Кидшер (интернет-журнал)
| Кидшер | |
|---|---|
 | |
| Периодичность | Интернет-журналым кажне кечын уэмдымаш |
| Йылме | руш, марий |
| Эл | Россий |
| Веб-сайт | kidsher.ru |
«Кидше́р» — Марий Эл Республикын калыкле интернет-савыктышыже. Сайтым 2013 ий 15 декабрьыште пашаш колтеныт. Интернет-журналлан тӱҥалтышым компьютер лингвист Андрей Чемышев ден журналист Николай Любимов пыштеныт.
Паша
«Кидшер» мут руш йылмыш «пульс» манын кусаралтеш. Савыктыш Марий Элыште лийше эн кӱлешан событий-влак дене палдара, поснак кугу тӱткышым марий калыкын илышыжлан ойыра[1]. Икымше жапыште сайтыште материал-влак марий йылме дене гына савыкталтыныт. 2016 ий гыч увер-влакым руш йылме денат лудаш йӧн уло. Ресурс чӱчкыдын конкурс, акций-влакым эртара, тӱвыра-туныктымо мероприятийлан партнёржо семын выступатла. 2025 ийыште 1941—1945 ийласе Кугу Ачамланде сарыште Сеҥымашлан 80 ий темме да Ачамландым аралыше-влакын идалыкышт лӱмеш «Кидшер» ден «Рувики» интернет-энциклопедий сар жапыште МАССР-ыште шочшо-влакын подвигышт нерген материал циклым савыктеныт[2].
Николай Любимов изданий нерген:
«Ме шке калык идентичностьна дене кугешнена да марий тӱвыра ден йылмым вияҥдаш тыршена. У вещаний формат мыланна кугу йӧным почеш».
Редакций принцип-влак
Тӱҥ редакций принцип-влак[1]:
- Тергыме да почмо уверлан ӱшанле улмаш;
- Айдемым пагалыме койыш да тӱнямбал идеал-влакын приоритетыштлан ориентаций;
- Тӱвыра-туныктымо да пален налме миссийым шуктымаш;
- Аудиторийын увер кӱлешлыкшым шуктымо паша;
- Савыктымашын сай шанче да сылнымут кӱкшытшым шуктымаш;
- Кумшо лица-влакын права ден кумылыштым, тыгак авторский да кылдалтше праваштым пагалымаш.
Аудиторий
Проектын аудиторийже — 125 тӱжем ушнышо еҥ (2024 ий). Социал вотлаште пайдаланыше-влакын чумыр чотышт: 4700[1].
Суаптар-влак
2016 да 2022 ийлаште «Кидшер» Марий Эл Республикын Тӱвыра, печать да калык-влакын пашашт шотышто министерствын эртарыме «Звёзды Марнета» конкурс кышкарыште марий йылме дене эн сай сайтлан шотлалтын[3].
Палемдымаш
- ↑ 1 2 3 О проекте, <https://kidsher.ru/ru/about/>. Тергыме: 22 идым 2025.
- ↑ «Кидшер» и «Рувики» расскажут о героических подвигах жителей Марий Эл, 2025-02-01, <https://kidsher.ru/ru/news/51360/>. Тергыме: 22 идым 2025.
- ↑ Итоги конкурса «Звезды Марнета» подвели в Йошкар-Оле, 2016-12-13, <https://potokmedia.ru/12981/itogi-konkursa-zvezdy-marneta-podveli-v-joshkar-ole/>. Тергыме: 22 идым 2025.