Печенников, Сергей Аркадьевич

Сергей Аркадьевич Печенников
Сергей Аркадьевич Печенников
Шочмо кече	1961 ий 27 идым (64 ий)
Шочмо вер	Йошкар-Ола, Марий АССР, РСФСР, СССР
Гражданстве	СССР → Россий
Профессий	актёр, театр режиссёр
Усталык жап	1986 — кызытсе жап марте
Амплуа	курчакым модыктышо
Театр	Республикысе курчак театр (Йошкар-Ола); Армавирысе муниципал драме да комедий театр; Сказка (театр, Барнаул)
Суаптар	Марий Эл Республикын калык артистше (2016); Марий Эл Республикын сулло артистше (2003); Йыван Кырла лӱмеш калыкле театр премий (1999, 2002, 2016)

Сергéй Аркáдьевич Печéнников (шоч. 27 идым 1961, Йошкар-Ола) ― совет да российысе театр актёр, театр режиссёр. Республикысе курчак театрын (Йошкар-Ола) артист-курчакым модыктышо (1993 ий гыч). Марий Эл Республикын калык артистше (2016). Йыван Кырля лӱмеш калыкле театр премийын куд гана лауреатше лийын.

Илыш корно

1961 ий 27 идымыште Марий АССР Йошкар-Олаште шочын. Аваже ― школышто сылнымут туныктышо^[1]^[2].

Марий кугыжаныш университетын филологий факультетыштыже тунемын. Я. Эшпай лӱмеш Марий филармонийыште администраторлан, вара — Йошкар-Оласе Сеҥымашын XXX идалыкше лӱмеш тӱвыра полат пелен Самырык ончышын калык театрыштыже (кызыт — «В старом доме» театр-студий) пашам ыштен^[1]^[2].

Совет армий радамыште служитлен^[3].

Ярославльысе театр училищым (руш.) (мар. (С. В. Розовын курсшо), 1990 ийыште ― Свердловскысо кугыжаныш театр институтым (руш.) (мар. «Драме театр да кино артист» специальность дене тунем пытарен^[1]^[2].

1986―1990 ийлаште, Свердловскысо театр институтышто тунеммыж годым, Армавирысе драме театрыште пашам ыштен. Курчакым модыктышо артист семын Алтай кундемысе курчак театрыште пашам ышташ тӱҥалын, вара Петропавловск олан (Казахстан) кундемысе курчак театрыштыже пашам ыштен^[1]^[2].

1993 ийыште Йошкар-Олаш пӧртылын да Республикысе курчак театрыш пашаш пурен, тыште таче кече марте пашам ышта^[1]^[2]^[4].

Театр паша

Эше Армавирысе драме театрыште пашам ыштыме ийлаштак Н. Гогольын «Ревизорыштыжо», Н. Эрдманын «Самоубийцыштыже» да У. Шекспирын пьесыж почеш постановкылаште модын^[1]^[2].

Петропавловск олан (Казахстан) кундемысе курчак театрыштыже «Али-Баба и 40 разбойников», А. С. Пушкинын йомакше-влак да эсогыл Д. Толкиенын «Хранители» спектакльлаште модын^[1]^[2].

Профессионал артист семын Йошкар-Оласе Республикысе курчак театрыште пеҥгыдемден. Икымше рольжо ― «Мальчик Иисус из Назарета» спектакльыште Евангелист^[3]. Театрыште тӱрлӧ рольым модын да модеш — поро юзо-влак гыч тӱҥалын, осал ия-влак марте. Артистын усталык кумдыкшо тӱрлӧ: тудо театрын чыла руш спектакльлаштыже модеш. 2002 ийыште «Лучшая роль в театре кукол» номинацийыште А. Погорельскийын повестьше почеш «Чёрная курица» спектакльыште Чернушкан рольжым модмылан Йыван Кырла лӱмеш театр премийын лауреатше лийын, а 2012 ийыште ― Е. Шварцын пьесыж почеш «Красная шапочка» спектакльыште Пирын рольжым модмылан Йыван Кырля лӱмеш калыкле театр премийын «Лучшая роль в театре кукол» номинацийыште угыч лауреат лийын. 2015 ийыште тудо Г. Х. Андерсенын йомакше почеш «Дюймовочка» спектакльыште Кротын рольжым модмылан «В гостях у Оле Лукойе» пӱтынь российысе курчак театр-влакын I фестивальыштышт «Кокымшо планан эн сай роль» номинацийыште лауреат лийын^[1]^[2].

Режиссёр-постановщик семынат палыме: Ч. Янчарскийын «Про Ушастика», Х. Юрковскийын «Ты, я и кукольник», А. Попескун «Солнечный лучик» спектаклыштым шынден. 1999 ийыште Й. Кырла лӱмеш театр премийын лауреатше лийын ― Х. Юрковскийын пьесыж почеш «Ты, я и кукольник» спектакльым шындымаште «За плодотворный творческий союз» лӱмын увертарыме премийым налын. А 2002 ийыште тудын дене шындалтше Ч. Янчарскийын пьесыж почеш «Про Ушастика» спектакль Самараште ола-партнёр-влакын курчак театр-влакын калык-влак кокласе фестивальыштыже зритель-влакын симпатий призшым налын^[1]^[2].

2003 ийыште тудо Марий Эл Республикын сулло артистше, 2016 ийыште — Марий Эл Республикын калык артистше лийын. Марий Эл Кугыжаныш Погынын, Республикын Тӱвыра министерствын чаптаныкышт да тауштымашышт дене палемдалтын^[1]^[2].

Тӱҥ роль-влак

С. А. Печенниковын тӱҥ рольжо-влак лӱмер^[1]^[2]:

«Мальчик Иисус из Назарета» ― Евангелист
«Винни Пух» ― Ослик Иа
«Два клёна» ― Пырыс, Фёдор
«Дюймовочка» ― Сокырголя (Крот), Майысе копшаҥге (Майский жук), Жаван эргыже (Сын жабы)
«Жили-были» ― Коча, Кугыза, Агытан
«Золотой ключик» ― папа Карло, Дуремар, Ӱжын коштшо
«Каштанка» ― Лука
«Красная Шапочка» ― Пире
«Маленькая фея» ― карлик Фу-Ты
«Про собаку Мотю» ― Агытан
«Сказка про Емелю» ― Кугыжа, Салтак
«Счастливого пути!» ― Пугалёнок (курчак), подачи
«Ты, я и кукольник» ― Курчакзе
«Царевна-лягушка» ― Первый царевич, Узо лудо (Селезень)
«Чудо чудное, диво дивное» ― Кокымшо рвезе, Коча, Дашенька, Комбо
«Мотылёк» ― сарзе эмлыше Морозов

Тӱҥ шындыме пашаже-влак

С. А. Печенниковын шындыме тӱҥ спектакль-влак лӱмер^[1]^[2]:

«Про Ушастика» Ч. Янчарский
«Ты, я и кукольник» Х. Юрковский
«Солнечный лучик» А. Попеску

Чаплӱм

Марий Эл Республикын калык артистше (2016)^[1]^[2]
Марий Эл Республикын сулло артистше (2003)^[1]^[2]
Йыван Кырла лӱмеш калыкле театр премий (1999, 2002, 2016)^[1]^[2]
Курчак театр-влакын «В гостях у Оле Лукойе» I пӱтынь российысе фестивальын лауреатше (2015) ― Г. Х. Андерсенын йомакше почеш «Дюймовочка» спектакльыште Сокырголян (Кротын) рольжым модмылан «Лучшая роль второго плана» номинацийыште^[1]^[2]
Марий Эл Республик Вуйлатышын Тауштымашыже (2011)^[1]
Марий Эл Республик Кугыжаныш Погынын Чаптаныкше (2012)^[1]

Палемдымаш

↑ ¹ ² ³ ⁴ ⁵ ⁶ ⁷ ⁸ ⁹ ¹⁰ ¹¹ ¹² ¹³ ¹⁴ ¹⁵ ¹⁶ ¹⁷ ¹⁸ Сергей Печенников (неопр.). teatrkukolmariel.ru. Тергыме кече: 20 теле 2025.
↑ ¹ ² ³ ⁴ ⁵ ⁶ ⁷ ⁸ ⁹ ¹⁰ ¹¹ ¹² ¹³ ¹⁴ ¹⁵ ¹⁶ Театральные музеи и архивы России и Русского зарубежья (неопр.). theatre-museum.ru. Тергыме кече: 20 теле 2025.
↑ ¹ ² За свою роль на сцене Республиканского театра кукол актер получил именные часы от «Марийской правды» (неопр.). www.marpravda.ru. Тергыме кече: 20 теле 2025.
↑ Республиканский театр кукол | mincult12.ru (руш.). web.archive.org. Тергыме кече: 20 теле 2025.

Литератур

Постовалова Я. Тили-бом в деталях // Петербургский театральный журнал. ― 2012. ― 13 мая.
Швецова А. За свою роль на сцене Республиканского театра кукол актёр получил именные часы от «Марийской правды» // Марийская правда. ― 2016. ― 13 мая.
Энциклопедия театров Республики Марий Эл: иллюстрированное научно-популярное издание / [Министерство культуры, печати и по делам национальностей Республики Марий Эл и др.; редкол.: К. А. Иванов (пред.) и др.; авт.-сост.: Белецкая Е. С. и др.]. — Йошкар-Ола, 2019. — 259 с.: ил., портр.

Кылвер-влак

[:0-1] ¹ ² ³ ⁴ ⁵ ⁶ ⁷ ⁸ ⁹ ¹⁰ ¹¹ ¹² ¹³ ¹⁴ ¹⁵ ¹⁶ ¹⁷ ¹⁸ Сергей Печенников (неопр.). teatrkukolmariel.ru. Тергыме кече: 20 теле 2025.

[:1-2] ¹ ² ³ ⁴ ⁵ ⁶ ⁷ ⁸ ⁹ ¹⁰ ¹¹ ¹² ¹³ ¹⁴ ¹⁵ ¹⁶ Театральные музеи и архивы России и Русского зарубежья (неопр.). theatre-museum.ru. Тергыме кече: 20 теле 2025.

[:2-3] ¹ ² За свою роль на сцене Республиканского театра кукол актер получил именные часы от «Марийской правды» (неопр.). www.marpravda.ru. Тергыме кече: 20 теле 2025.

[4] Республиканский театр кукол | mincult12.ru (руш.). web.archive.org. Тергыме кече: 20 теле 2025.

[1]

[2]

[3]

[4]