Марий Эл Республикысе самырык-влакын полатышт

РУВИКИ — эрыкан энциклопедий гыч материал
Сылне вер
Марий Эл Республикысе самырык-влакын полатышт
Дворец молодёжи Республики Марий Эл.jpg
56°38′20″ с. ш. 47°53′19″ в. д.GЯO
Эл
Верланымаш Йошкар-Ола
Сайт dm-mari.ru

Марий Эл Республикысе самырык-влакын полатышт (руш. Дворец молодёжи Республики Марий Эл) — Йошкар-Олаште верланыше, Марий Эл Республикысе кугыжаныш оксавиктыш тӧнеж, Марий Эл Республикысе самырык-влак политике шотышто комитетын тӧнежше, кугыжанышын самырык-влак политике шотышто чыла йогыныштыжо шке пашажым шукта.

Эртымгорно

Самырык-влакын полатше ончычсо Калинин лӱмеш тӱвыра да технике полатын оралтыштыже верланен. Марий машиначоҥышо заводын  (руш.) (мар. (297 №-ан завод) В. И. Ленин лӱмеш тӱвыра полатым чоҥымыж деч вара, вес обороно ыштыквер, Полупроводник арвер-влак завод (298 №-ан завод), шке аланысе пашаеҥже-влаклан тӱвыра верым чоҥаш тӱҥалын. Полатым 1981 ий 4 ноябрьыште заводын 40-ияш лӱмгечыже да Марий АССР-ын шочмо кечыж вашеш почыныт. Полатлан «пӱтынь ушемысе лужавуйын», 35 ий ончыч колышо, Михаил Калининын лӱмжым пуэныт[1].

Тӱвыра полатым уэмден чоҥымаш

Совет жап деч вара ПАЗ (ЗПП) шке тӱвыра, асулык погыж деч кораҥеш, да Калинин лӱмеш тӱвыра полат Самырык-влакын полатышкышт савырна. Кызыт Самырык-влак полатым тӧнежлышыжлан Марий Эл Республикысе самырык-влакын политике шотышто комитет шотлалтеш[2].

Самырык-влак полатын тӱҥ сомылжо — ваш-ваш пагалыме да шке шонымашым эрыкан каласыме йӧныштӧ самырык-влакын усталык моштымашыштым, уш-акыл поянлыкыштым да пашам ыштен моштымо сайлыкыштым вияҥдаш полшымаште. Пашан тӱҥ йогынжо-влак федерал да кундемысе кӱлешан вашлиймаш-влакым эртараш, нуно тыгай шонымаш дене илат:

  • Самырык-влакым шке кумылын поро (волонтёр) пашашке ушымаш;
  • Граждан тӱняончалтышым вияҥдаш да таза илыш-йӱлам чапландараш;
  • Шочмо Элым йӧратымашым, патырлыкым шуарымаш;
  • Самырык тукымын чонышто пеҥгыде порылык ӱшаным аралаш, еш нерген поро умылымашым вияҥдаш;
  • Самырык-влак коклаште чытымашым да калык тӱвыра кокласе вашкыл вияҥмашым шарымаш;
  • Самырык да йоча мер организаций-влакын пашаштлан полшымаш;
  • Йоча да самырык-влак коклаште осал шӱлышан пашам чарымаш;
  • Самырык-влак политике шотышто кугыжаныш программын увержым илышыш шарымаш[3].

Тыште тыгай кружок ден секций-влак пашам ыштат:

  • «Девишник» мурызо тӱшка;
  • iT-Kids робототехнике;
  • «Разведчик» сар-патырлык клуб да молат[3].

Палемдымаш

  1. ↑ История Дворца молодежи Марий Эл, или кто построил ДК "всесоюзного старосты", <https://www.marpravda.ru/news/gorod/mnogolikaya-kalinka/>. Тергыме: 8 сорла 2025. 
  2. ↑ Структура Комитета молодежной политики Республики Марий Эл (руш.). Комитет молодежной политики Республики Марий Эл. Тергыме кече: 8 сорла 2025.
  3. ↑ 1 2 О дворце молодежи Республики Марий Эл (руш.). dm-mari.ru. Тергыме кече: 8 сорла 2025.

Кылвер-влак

"https://mhr.ruwiki.ru/w/index.php?title=Марий_Эл_Республикысе_самырык-влакын_полатышт&oldid=1233640" гыч налме