Марий Эл арене
| Марий Эл арене | |
|---|---|
 | |
| Верланымаш |
 Йошкар-Ола, Воскресенский проспект, 5-ше пӧрт |
| Почылтын | 2016 ий 8 февральыште |
| Сайт | uss12.ru/legkoatletiches… |
 |
|
«Марий Эл арене» — Марий Эл Республикысе Йошкар-Олаште верланыше леведышан универсальный куштылго атлетике манеж. Спорт оралтыште 105х68 м кугытан пӱртӱслӧ огыл газонан футбол пасу, куржталме корно-влак (нылыт — 400 метран оҥгышто, кудыт — 100 метран, вияш), кужытыш да кӱкшытыш тӧрштылаш сектор-влак, ядрам шуаш сектор да душ кабине ден санузелан вургем кудашме вер-влак улыт. Оралтыш иканаште 120 еҥ пурен-лектын кертеш. Трибунылаште 2 700 шинчыме вер уло. Толшо-влаклан буфет пашам ышта[1].
Эртымгорно
Манежым 2012 ий апрельыште чоҥаш тӱҥалыныт, да 2015 ий декабрьыште икымше йыжыҥым мучашленым. Тунамак объектым пашаш колтеныт[2].
2016 ий 8 февральыште куштылго атлетике манежым пайремлын почмо. Тудым чоҥаш 5 ий да 1 миллиард теҥге утла окса каен. Проектлан оксам федерал да республик шийвундо гыч ойырымо. Манежым почмаште спортсмен-влакын сай выступленийышт да «Мариэлочка» (Йошкар-Ола) ден «Динамо» (Киров) ӱдырамаш команде-влакын футбол матчышт эртен[3]. Почмаш церемонийыште Марий Эл Вуйлатыше Леонид Маркелов, республикысе министерстве ден ведомстве-влакын представительышт лийыныт[4].
Чоҥымашын кокымшо йыжыҥже
Чоҥымашын кокымшо йыжыҥыштыже «Ареныште» Россий да регион-влак кокласе кӱкшытан таҥасымашым, телым куштылго атлетике да футбол дене спортшкол-влакын занятийыштым эртараш йӧн лийшаш. Оралте кӧргыш, трибунылаште ончышо-влак дене пырля, иканаште 4394 еҥ марте пурен кертеш. Тыгак объектыште унагудым, кафем, Спортлан ямдылалтме рӱдерым, эмлызе-физкультур диспансерым вераҥдымылан кӧра инфраструктурым кумдаҥдаш палемдалтеш[2].
Чоҥымаш йодышым Марий Эл Республик Вуйлатыше Юрий Зайцевын да Россий Федерацийын Федераций Каҥашыже эскерен шогат[2].
Эртарыме таҥасымаш-влак
- СССР спорт мастер, РСФСР-ын сулло тренерже А. С. Подойниковым шарныме лӱмеш футбол дене самырык-влакын йӱлаш пурышо турнирышт[5].
- Изак-шоляк Г. А. да Ю. А. Бобковмытым шарныме лӱмеш куштылго атлетике дене республикысе таҥасымаш-влак.
Палемдымаш
- ↑ Легкоатлетический манеж «Арена Марий Эл» — Автономное учреждение «Управление спортивных сооружений Республики Марий Эл» (неопр.). uss12.ru. Тергыме кече: 19 сӱрем 2025.
- ↑ 1 2 3 В Йошкар-Оле планируют завершить строительство «Арены Марий Эл» (неопр.). МариМедиа. Тергыме кече: 19 сӱрем 2025.
- ↑ "Арена Марий Эл", Новости Йошкар-Олы (неопр.). i-ola-museum.ru. Тергыме кече: 19 сӱрем 2025.
- ↑ В Йошкар-Оле состоялась торжественная церемония открытия легкоатлетического манежа «Арена Марий Эл». Фотоотчет (неопр.). МариМедиа. Тергыме кече: 19 сӱрем 2025.
- ↑ Завершился турнир по футболу памяти Анатолия Подойникова, С 24 по 27 марта 2025 года в Йошкар-Оле на полях легкоатлетического манежа «Арена Марий Эл» прошел традиционный юношеский турнир по футболу., Региональная физкультурно-спортивная общественная организация Республики Марий Эл «Федерация Футбола». Официальный сайт (неопр.). fsrme.ru. Тергыме кече: 26 пеледыш 2025.
Кылвер-влак
- Легкоатлетический манеж «Арена Марий Эл» — Автономное учреждение «Управление спортивных сооружений Республики Марий Эл» (неопр.). uss12.ru. Тергыме кече: 19 сӱрем 2025.
 |
|---|
