Плющенко, Евгений Викторович

Евгений Плющенко
Евгений Плющенко
	; 2012 ийысе Европо чемпионатын шӧртньӧ медальже дене.
Шке нерген увер
Гражданстве	Россий;
Шочмо кече	3 кылме 1982 (43 ий)
Шочмо вер	Джамку[d], Солнечный район[d], Хабаровск край, РСФСР[d], СССР;
Кӱкшыт	178 см
Ончычсо; тренер-влак	Алексей Мишин
Ончычсо; хореограф-влак	Давид Авдыш
Илыме вер	Санкт-Петербург
Спортышто сеҥымаш-влак
	ИСУ судейский системын иктешлымыже почеш эн сай лектыш; (тӱнямбал любительский таҥасымашлаште)
Ушымашын лектышыже	272.3
Кӱчык	91.39
Негызлыдыме	180.91
	Карточка обновлялась последний раз: Выступатлымым чарнен
Медаль-влак
Олимпий модмаш-влак
Тӱнямбал чемпионат-влак
Европо чемпионат-влак
	РУВИКИ.Медиаште медиафайл-влак

Евге́ний Ви́кторович Плю́щенко (шоч. 3 кылме 1982, Джамку^[d], Хабаровск край^[2]) — шкет мунчалтыме дене таҥасыше российысе фигурист. Российын сулло спорт мастерже. Кок гана олимпий чемпион (2006 ийыште шкетын мунчалтымаште, 2014 ийыште команде дене таҥасымаште), кок гана Олимпий модмашын ший призёржо (2002 да 2010 ийлаште), кум гана тӱнямбал чемпион (2001, 2003, 2004), шым гана Европо чемпион (2000, 2001, 2003, 2005, 2006, 2010, 2012), ныл гана фигурный мунчалтымаш дене тӱнямбал Гран-при серийысе финалын сеҥышыже (1999/2000, 2000/2001, 2002/2003, 2004/2005), юниор-влак коклаште тӱнямбал чемпион (1997) да лу гана Российын чемпионжо. Йиллис Графстрём дене пырля пӧръеҥ-влакын шкетын фигурный мунчалтымаште олимпийысе суаптар-влакын чотышт шотышто рекордым пайла (4 дене).

Евгений Плющенко таҥасымаште ныл йыран тулуп—кум йыран тулуп—кум йыран риттбергер каскадым ыштыше икымше фигурист лийын (2002 ийыште Российын Кубокыштыжо), пӧръеҥ-влак кокла гыч икымше бильман пӧрдмашым, кумйыран аксель-ойлер-кум йыран флип каскадым ыштен (2001). 2017 ий 31 мартыште спорт карьерыжым мучашлыме нерген ойлен^[3]^[4].

2022 ийыште Украине Плющенко ваштареш персонал санкцийым увертарен^[5].

Илыш корныжо

Плющенко Дортмундышто 2004 ийысе тӱнямбал чемпионатлан квалификаций годым.

Евгений Плющенко 1982 ий 3 ноябрьыште Хабаровск крайысе Солнечный районысо Джамку посёлкышто шочын, тушко тудын ачаж ден аваже Волгоград гыч БАМ-ым чоҥаш толыныт. Ачаже — Виктор Борисович Плющенко, плотник, Ростов областьысе Донецк олаште шочын. Аваже — Татьяна Васильевна Плющенко^[6]. Евгенийын 3 ияшыж годым еш Волгоградыш илаш куснен.

4 ияш гыч фигурный мунчалтымаш дене кылым кучаш тӱҥалын, тушко тудым аваже ушен, икымше тренерже Татьяна Николаевна Скала лийын. Икымше ийлаштак бильман пӧрдмашым ышташ тӱҥалын. 1990 ий гыч тренерже Михаил Хрисанфович Маковеев лийын, 1993 ийлан Плющенко кумйыран чыла тӧрштымашым (туштак кумйыран аксельым) тунем шуктен.

Шинчымаш

1998 ийыште Санкт-Петербургышто Петроград районысо 91-ше номеран кыдалаш школым тунем пытарен. 1994 ий гыч — Санкт-Петербургысо фигурный мунчалтымаш дене ДЮСШ-ын тунемшыже. 2000 ийыште П. Ф. Лесгафт лӱмеш Санкт-Петербургысо физкультур кугыжаныш университетыш тунемаш пурен да 2005 ийыште тунем пытарен. 2004 ий гыч — Санкт-Петербургысо инженер-экономике кугыжаныш университетын туризм да унагудо озанлык факультетын студент-экстернже.

Спорт деч посна

Шола гыч пурлашке: Эдвин Мартон, Дима Билан да Евгений Плющенко Евровидение конкурсышто.

Россий армийын старший лейтенантше чаплӱмым нумалеш (Армий спорт клубын йыжыҥъеҥже).

2007 ий февральыште Икымше каналыште «Властелин горы» шоун вӱдышыжӧ лийын.

2007 ий мартыште «Справедливая Россия» партийын лӱмерже почеш Санкт-Петербургысо Тӧртыклукшо погынын депутатшылан сайлалтын, илышкыл йодыш дене эре пашам ыштыше (постоянный) комиссийын йыжыҥъеҥже, «Справедливая Россия: Родина/Пенсионеры/Жизнь» фракцийын йыжыҥъеҥже лийын. Плющенко заседанийлаште шагал лиеден, садлан депутат-влак тудын полномочийжым кораҥдынешт улмаш. 2011 ий 1 декабрьыште партий гыч лекме нерген увертарен^[7].

Россий Федераций обороно министр Сергей Шойгу дене Сочиште Кас хоккей лиге матчыште, 2017 ий.

2007 ий 14 апрельыште «Развитие г. Сочи как горноклиматического курорта (2006—2014 годы)» лӱмын ямдылыме федерал программым илышыш пуртымо йодышым ончышо каҥашын йыжыҥъеҥжылан пеҥгыдемдыме.

2008 ийыште Дима Билан да скрипкам шоктышо Эдвин Мартон дене пырля «Евровидение» муро конкурсышто Российын чапшым арален. Плющенклан лӱмын пластик ий дене посна площадкым ямдылыме. Believe номер 1-ше верым налын.

Гватемалыште МОК-ын сессийыштыже 2014 ийысе теле Олимпиадым эртараш Сочи олан йодмыжым шуктен (чапым арален).

Икымше каналын «Звёзды на льду» проектыште телевӱдышӧ лийын. Вес вӱдышыжӧ фигурный мунчалтыше Ирина Слуцкая лийын.

Мер ончалтышыже

2018 ийысе президент сайлымаш годым Владимир Путинлан полшышо Putin Team толкыныш пурен^[8].

2020 ий июньышто пелашыже Яна Рудковская да Александр эргыж дене пырля конституцийыш тӧрлатымашым пурташ кӱлмӧ нерген роликеш войзалтын. Алексей Навальныйын оксалан кӧра ужалалтмыж нерген титаклыме деч вара фигурист оппозиционерым кикбоксинг дене рингыште «йодышым пӧръеҥ семын каҥашаш» ӱжын^[9].

2022 ийыште Украиныште сарзе действийым сайлан шотлен^[10]. 2022 ий 18 мартыште «Лужники» стадионышто «Тӱня нацизм деч посна! Россий верч! Президент верч!» лӱман митинг-концертыште выступатлен.

2022 ий декабрьыште Украине Плющенком санкций радамыш пуртен^[11].

Россий Федераций президентыш кандидат Владимир Путинын 2024 ийысе сайлымаште ӱшанъеҥже.

Шке илышыже

Евгений Плющенко ден Яна Рудковская Александр эргышт дене пырля. «Снежный Король» ий ӱмбалсе йомак-шоу (Санкт-Петербург)

2005 ий 18 июньышто Петербургысо университетыште социологийым тунемше Мария Ермакым марлан налын. 2006 ий 15 июньышто^[12] нунын Егор лӱман эргышт шочын^[13]. 2008 ий февральыште официально ойырлен. Ойырлымо годым суд, эргышт аважын фамилийжым нумалаш тӱҥалеш манын пунчалын^[14].

«Евровиденийыште» сеҥыме деч вара Плющенко Дима Биланын продюсерже Яна Рудковскаям марлан лекташ ӱжын, 2009 ий 12 сентябрьыште нуно ушненыт^[15]. 2013 ий 6 январьыште Александр эргышт шочын. 2020 ий 25 сентябрьыште Арсений эргышт шочын. Александр ачажын школыштыжо фигурный мунчалтымашыш коштеш, тудын ий шоулаштыже участвоватла. 2020-шо ийыште тудо «Самбо-70» спорт да образований рӱдерын 50 ияш лӱмгечыж лӱмеш турнирыште сеҥен, 2025-ше ийын январьыште Красногорск олаште турнирым сеҥен налын^[16].

Палемдымаш

↑ http://www.isuresults.com/bios/isufs00000124.htm
↑ ¹ ² ПЛЮЩЕНКО // Большая российская энциклопедия (руш.) — М.: Большая российская энциклопедия, 2004.
↑ Плющенко объявил о завершении спортивной карьеры, РИА Новости, <https://web.archive.org/web/20170331173915/https://ria.ru/sport/20170331/1491195735.html>. Тергыме: 30 сорла 2025.
↑ Плющенко объявил о завершении карьеры (неопр.). Lenta.ru (31 ӱярня 2017). Тергыме кече: 30 сорла 2025. Архивлыме 6 вӱдшор 2017 ий.
↑ Рада одобрила санкции против Кабаевой и Валуева (руш.). РИА Новости (13 теле 2022). Тергыме кече: 30 сорла 2025.
↑ Родители Жени Плющенко не смотрят его выступления (неопр.). Тергыме кече: 30 сорла 2025. Архивлыме 25 пургыж 2014 ий.
↑ Евгений Плющенко вышел из «Справедливой России» (неопр.). Тергыме кече: 30 сорла 2025. Архивлыме 3 теле 2011 ий.
↑ Плющенко присоединился к движению Putin Team (руш.). РБК. Тергыме кече: 30 сорла 2025. Архивлыме 29 вӱдшор 2020 ий.
↑ Плющенко вызвал Навального «обсудить вопросы по-мужски» (неопр.). Lenta (15 пеледыш 2020). Тергыме кече: 30 сорла 2025. Архивлыме 16 пеледыш 2020 ий.
↑ Кто из знаменитостей поддержал военную операцию на Украине? (руш.). ВЗГЛЯД.РУ. Тергыме кече: 30 сорла 2025.
↑ Neil Shefferd. Ukraine’s Parliament sanctions 55 Russian athletes and one Ukrainian for showing support towards war (англ.). Inside the Games (13 теле 2022). Тергыме кече: 30 сорла 2025.
↑ У Евгения Плющенко родился сын (неопр.). Тергыме кече: 30 сорла 2025. Архивлыме 13 шыжа 2007 ий.
↑ Евгений Плющенко: Теперь моего сына зовут Егор (неопр.). Тергыме кече: 30 сорла 2025. Архивлыме 26 вӱдшор 2009 ий.
↑ Евгений Плющенко официально развёлся (неопр.). Тергыме кече: 30 сорла 2025. Архивировано из оригинала 30 вӱдшор 2009 ий.
↑ Свадьба Плющенко и Рудковсковской (неопр.). Тергыме кече: 30 сорла 2025. Архивлыме 26 шорыкйол 2010 ий.
↑ Евгений Плющенко биография, фото, карьера, личная жизнь, <https://www.rbc.ru/person/6807923f9a7947e7de53de0e>. Тергыме: 3 шыжа 2025.

Кылвер-влак

evgeni-plushenko.com — официальный сайт Евгения Плющенко (руш.), (англ.).
Сайт о Евгении Плющенко.
Сайт о Евгении Плющенко Архивысе копий 26 кылме 2013 гыч.
Биография на официальном сайте Законодательного Собрания Санкт-Петербурга.
Биография Евгения Плющенко в каталоге биографий российских фигуристов .Архивысе копий 15 шыжа 2012 гыч.

[_9ed81cf5eed4bf63-1] ttp://www.isuresults.com/bios/isufs00000124.htm

[_b7ceb2a67204af36-2] ¹ ² ПЛЮЩЕНКО // Большая российская энциклопедия (руш.) — М.: Большая российская энциклопедия, 2004.

[3] Плющенко объявил о завершении спортивной карьеры, РИА Новости, <https://web.archive.org/web/20170331173915/https://ria.ru/sport/20170331/1491195735.html>. Тергыме: 30 сорла 2025.

[4] Плющенко объявил о завершении карьеры (неопр.). Lenta.ru (31 ӱярня 2017). Тергыме кече: 30 сорла 2025. Архивлыме 6 вӱдшор 2017 ий.

[5] Рада одобрила санкции против Кабаевой и Валуева (руш.). РИА Новости (13 теле 2022). Тергыме кече: 30 сорла 2025.

[6] Родители Жени Плющенко не смотрят его выступления (неопр.). Тергыме кече: 30 сорла 2025. Архивлыме 25 пургыж 2014 ий.

[7] Евгений Плющенко вышел из «Справедливой России» (неопр.). Тергыме кече: 30 сорла 2025. Архивлыме 3 теле 2011 ий.

[8] Плющенко присоединился к движению Putin Team (руш.). РБК. Тергыме кече: 30 сорла 2025. Архивлыме 29 вӱдшор 2020 ий.

[9] Плющенко вызвал Навального «обсудить вопросы по-мужски» (неопр.). Lenta (15 пеледыш 2020). Тергыме кече: 30 сорла 2025. Архивлыме 16 пеледыш 2020 ий.

[10] Кто из знаменитостей поддержал военную операцию на Украине? (руш.). ВЗГЛЯД.РУ. Тергыме кече: 30 сорла 2025.

[11] Neil Shefferd. Ukraine’s Parliament sanctions 55 Russian athletes and one Ukrainian for showing support towards war (англ.). Inside the Games (13 теле 2022). Тергыме кече: 30 сорла 2025.

[12] У Евгения Плющенко родился сын (неопр.). Тергыме кече: 30 сорла 2025. Архивлыме 13 шыжа 2007 ий.

[13] Евгений Плющенко: Теперь моего сына зовут Егор (неопр.). Тергыме кече: 30 сорла 2025. Архивлыме 26 вӱдшор 2009 ий.

[14] Евгений Плющенко официально развёлся (неопр.). Тергыме кече: 30 сорла 2025. Архивировано из оригинала 30 вӱдшор 2009 ий.

[Свадьба_Плющенко-15] Свадьба Плющенко и Рудковсковской (неопр.). Тергыме кече: 30 сорла 2025. Архивлыме 26 шорыкйол 2010 ий.

[16] Евгений Плющенко биография, фото, карьера, личная жизнь, <https://www.rbc.ru/person/6807923f9a7947e7de53de0e>. Тергыме: 3 шыжа 2025.

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

Ссылки на внешние ресурсы
Социал вотлаште	ВКонтакте Телеграм
Темылан келшыше сайт-влак	ISU Olympedia МОК ČSFD Internet Movie Database Кинопоиск Смотрим Forbes.ru
Мутер да энциклопедий-влак	Большая российская (старая версия) Munzinger Universalis Справка РИА
Библиографий каталоглаште	GND: 136928080 ISNI: 0000 0000 5847 3151 LCCN: no2009118274 VIAF: 81191193 WorldCat VIAF: 81191193