Матвеев, Владимир Николаевич

Владимир Николаевич Матвеев
Шочмо кече	1946 ий 13 пеледыш(1946-06-13)
Шочмо вер	Грозный, РСФСР, СССР
Колымо кече	2023 ий 21 шорыкйол(2023-01-21) (76 ий)
Пурымаш	СССР,  Россий
Войскан родшо	СССР-ын сарзе-юж вийже[d]
Службо жап	1963—1971
Званий	Капитан (сарзе званий)[d]
Награде да премий
Отставкыште	А. Н. Туполев лӱмеш ОКБ-ын лётчик-испытательже

Владимир Николаевич Матвеев (1946 ий 13 пеледыш, Грозный, РСФСР, СССР — 2023 ий 21 январь) — совет да росссийысе лётчик-испытатель, Россий Федерацийын Талешкыже.

Илыш корныжо

1946 ий 13 июньышто Грозный олаште шочын. Руш. 1958 ий гыч Йошкар-Олаште илен. 1961–1963 ийлаште Йошкар-Оласе аэроклубышто планер спорт дене кылым кучен.

Армийыште 1963 ий август гыч. 1967 ийыште Оренбургысо кӱшыл авиаций училищым тунем пытарен, тушто лётчик-инструкторлан пашам ыштен. 1971 ий сентябрь гыч капитан В. Н. Матвеев шапашыште. 1973 ийыште Лётчик-шымлыше-влакын школыштым тунем лектын, 1975 ийыште — Моско авиаций институтым.

1973—1999 ийлаште — А. Н. Туполев лӱмеш ОКБ-ште чоҥештылме-тергыме пашам шуктен. Икымше серийысе Ту-160 сверхйӱкан стратегий бомбардировщикым да икымше сериян Ту-204 пассажир самолётым каваш нӧлталын, тергымаш-влакым эртарен. Ту-22М3 сверхйӱкан бомбардировщикым, Ту-134, Ту-154 реактив пассажир самолёт-влакым, Ту-144 сверхйӱкан пассажир самолётым тергымаште лийын. 1990 ийыште Ту-160 самолётышто кокымшо пилот шотеш писылык шотышто 9 тӱнямбал авиаций рекордым палемден.

Моско областьысе Жуковский олаште илен. Моско областьысе Совет Ушемын Талешкыже-влак, Россий Федерацийын Талешкыже да Чап орденын тичмаш кавалерже-влак клубышто председательын алмаштышыжлан тыршен.

Владимир Николаевич Матвеев 2023 ий 21 январьыште колен.

Чаплӱм ден суаптарже-влак

• Россий Федерацийын Талешкыже (РФ Президентын 1996 ий 23 августышто лукмо кӱштыкшӧ), у авиаций техникым шымлен тергымаште патырлыкым да талылыкым ончыктымылан.
• СССР-ын сулло лётчик-испытательже
• «Почёт Пале» орден, медаль-влак

Палемдымаш

Литератур

• Афанасьев П. П., Русланов В. И. Выпускники Московского авиационного института (К 80-летию МАИ). Москва: МАИ-принт, 2009. — 100 с. илл. ISBN 978-5-7035-2106-9.