марийская митрополия.