Лихачёв, Василий Матвеевич

Василий Матвеевич Лихачёв
Шочмо кече	14 шорыкйол 1882(1882-01-14)
Шочмо вер	Чыкма
Колымо кече	21 шыжа 1924(1924-10-21) (42 ий)
Колымо вер	Кисловодск, Терский округ[d], Йӱдвел-Кавказ край[d], РСФСР, СССР
Паша сомыл	революционер, кугыжаныш пашаеҥ

Василий Матвеевич Лихачёв (14 шорыкйол 1882, Чыкма — 21 шыжа 1924, Кисловодск, Йӱдвел-Кавказ край^[d]) — россий революционер, большевик, совет кугыжаныш пашаеҥ.

Илыш корныжо

Приказчикын ешыштыже шочын. Школым тунем пытарымек, 1897 ийыште, Озаҥысе мланде училищыш тунемаш пурен. 1901 ийыште революций пашам ыштымыжлан тушеч кораҥдалтын.

РСДРП-ыш пурен. РСДРП-ын Ӱпӧ оласе, Самарысе комитет-влакын йыжъеҥже, Озаҥысе партий комитетын секретарьже лийын. 1907—1908 ийлаште — РСДРП-се Моско комитетын секретарьже.

Арестоватлыме да Сибирьысе ссылкыш эрелан колтымо, тушечын Японийыш куржын, а тушечын США-ш каен. Америкысе социалист партийын йыжъеҥже.

Февраль революций деч вара Российыш пӧртылын. Угыч Моско партий комитетын секретарьжылан сайлалтын. Октябрь революций деч вара Моссовет пӧлкам, калык озанлыкын моско советшым вуйлатен, Наркомвнешторгысо коллегийын йыжъеҥже лийын.

1924 ийыште колен. Кремль пырдыж воктен некрополеш тойымо.

Палемдымаш

Литератур

• Абрамов А. У Кремлёвской стены. — М.: Политиздат, 1988. С. 150—151. — ISBN 5-250-00071-1.
• Сануков К. Н. Лихачёв, Василий Матвеевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 256. — 606 с. — 1500 экз. — ISBN 978-5-905314-35-3.