Попов, Роман Алексеевич

РУВИКИ — эрыкан энциклопедий гыч материал
РУВИКИ-ште тыгай тукымлӱм дене вес еҥ нерген статьям лудаш лиеш: Попов.
Роман Попов
Роман Попов.jpg
Шочмо кече 9 пургыж 1985(1985-02-09)
Шочмо вер
Колымо кече 28 шыжа 2025(2025-10-28) (40 ий)
Колымо вер
Гражданлык
Профессий актёр, юморист
Карьере 2010 — 2025
IMDb ID 8022840
Кинопоиск 4194287

Рома́н Алексе́евич Попо́в (9 пургыж 1985, Конотоп[d], Сумы вел — 28 шыжа 2025, Красногорск, Моско область) — Российысе театр, кино да сериал актёр, мыскараче, «Comedy Club» шоун резидентше, «Comedy Баттлын» 3-шо тургымжын сеҥышыже.

Илыш корныжо

Роман Попов Украинысе Конотоп олаште Алексей Иванович да Светлана Эдуардовна Поповмытын ешеш шочын. Ача-аваже эколог-влак лийыныт[2] да актёр паша дене нимогай кылыштат лийын огыл. Тидым ончыде, Роман изиж годсек усталык ден ойыртемалтын, театрыш кошташ йӧратен да родыжо-влаклан шонен лукмо спектакльлам ончыктылын. Тыгодым театр але кино пашаште чапым налме нерген шонен огыл — милиционер лияш шонен[2]. Кунам тудлан эше кок ият темын огыл, ешыже Йошкар-Олаш куснен, тушто Романын йоча да самырык жапше эртен[3]. Школым пытарымеке, иканаште ГИТИСыш да Марий педагогике институтын  (руш.) (мар. психологий пӧлкаш тунемаш пураш шонен. Но актёр лияш шонымаш деч кораҥын, пурен керташ йӧнжӧ пеш шагал манын шонен, вет тудо «р» йӱкым раш ойлен ок мошто (картавость)[4][5]. Тыге тудо психологлан тунемаш пурен.

«Психологий — тиде авамын кокымшо кӱшыл шинчымашыже. Мыят тудын корныж денак каяш шонен пыштенам, но ик курсым гына тунем пытаренам»[3].

Икымше курсышто Роман КВН-лан шӱмаҥын, тудо институтын командыжлан модаш тӱҥалын. Икана выступленийже годым Сочисе туризм да курорт паша кугыжаныш университет  (руш.) (мар. гыч КВН командын участникше-влак дене палыме лийын да у йолташ-влакын каҥашышт почеш Йошкар-Оласе институтым кудалтен да Сочиш куснен. Тушто тудо Сочи оласе кугыжаныш университетыш тунемаш пурен да шоу-агентствыште пашам муын, сӱан ден корпоратив-влакым вӱден[3][6]. «Сборная СГУТиКД» да «Сборная всех» КВН команде-влак верч модын[7]. Романын ойлымыж почеш, лачак КВН, тудын кӱшыл шинчымашым налаш кумылжым пытарен, варажым тудо СГУ-м кудалтен, ончыкыжым тидын нерген ик гана огыл чаманен[8].

2011 ийыште Роман, Сочиште «Арт-Магистраль» мастар-влакын II тӱнямбал пайрем фестиваль кышкарыште эртыше «Шӧртньӧ микрофон» профессионал конкурсын ик сеҥышыже-влак кокла гыч иктыже лийын. Тиде ийынак Попов «Comedy Баттл» шоу-конкурсын 2-шо тургымышкыжо логалын, тудын лектышыж дене вич сеҥыше гыч иктыже лийын да приз семын Екатерина Варнава дене кас кочкышыш ӱжмашым налын[3]. Шоун финалист-влак коклаште Роман дене пырля Оганес Григорян лийын, нуно тунамак шоун 3-шо тургымышкыжо пырля лекташ ушненыт, «20:14. Сочи ола» дуэтым ыштеныт[9]. Таҥасымашым иктешлымеке, дуэтлан «Comedy Club»-ште резидентствым пуэныт. Лач тиде жапым Роман шке карьерыжым тӱҥалмылан шотла[8].

2013 ийыште Москош войзалташ толмеке, Роман рӱдолаштак илаш кодын. Эн ончыч Рига вокзал воктенысе унапӧртыштӧ верым айлен[6], вара пачерым налын да Сочи гыч ешыжымат тушко конден[10].

2018 ий октябрьыште Попов малымыж годым вуй ушым йомдарен. Пелашыже вашкеполышым ӱжыктен, тудым эмлымверыш пыштеныт. Тудо кечынак эше кок гана вуй ушым йомдарен. Эмлызын каҥашыж дене Роман МРТ-ым ыштен да тудын кумшо степенян вуйдорык рак, малыме годым вуйдорыкым темдыше астроцитома манын пален налын. Тудлан Германийыште операцийым ыштеныт, а 2020 ий сентябрьыште анализ ракым сеҥен кертмым ончыктен[11][12][13].

2025 ий 11 августышто Роман черын уэш вияҥмыж нерген увертарен. Актёрын мутшо почеш, тудо йӧршеш гаяк ужмым чарнен: пурла шинчаже йӧршеш ок уж, а шолаже — изиш гына ужеш[14][15].

Роман Попов 2025 ий 28 октябрьыште 40 ияш колен[16].

Карьере

«Камеди Клаб»-ын резидентше семын икымше выступленийже 2014 ийыште лийын. 2015 ий декабрьыште Роман ӱжмӧ уна семын ТНТ каналысе «Малаш огыл!» комедий шоуш лектын, тидын деч вара тудым чӱчкыдын пайрем вашлиймаш ден концертлашке ӱжаш тӱҥалыныт. Тунамак тудым «Рублёвко гыч полицейский» войзышаш сериалын продюсерже-влак шекланеныт. Попов кастингым сайын эртен да тӱҥ роль-влак гыч иктыжым тудлан пуэныт.

«Мый кастингыш тольым, тушто сценарист да режиссёр Илья Куликов шинчен, тудо мыланем „Текстым лудса“ манын каласыш. Мый лудым, а кок минут гыч Илья шинчавӱдшым ӱштыльӧ да „Чыла сайын, тау“ манын каласыш»[17].

Роман проститутко Кристинам (София Каштанова) йӧратен шындыше Мухич лӱман сылне да тура рвезым модын. 2017 ий майыште ТНТ-ште рӱдолам аралыше талешке-влак нерген «Бескудниковышто Рублёвко гыч полицейский» сериалын кокымшо сезонжо, 2018 ийыште кумшо сезонжо лектыныт. 2022 ийыште «Мухичын детектив агентствыже» спин-офф лектын[18], тушто Попов тӱҥ рольым модын[19][20].

Тичмаш метран киношто икымше тӱҥ роль — «Ботан да супер ӱдырамаш» комедийыште, тудын премьерыже 2022 ий майыште лийын. Сюжет почеш, Романын геройжо — пеш ушан, но пиалдыме да йӧндымылыкан шанчыеҥ. Лӱмжым ӱлыкӧ волтышо-шамычым верыш шындаш манын, тудо пеш сылне койышан андроид ӱдырым шке ӱдыржӧ семын ончыкта, тиде жанрын тӧртыкшӧ почеш ончылгоч вучыдымо илыш сӱрет деке конда.

Фильмографий

Ий Лӱм Роль
2016 с Полицейский с Рублёвки Игорь Мухич, следователь
2017 с Полицейский с Рублёвки в Бескудниково Игорь Мухич, следователь
2018 ф Каникулы президента МВД полковник
2018 с Полицейский с Рублёвки 3 Игорь Мухич, следователь
2018 с Полицейский с Рублёвки 4 Игорь Мухич, следователь
2018 ф Полицейский с Рублёвки. Новогодний беспредел Игорь Мухич, следователь
2019 ф Девушки бывают разные Тюлень
2019 с Полицейский с Рублёвки 5 Игорь Мухич, следователь
2019 ф Полицейский с Рублёвки. Новогодний беспредел 2 Игорь Мухич, следователь
2020 с Любовь в нерабочие недели Валера
2021 ф БУМЕРанг Вячеслав, автосалонын менеджерже
2021 ф Дракулов чиновник
2021 с Казанова в России. Тайная миссия полковник Нехватов
2021 с Любовь в рабочие недели Валера
2021 с Убить босса Стас
2022 с Ботан и супербаба Ботан
2022 с Детективное агентство Мухича Игорь Мухич, следователь, частный детектив
2023 ф На Рубле без рубля Ромка
2023 ф Новогодний ол инклюзив Хабибулин
2023 ф Рассмеши меня Персонажын лӱмжӧ ончыкталтын огыл
2024 с Красный 5 Персонажын лӱмжӧ ончыкталтын огыл
2024 ф Три друга, клад и матрос Кошка Персонажын лӱмжӧ ончыкталтын огыл
2024 ф УничтоЖанна Персонажын лӱмжӧ ончыкталтын огыл
2024 с Бедный олигарх 3 Паша
2024 ф Папу маме заверни Серёжа чӱчӱ

Проект-влак

Оганес Григорян дене пырля Роман Попов телевиденийыште «Малаш огыл!» мыскара передачым вӱден. Ты жапыштак дуэт Comedy Radio-што кажне арня еда лекше «Небудни Show» программым луктын, колыштшо-влак деч шуко сай шомакым налыныт[4].

Шке илышыже

Роман ешан лийын. Юлия пелашыже Йошкар-Ола гыч, но мужыр Сочиште палыме лийын, тушто ӱдыр кӱшыл шинчымашым налын. 2007 ийыште ушненыт[7]. Юлия — усталык шӱлышан еҥ, ик жап радиошто да телевиденийыште пашам ыштен, но еш верч профессийым коден[21]. Ешаҥмекыже, Юлия кум йочам ыштен — Фӱдор эргым, Лиза ден Марта ӱдыр-влакым[4].

«Ме икте-весыланна моткоч келшен толына. Ме коктынат пиалан улына. Тидын шотышто мый пиалан улам. Мый пашаште шкемым вурсышо, мый тазалык шотышто шкемым шылталыше лийын кертам, но еш шотышто…»[22]

Ешартыш увер

  • Яра жапыште актёр лудаш йӧратен, йӧратыме сылнымут книгаже-влак — фантастике ден фэнтези[22].
  • Киношто Попов ӧрдыж гыч База Лурманын сымыктышыжым куанен эскерен. Фильм-влак кокла гыч тудо «Боец-влакын клубыштым», а сериал-влак кокла гыч «Шошын латшым татше» ден «Йолташ-влакым» ойыра. Йӧратыме актёржо-влак семын Роберт Де Ниро ден Евгений Мироновым, а йӧратыме актрисе-влак семын Софи Лорен ден София Каштановам палемден[23].
  • Роман актёр пашаште веле огыл, мурымо аланыштат усталыкшым ончыктен. Тудо лишыл еҥже-влаклан мурен, южгунам тудын усталык пашажым йӧратыше-влаклан шке блогыштыжо мӧҥгысӧ илыш сӱретым ончыктен да муро-влакым сольный альбомыш чумыраш шонен[24].
  • Эн сай канышлан актёр еш дене пырля эртарыме жапым шотлен:

«Паркыште, пӱртӱсыштӧ але ресторанысе кас кочмаште — садиктак. Еш дене мутланымаш — мыланем эн сай каныш!»[25]

Палемдымаш

  1. ↑ ТАСС (руш.) — 1904.
  2. ↑ 1 2 Роман Попов: «В детстве я хотел стать милиционером». ТВЦ (22 идым 2022). Тергыме кече: 8 идым 2025.
  3. ↑ 1 2 3 4 «Загугли звезду»: Роман Попов – о «Детективном агентстве Мухича», Сomedy Club и личной жизни. Teleprogramma.pro (17 пеледыш 2022). Тергыме кече: 8 идым 2025.
  4. ↑ 1 2 3 Катерина Новицкая. Роман Попов. 24smi.org. Тергыме кече: 8 идым 2025.
  5. ↑ Татьяна Рамкина. Актер Роман Попов о новом сезоне сериала «Полицейский с Рублевки», съемках в Comedy Club и гонках на MINI Cooper. TV Mag (22 ага 2017). Тергыме кече: 8 идым 2025.
  6. ↑ 1 2 Роман Попов рассказал, как приехал в Москву без копейки в кармане и стал телезвездой. Русское радио (4 ага 2022). Тергыме кече: 8 идым 2025.
  7. ↑ 1 2 Роман Попов - биография и личная жизнь юмориста (руш.). Биограф.ру. Тергыме кече: 8 идым 2025.
  8. ↑ 1 2 Роман Попов. Вокруг ТВ. Тергыме кече: 8 идым 2025.
  9. ↑ Юлия Долгова. Актёр Роман Попов пожаловался, что его стали узнавать реже после похудения. Вечерняя Москва (8 сӱрем 2020). Тергыме кече: 8 идым 2025.
  10. ↑ Татьяна Пустынникова. Роман Попов: «Я наматывал круги и сбросил 40 килограммов». 7 Дней (25 сӱрем 2020). Тергыме кече: 8 идым 2025.
  11. ↑ Звезда «Полицейского с Рублевки» Роман Попов рассказал, как победил рак. Вокруг ТВ. Тергыме кече: 8 идым 2025.
  12. ↑ Екатерина Сорокина. Звезда «Полицейского с Рублевки» Роман Попов победил рак 3 степени и похудел на 40 кг. Комсомольская правда (9 пургыж 2023). Тергыме кече: 8 идым 2025.
  13. ↑ Оксана Морозова. Что звезда сериала «Полицейский с Рублевки» рассказал о борьбе с раком? Аргументы и факты (22 ӱярня 2022). Тергыме кече: 8 идым 2025.
  14. ↑ Роман Попов рассказал о рецидиве тяжелой болезни спустя семь лет, 2025-08-11, <https://ria.ru/20250811/popov-2034606421.html>. Тергыме: 8 идым 2025. 
  15. ↑ ВКонтакте | ВКонтакте (руш.). vk.com. Тергыме кече: 8 идым 2025.
  16. ↑ Актер Роман Попов скончался в возрасте 40 лет, 2025-10-28, <https://iz.ru/1980506/2025-10-28/akter-roman-popov-skonchalsia-v-vozraste-40-let>. Тергыме: 28 шыжа 2025. 
  17. ↑ Роман Попов: «Я не разрешал и не советую своим детям смотреть «Полицейского с Рублевки». InterMedia (17 пеледыш 2022). Тергыме кече: 8 идым 2025.
  18. ↑ «Суперсила Мухича – это чертовское везение». Роман Попов – о главное герое «Детективного агенства Мухича». Московский комсомолец (25 пеледыш 2022). Тергыме кече: 8 идым 2025.
  19. ↑ Виктория Стаценко. «Я мастер импровизации и рассказчик историй»: Роман Попов — о любви к работе и сериале «Детективное агентство Мухича». RT (22 пеледыш 2022). Тергыме кече: 8 идым 2025.
  20. ↑ Светлана Комарова. Роман Попов: «Пришлось набрать для съёмок 20 килограммов». Новый очаг (20 пеледыш 2022). Тергыме кече: 8 идым 2025.
  21. ↑ Светлана Комарова. Роман Попов: «Жена оставила карьеру ради странного полненького парня из Сочи». СтарХит (6 вӱдшор 2020). Тергыме кече: 8 идым 2025.
  22. ↑ 1 2 Роман Попов: «Я только внешне бегемот толстокожий». ТНТ music (18 вӱдшор 2018). Тергыме кече: 8 идым 2025.
  23. ↑ Виктория Мельникова. Жизненный совет от Романа Попова: «Никогда не чистите пальцем включённый в сеть блендер». Метро (28 вӱдшор 2022). Тергыме кече: 8 идым 2025.
  24. ↑ Роман Попов — биография, фото, личная жизнь, новости, актер, фильмы, болезнь, рак, жена, похудел 2025 - 24СМИ (руш.). rgr.by. Тергыме кече: 8 идым 2025.
  25. ↑ Актер Роман Попов: «Да, я отзываюсь на фамилию Мухич». Кубанские новости (8 пеледыш 2022). Тергыме кече: 8 идым 2025.
"https://mhr.ruwiki.ru/w/index.php?title=Попов,_Роман_Алексеевич&oldid=1232140" гыч налме