Пермогорский, Леонид Васильевич
| Леонид Васильевич Пермогорский | |
|---|---|
 | |
| Шочмо кече | 1936 ий 28 кылме (89 ий) |
| Шочмо вер | Красноборск, Красноборск район, Архангельск область, РСФСР, СССР |
| Гражданлык |
 СССР →  Россий |
| Паша сомыл | инженер, шонен лукшо |
| Награде да премий | |
Леонид Васильевич Пермогорский (шоч. 28 кылме 1936, Красноборск[d], Йӱдвел край[d]) — совет да российысе йӧнозанлык пашаеҥ, инженер-конструктор. Марий машиначоҥышо заводын опыт-конструктор бюрожым вуйлатыше, «Марий машиначоҥышо» ыштен лукшо ушемысе тӱҥ директорын алмаштышыже (1975―1999). Марий ССР шанчын сулло пашаеҥже (1991). Россий Федераций Кугыжаныш премийын лауреатше (1998).
Илыш корныжо
1936 ий кылме тылзын 28-ше кечынже Архангельск кундем Красноборск район Красноборск ялыште шочын[1].
1965 ийыште Угарманысе политехник институтым тунем пытарен[1].
1965 ий гыч — Йошкар-Олаште: регулировщик, комплекс вуйлатыше, опыт-конструктор бюрон кугурак инженерже да лабораторийым вуйлатыше, «Марий машиначоҥышо» ыштен лукшо ушемын тӱҥ инженержын алмаштышыже, 1975—1999 ийлаште — тиде ушемын да Марий машиначоҥышо заводын ОКБ-м вуйлатышыже. У техникым ямдылымашке да ыштен лукмашке кугу надырым пыштен. Икмыняр арверын конструкторжо, 13 шонен лукмо йӧнын авторжо улеш[1][2].
1991 ийыште тудлан «Марий ССР шанчын сулло пашаеҥже» чаплӱмым пуымо. 1998 ийыште Россий Федерацийын Кугыжаныш премийжым пуымо[3]. Келшымаш, «Чап Тамга» орден-влак да медаль-влак дене суапландарыме[1].
Чаплӱм да суаптар-влак
- Марий ССР шанчын сулло пашаеҥже (1991)[1]
- Россий Федерацийын Кугыжаныш премийже (1998) — зенит-ракет кышкарым ямдылымылан[1][3]
- «Чап Тамга» орден (1985)[1]
- Келшымаш орден (25.09.1998)[1] — кугыжаныш ончылно суаплан, шуко ияш чапле пашалан да калык-влак кокласе келшымашым, вашкылым пеҥгыдемдымаште кугу надырлан[4]
Палемдымаш
- ↑ 1 2 3 4 5 6 7 8 Мочаев, 2017, с. 334.
- ↑ Измеритель разности фаз — Алексеев Николай Иванович, Пирютко Вадим Владимирович, Курандин Павел Иванович, Поздеев Леонид Апполонович, Пермогорский Леонид Васильевич. — 1986.
- ↑ 1 2 Трудовая Доблесть России. www.trdoblest.ru. Тергыме кече: 20 шорыкйол 2026.
- ↑ Пермогорский Леонид Васильевич – Награды России, 1998-09-25. ru.nagrady.by. Тергыме кече: 20 шорыкйол 2026.
Литератур
- Алтышева Л. М. Пермогорский Леонид Васильевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 276. — 2032 экз. — ISBN 5-87898-357-0.
- Алтышева Л. М. Пермогорский Леонид Васильевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 334. — 606 с. — 1500 экз. — ISBN 978-5-905314-35-3.
- Кылме тылзын 28 кечынже шочшо-влак
- 1936 ийыште шочшо-влак
- Алфавит почеш персоналий-влак
- Красноборск районышто шочшо-влак
- Алфавит почеш инженер-влак
- Российысе инженер-влак
- СССР-ысе инженер-влак
- XX курымысо инженер-влак
- XXI курымысо инженер-влак
- Алфавит почеш шонен лукшо-влак
- Российысе шонен лукшо-влак
- СССР-ысе шонен лукшо-влак
- Россий Федерацийын кугыжаныш премийжын лауреатше-влак
- Келшымаш орден дене суапландаралтше-влак (Россий)
- «Почёт пале» орден дене суапландаралтше-влак
- Инженер-конструктор-влак
- Марий Элысе йӧнозанлык пашаеҥ-влак
- Марий АССР-ысе шанчын сулло пашаеҥже-влак
- Угарман технике университетым тунем лекше-влак