Метеорологийын тӱнямбал кечыже
Метеорологийын тӱнямбал кечыже ( ООН-ын моло официал йылмыла дене: англ. World Meteorological Day, араб. اليوم العالمي للأرصاد الجوية, исп. Día Meteorológico Mundial, кит. 世界气象日, фр. Journée météorologique mondiale ) — ООН-ын ик тӱнямбал кечыже, кудо 1961 ий гыч тӱҥалын ий еда 23 мартыште палемдалтеш. Тиде 1950 ийыште Тӱнямбал метеорологий организацийын (ВМО) шочмо кечыже, кудым эл-влакын метеорологий да гидрологий шотышто пашаштым иктешлен келыштараш ман ыштыме.
ВМО кажне ийын Метеорологийын тӱнямбал кечыж лӱмеш посна темым увертара да тыгаяк умылтарыме, шинчымашым шарыме пашам вӱда.
ВМО-н Генерал директоржо ий еда колтымо серышыштыже Тӱнямбал метеорологий кечын темыжым каҥаша.
Тӱнямбал метеорологий кечын ий еда увертарыме темыже
- 2022 ий — «Эр шижтарымаш да вигак пашалан пижмаш»
- 2021 ий — «Океан, мемнан климатна да мемнан жапна»
- 2020 ий — «Климат да вӱд ресурс»
- 2019 ий — «Кече, Мланде да игече»
- 2018 ий — «Игечылан ямдылалтына, климатым шотыш налына»
- 2017 ий — «Пылым палена»
- 2016 ий — «Шокшырак, кукшырак, вӱдыжгӧ. Ончыко ончаш»
- 2015 ий — «Климат нерген шинчымаш — пашалан негыз»
- 2014 ий — «Игече да климат: самырык-влак ден иктеш»
- 2013 ий — «Илыш ден погым аралымаште игечым эскерымаш»
- 2012 ий — «Игече, климат да вӱд — мемнам ончыкыш вӱдышӧ вий»
- 2011 ий — «Климат тыланда»
- 2010 ий — «60 ий лӱдыкшыдымылыкда да суаплыкда верч тыршымаш»
- 2009 ий — «Игече, климат да юж, мом ме шӱлена»
- 2008 ий — «Сай ончыкылык верч планетынам эскерымаш»
- 2007 ий — «Полярный метеорологий: глобал кылым умылымаш»
- 2006 ий — «Пӱртӱс азапым сеҥымаш да кышажым куштылемдымаш»
- 2005 ий — «Игече, климат «вӱд да икшырымын вияҥмаш»
- 2004 ий — «Игече, климат да вӱд информаций курымышто»
- 2003 ий — «Ончыкылык климатна»
- 2002 ий — «Экстремал метеорологий да климат деч аралалтмым вияҥдымаш»
- 2001 ий — «Игече, вӱд да климат – ты пашаште шке кумылын ушнышо-влак»
Тыгак ончо
Кылвер-влак
- Всемирная метеорологическая организация Архивысе копий 3 сӱрем 2009 гыч
- Послание Генерального секретаря ВМО по случаю Всемирного метеорологического дня 2008 года (недоступная ссылка)
- Праздник метеорологов