Любимов, Николай Иванович
| Николай Любимов | |
|---|---|
 | |
| Шочмо годсо лӱм | Николай Иванович Любимов |
| Шочмо кече | 1996 ий 16 пеледыш (28 ий) |
| Шочмо вер | Россий, Марий Эл Республик, У Торъял кундем, Элеволко ял |
| Гражданлык |
 Россий |
| Паша сомыл | журналистике |
| Награде да премий |
|
Николай Иванович Любимов (1996 пеледыш 16, Марий Эл Республик, У Торъял кундем, Элеволко ял) — журналист да мер пашаеҥ. Олык Ипай лӱмеш сылнымут, тӱвыра да сымыктыш пашаште Марий Эл Республикысе самырык-влаклан Кугыжаныш премийын лауреатше (2022).
Илыш корно
1996 ий пеледыш тылзын 16-шо кечынже У Торъял район Элеволко ялеш шочын-кушкын. 9-ше класс марте верысе Токтарсола школышто тунемын, вара У Роҥго кунем Ӱшнӱр кыдалаш школышто шинчымашым поген.
2013 ий теле тылзын 15 кечынже йылмызе Андрей Чемышев дене «Кидшер» интернет-журналым негызленыт.
Марий кугыжаныш университетыште Калыкле тӱвыра да тӱвыра кокласе кыл шотышто интститутышто «Педагогическое образование» направлений дене кӱшыл шинчымашым налын (2014—2018).
Марий Эл Республикысе тӱвыра да келшымаш кыл шотышто регионысо «ВийАр» мер ушемын председательже лийын (2016—2018)[1].
2018 ий гыч марий телевиденийыште пашам ыштен. «Марий Эл увер» программын корреспонденте, «Марий Эл увер» эр программын вӱдышыжӧ лийын.
2020 ийыште Марий кугыжаныш университетыште «Финно-угорская филология» программе дене магистр пашам арален. Марий сылнымут да журналистике йодыш дене 30 утла шанче публикацийын авторжо.
2020-2025 ийлаште Марий Эл Республикын Тӱвыра, печать да калык-влакын пашашт шотышто министрын пресс-секретарьже[2].
2025 ий 1-ше вӱдшор гыч Марий Эл Республикын Тӱвыра, печать да калык-влакын пашашт шотышто министрын алмаштышыже[3].
Чап
- «Вячеслав Абукаев-Эмгак» шарнымаш медаль[4] (2018)
- Марий Эл Республикын Тӱвыра, савыктыш да калык-влакын пашашт шотышто министрын Таумутшо (2021).
- Марий Эл Республикын Тӱвыра, савыктыш да калык-влакын пашашт шотышто министерствын Чап таныкше (2022).
- Марий Эл Республикысе Олык Ипай лӱмеш Кугыжаныш самырыктукым премийын лауреатше (2022).
- Марий Эл Республик Кугыжаныш Погынын Тауштымо серышыже (2023).
Библиографий
- Современная марийская лирика: художественные модели мира и поэтика творческой индивидуальности: коллект. монография / Мар. гос. ун-т; Р. А. Кудрявцева, Н. Н. Старыгина, Н. И. Любимов и др.; сост. и науч. ред. Р. А. Кудрявцева. Йошкар-Ола, 2022. 181 с.
- 70 лет: Путь к вершинам мастерства. Министерству культуры, печати и по делам национальностей Республики Марий Эл – 70 лет. – Йошкар-Ола: Типография Правительства Республики Марий Эл, 2023. 96 с.