Ноготков-Оболенский, Иван Андреевич
| Иван Андреевич Ноготков-Оболенский | |
|---|---|
 | |
| Колымо кече | 1585 |
| Пурымаш | Руш кугыжаныш |
| Званий | воевода |
Иван Андреевич Ноготков-Оболенский (кол. 1585) — Ноготков-Оболенский-влакын князь тукымышт гыч руш сарзе вуйлатыше, Чарлан (кызыт Йошкар-Ола) икымше воеводаже.
Андрей Васильевич Ноготков-Оболенскийын изирак эргыже, Василий Андреевич Ноготковын уныкаже, иза-шольыжо-влак — Михаил ден Фёдор.
Илыш корно
Озаҥыште воевода (1576). Серыште верланыше войскалаште Кугу полкын кокымшо воеводаже (1580). Икымше воевода, Иван Михайлович Елецкий князьлан полшаш манын, олыкмарий-влакын восстанийыштым пытараш Муромыш да умбакыже Озаҥыш кая (1582). А ик ий гыч Иван Воротынскийын вуйлатымыж почеш тыгак курыкмарий-влакын восстанийыштым темдалмаште лийын. Поход мучашлалтмеке, Угарманыште воевода лийын, туге гынат варарак уэш Озаҥыште илыше-влакын, олык да курыкмарий-влакын восстанийыштым пытараш каен (1582—1584)[1].
1584 ийыште Фёдор Иоаннович кугыжан кӱштыкшӧ почеш отрядым вуйлатыше семын Какшан ӱмбалсе у Кугыжа Олаш (Царёв Город на Кокшаге) толын. Тушто икымше воеводалан шогалтыме. Марий-влак ваштареш походыш уэш Кугу полкын икымше воеводажлан палемдыме, но вашке тудо колен († 1585)[2].
Еш
Боярин Богдан Юрьевич Сабуровын ӱдыржым, Иван Иванович кугыжан икымше ватыжын, Евдокиян, акажым марлан налын улмаш. Пелашыже кугыжан ӱдыр Ксения Борисовна Годунован кокаже лийын. Икшывышт лийын огыл[2].
Шарнымаш
Кызыт Йошкар-Олаште тудын лӱмеш лӱмдымӧ Оболенский-Ноготков площадь уло[3], тыгак скульптор Андрей Ковальчук вооружённый имнешке сынан памятникым ыштен.
Палемдымаш
- ↑ За что арестовали Оболенского-Ноготкова (руш.). gg12.ru. Тергыме кече: 8 ага 2026.
- ↑ 1 2 Г. А. Власьев. Потомство Рюрика: материалы для составления родословий. СПб. Т. 1. Князья Черниговские. Ч. 2. Тип: Т-во Р. Голике и И. Вильборг. 1906 г. Ноготков-Оболенский Иван Андреевич. стр. 384—385.
- ↑ Площадь Оболенского-Ноготкова (руш.). chemodan-tour.ru. Тергыме кече: 8 ага 2026.
Литератур
- Сануков К. Н. Ноготков Иван Андреевич // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 260. — 2032 экз. — ISBN 5-87898-357-0.
- Оболенский-Ноготков Иван Андреевич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 583. — 872 с. — 3505 экз. — ISBN 978-5-94950-049-1.
- Ноготков-Оболенский Иван Андреевич // История Марийского края в лицах (XIV — начало XX веков). — Йошкар-Ола: МарНИИЯЛИ, 2012. — С. 53—59. — 392 с. — 1000 экз. — ISBN 978-5-94950-060-6.
- Бахтин А. Г. Биография князя Ивана Андреевича Ноготкова-Оболенского // Марийский край в XIII—XVI веках: очерки по истории. — Йошкар-Ола: МарГУ, 2012. — С. 633—638. — 660 с. — 1000 экз. — ISBN 978-5-94808-678-1.
- Сануков К. Н. Ноготков Иван Андреевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 313. — 606 с. — 1500 экз. — ISBN 978-5-905314-35-3.
Кылвер-влак
- Иван Андреевич Ноготков-Оболенский на сайте «Марийская история в лицах».