Макарова, Раисия Васильевна

Раисия Васильевна Макарова
Шочмо кече	4 ага 1949(1949-05-04) (76 ий)
Шочмо вер	Изи Илешъял, Сердежское сельское поселение[d], Шернур кундем, Марий Автоном Совет Социализм Республик, Россий Совет Федератив Социализм Республик, Совет Социализм Республик-влак Ушем
Эл	Совет Социализм Республик-влак Ушем  Россий
Паша сомыл	театр актёр

Раисия Васильевна Макарова (1949 ий 4 майыште шочын, Шола Изи Шернур, Марий АССР) — совет да Россий театр актрисе. Марий Эл Республикын калык артисткыже (2000).

Биографий

1949 ий 4 майыште Марий АССР Шернур район Шола Изи Шернур ялыште кресаньык ешеш шочын. Изиж годсек мураш йӧратен, усталык самодеятельностьышто участвоватлен, туге гынат ончыкылык профессийым ятыр жап рашемден кертын огыл. Да школ деч вара вигак ял клуб вуйлатышылан шогалын, комсомол организацийын секретарьже лийын. Вара Семёновкысо торгайымаш-кооператив техникумым тунем пытарен.

1970 ий гыч Марий кугыжаныш филармоний пеленысе «Марий эл» Кугыжаныш мурышо да куштышо ансамбльын хор артисткыжлан пашам ыштен. [[1971|1971 гыч 1972 ий марте И. С. Палантай лӱмеш Семлык училищын вокал пӧлкаштыже тунемын, но тунем пытарен огыл, молан манаш гын 1972 ийыште тудым М. Шкетан лӱмеш Марий кугыжаныш драме театрыш службыш ӱжыныт, тушеч тетла тудо каен огыл.

Раисия Макарова театрыште «Кориш» спектакльыште вигак Павыл лӱман рвезын рольжым налын. А вара Пётр Рыбаков тудлан лӱмын «Шуматкечын мончашке» пьесым возен, тӱҥалтыш актрисылан тушто ялысе ӱдыр Фенян рольжым ямдылыме. М. Шкетан лӱмеш Марий драме театрыште пашам ыштыме жапыште Раисия Макарова тӱрлӧ планан иктаж шӱдӧ рольым модын, нунын коклаште утларакше комедиян, койыш-шоктышан роль-влак улыт.

Ойырен налме роль ден спектакль-влак

• Павыл — «Кориш» (О. Шабдар),
• Саню — «Чодыра мӱй» (Дикий мёд) (М. Рыбаков)
• Петя — «Янлык суд» (Суд зверей) (П. Эсеней)
• Феня — «Шуматкечын мончашке» (В субботу в баню) (П.Эсеней)
• Тачана — «Ӱжара мурызо» (Певец зари) (А. Асаев)
• Людмила — «Васса Железнова» (М. Горький)
• Варвара «Пытартыш кече» (Последний срок) (В. Распутин)
• Оксина — «Сардай» (М. Шкетан)
• Наташа — «У муро» (Новая песня) (Н. Арбан)
• Ольга — «Корныеҥ» (Посторонний) (К. Коршунов)
• Галя — «Тулар ден тулаче» (Сват и сваха) (Н.Арбан)
• Марина — «Ушкал йомын огыл» (Корова не потерялась) (В. Абукаев)
• Лида — «Кнагари-тывырдык» (Прибайкальская кадриль) (В. Гуркин) и др.

Награде-влак

• СССР Культур министерствын да ВЦСПС-ын «Ялым тӱвыра шефыш налмашын отличникше» оҥеш пижыктыме знак (1988)
• Марий Эл Республикын сулло артистше (1995)
• Марий Эл Республикын калык артистше (2000)