Маклашин, Борис Владимирович

РУВИКИ — эрыкан энциклопедий гыч материал
Борис Владимирович Маклашин
Маклашин Борис Владимирович.jpg
Шочмо кече 1953 ий 23 шорыкйол(1953-01-23) (73 ий)
Шочмо вер Самара, Российская Советская Федеративная Социалистическая Республика
Гражданстве  СССР →  Россий
Жанр пейзаж, гобелен, панно
Тунеммаш Российский государственный художественно-промышленный университет имени С. Г. Строганова
Награде
Чаплӱм Honored Worker of Culture of the Russian Federation.png
Заслуженный художник Республики Марий Эл (2002)
Серебряная медаль имени В. В. Верещагина Российская академия художеств

Бори́с Влади́мирович Маклáшин (шоч. 23 шорыкйол 1953, Куйбышев) ― совет да россий тӱвыра пашаеҥ, сӱретче, СССР сӱретче-влак ушемын членже. Йошкар-Оласе художественный училищын директоржо (2000 ий гыч). Россий сӱретче-влак ушемын Марий регионысо отделений правленийын членже (1995 ий гыч). Россий Федерацийыcе тӱвыран сулло пашаеҥже (2012). Марий Эл Республикын сулло сӱретчыже (2002).

Илыш корно

1953 ийыште Самара олаште шочын[1]. 1973 ийыште Пензысе художественный училищым, а 1983 ийыште ― Москосо кӱшыл художественно-промышленный училищым отличий дене тунем пытарен[1].

1983 ий гыч ― специальный, тӱҥ профессионал дисциплиным туныктышо, 1988―1996 ийлаште ― предметно-цикловой комиссийын председательже, 2000 ий гыч ― Йошкар-Оласе художественный училищын директоржо[1][2][3][4].

Тудын изаже ― Россий да Марий Элын сулло врачше Валерий Маклашин[1].

Кызыт Йошкар-Олаште ила, туштак пашам ышта[1].

Усталык корно

1990 ий гыч СССР сӱретче-влак ушемын членже[1][5][6].

С. Г. Строганов лӱмеш МГХПУ-што возымо диплом пашаже Афин калык-влак кокласе выставкыште диплом дене палемдалтын[4].

Гобелен да пейзаж живописьын мастерже семын палыме. Тудын творчествыже Россий кокла аҥан пӱртӱсшым, чодыра да ер-влаклан поян Марий Эл Республиклан пӧлеклалтын. Сӱретчым шкешотан, индивидуальный характерже ойыра. Тудын возымо койышыжо изобразительный искусствышто руш реализмын методологийжым да у фактурный живописьын приём-влакшым ушымо негызеш чоҥалтын. «Ер воктене» (1982), «Сымыктыш» (1983) декоративный панно-влакын, «Покшым» (1987), «Саварий» (1988) гобелен-влакын, «Россий» кинотеатрлан занавесын (1988) да моло пашан авторжо[1][7][8][9].

Тӱрлӧ всесоюзный, зональный, областьысе да республикысе выставкын участникше. 2004 ийыште тудын усталык пашаже-влак Пекиныште ончыкталтыныт. 2003, 2013 да 2023 ийлаште Йошкар-Олаште тудын персональный выставкыже-влак эртеныт[1][6][10][11][12].

Россий сӱретче-влак ушемын Марий регионысо отделений правленийын членже, Марий Эл Республикын Президентше пелен Геральдике Каҥашын, Марий Эл Республикысе Виктер пеленсе декоративно-прикладной сымыктышым, калык промыслым да кидпашам арален кодымо да вияҥдыме шотышто комиссийын, Марий Эл Республикысе кыдалаш профессиональный образований учреждений-влакын директор каҥашын, Марий Эл МВД-н «К» отделже пелен экспертный комиссийын членже лийын[2][4][10]

Б. В. Маклашинын пашаже-влак Россий, Эстоний, Литва, Германий, Голландий, Великобританий, США да Китай тоштерыште аралалтыт[10].

Шуко ий чолган усталык пашам шуктымыжлан да Марий Эл Республикын изобразительный искусствышкыжо надырым пыштымыжлан 2002 ийыште тудлан «Марий Эл Республикын сулло сӱретчыже», 2012 ийыште — «Россий Федераций тӱвыран сулло пашаеҥже» почётан лӱмым пуымо. В. В. Верещагин лӱмеш Россий художество академийын ший медальже дене палемдалтын[2][4].

Суаптар-влак

  • Россий Федераций тӱвыран сулло пашаеҥже (2012)[1][2][4]
  • Марий Эл Республикын сулло сӱретчыже (2002)[1][2][4]
  • В. В. Верещагин лӱмеш РХА-ын ший медальже (2007)[2][4]

Палемдымаш

  1. ↑ 1 2 3 4 5 6 7 8 9 10 Мочаев, 2017, с. 265.
  2. ↑ 1 2 3 4 5 6 Кидшер Маклашин Борис Владимирович (неопр.). Кидшер (22 шорыкйол 2023). Тергыме кече: 13 пеледыш 2025.
  3. ↑ Структура и органы управления образовательной организацией — ГБПОУ Республики Марий Эл «Йошкар-Олинское художественное училище» (неопр.). Тергыме кече: 13 пеледыш 2025.
  4. ↑ 1 2 3 4 5 6 7 Маклашин Борис Владимирович (неопр.). Марийская история в лицах. Тергыме кече: 13 пеледыш 2025.
  5. ↑ Администратор Художник Маклашин Борис Владимирович (неопр.). все-художники.рф (15 вӱдшор 2025). Тергыме кече: 13 пеледыш 2025.
  6. ↑ 1 2 Персональная выставка Б.В. Маклашина "Еще раз про любовь…" | Республиканский музей изобразительных искусств. www.rmii.ru. Тергыме кече: 13 пеледыш 2025.
  7. ↑ Виртуальная выставка ко Дню учителя о творчестве художника-педагога Б.В. Маклашина. rusmuseumvrm.ru. Тергыме кече: 13 пеледыш 2025.
  8. ↑ Художник Маклашин Борис Владимирович — купить картину и другие произведения. artnow.ru. Тергыме кече: 13 пеледыш 2025.
  9. ↑ kolybanov, Пишет kolybanovkolybanov Всеми забытая глушь. Борис Маклашин (руш.). kolybanov.livejournal.com. Тергыме кече: 13 пеледыш 2025.
  10. ↑ 1 2 3 Чем дорожу (руш.). МариМедиа (26 пургыж 2013). Тергыме кече: 13 пеледыш 2025.
  11. ↑ В Йошкар-Оле открывается выставка Бориса Маклашина, <https://mrl.mk.ru/articles/2013/01/22/801320-v-yoshkarole-otkryivaetsya-vyistavka-borisa-maklashina.html>. Тергыме: 13 пеледыш 2025. 
  12. ↑ В точке духовного равновесия: в Йошкар-Оле открылась персональная выставка Бориса Маклашина «Еще раз про любовь…», <https://www.marpravda.ru/news/religiya/v-tochke-dukhovnogo-ravnovesiya-v-yoshkar-ole-otkrylas-personalnaya-vystavka-borisa-maklashina-eshch/>. Тергыме: 13 пеледыш 2025. 

Литератур

  • Прокушев Г. И. Этюды о художниках Марий Эл. — Йошкар-Ола: Марийское книжное издательство, 2003 (ГУП РМЭ Марийский ПИК). — 357, [2] с., [24] цв. ил.: ил., портр.; 25 см; ISBN 5-7590-0899-4.
  • Прокушев Г. И. Маклашин Борис Владимирович // Марийская биографическая энциклопедия / Авт.-сост. В. А. Мочаев. — Йошкар-Ола: Марийский биографический центр, 2007. — С. 222. — 2032 экз. — ISBN 5-87898-357-0.
  • Прокушев Г. И. Очерки о художниках Марий Эл // сост., отв. ред. Чеботкин В. А. — Йошкар-Ола: Марийское книжное издательство, 2016. — 336 с.: ил.
  • Прокушев Г. И. Маклашин Борис Владимирович // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 265. — 606 с. — 1500 экз. — ISBN 978-5-905314-35-3.
  • Рукова А. В точке духовного равновесия: в Йошкар-Оле открылась персональная выставка Бориса Маклашина «Ещё раз про любовь…» // Марийская правда. ― 2023. ― 4 февраля.

Кылвер-влак

"https://mhr.ruwiki.ru/w/index.php?title=Маклашин,_Борис_Владимирович&oldid=1209604" гыч налме