Кулёв, Фридрих Григорьевич
| Фридрих Григорьевич Кулёв | |
|---|---|
 | |
| Шочмо кече | 10 пургыж 1941 (85 ий) |
| Шочмо вер |
|
| Эл | |
| Паша сомыл | актёр |
| Награде да премий | |
Фридрих Григорьевич Кулёв (шоч. 10 пургыж 1941, Вытегра[d], Вологодский область) — российысе актёр, драме артист. Марий Эл Республикын калык артистше (1998), Марий АССР-ын сулло артистше (1990), 1971 ий гыч Йошкар-Оласе Георгий Константинов лӱмеш академийысе руш драме театрын труппыштыжо[1].
Илыш корныжо
1941 ий 10 пургыжышто Вологда областьысе Вытегра олаште шочын[1].
1964 ийыште Ленинградысе кугыжаныш театр, сем да кинематографий институтым тунем пытарен[1].
Фридрих Кулёв 1964 ий гыч 1971 ий марте Курскышто А. С. Пушкин лӱмеш кугыжаныш драме театрыште пашам ыштен[2].
Георгий Константинов лӱмеш руш академий драме театрыште Фридрих Григорьевич 1971 ий гыч пашам ышта.
Сымыктыш пашаже
Фридрих Григорьевичын модмо рольжо-влак[2]:
- К. Р. «Иудей кугыжа» — Понтий Пилат
- У. Шекспир «Ромео, Джульетта да моло-влак»;
- А. Толстой «Кугыжа Фёдор Иоаннович» — Борис Годунов
- А. Дударев «Порог» — Буслай
- Э. Рислакки «Ямысыр Эльза» — профессор Харьюла
- Д. Мамин-Сибиряк «Шӧртньӧ пундаште» — Ширинкин
- А. Делендик «Йӧндымӧ айдеме» — Бондаренко
- Марий драматург М. Рыбаковын «Чодыран кундемын легендыже» спектакль — Юзакче
- А. Дударев «Рядовой-влак» — Дугин
- А. Гельман «Зинуля» — прораб
- А. Кудрявцев «Иван ден Мадонна» — Фунтик
- А. Козловский «Редькинын эффектше» — Бриз
- А. Дударев «Саркофаг» — шофёр
- А. Крупняков, Г. Константинов «Тӱҥалтыш» — Ленин
- Я. Стельмах «Провинциалке-влак» — Борис
- М. Булгаков «Кас ӱжараште танго» («Зойкан пачерже» пьесе почеш) — Портупей
- Ф. Достоевский «Идиот» — Иволгин
- У. Шекспир «Укрощение строптивой» — Гремио
- Д. Патрик «Ах, кузе ммыланна кувам чактараш!» («Шерге Памела» пьесын мотивше почеш комедий) — Эмлызе
- Л. Устинов, О. Табаков «Лумӱдыр ден шым гном» — егерь
- А. Пушкин «Изи трагедий-влак» — монах
- М. Макдонах «Инишмаан int.» — эмлызе
- А. Островский «Кажне ушанлан ситышын тыглайлык» — Мамаевын еҥже
- Б. Акунин «XXI курымысо чайке» (чеховдымо комедий) — Пётр Николаевич Сорин
- А. Николаи «Шыже эртымгорно» — Либеро Бокка
- В. Шендерович «Кок суксо, ныл айдеме» — Нотариус
- Е. Шварц «Лум королева» — Йомакче
- М. Бартенев «Ораде Иванушка нерген» — купец
- У. Шекспир «Ромео, Джульетта да моло-влак» — Эскал (театр директор)
- М. Горький «Пундаште» — Клещ, Андрей Митрич, слесарь.
Суаптар да чаплӱм
- Марий АССР-ын сулло артистше (1990);
- Щепкин лӱмеш шарныктыш медаль (1996);
- Марий Эл Республикын калык артистше (1998).
Палемдымаш
- ↑ 1 2 3 Марийская биографическая энциклопедия-2, 2017, с. 239.
- ↑ 1 2 Академический Русский Театр Драмы имени Г.Константинова в Йошкар-Оле, Русский Драматический Театр Йошкар-Ола, театр Йошкар-Ола. web.archive.org. Тергыме кече: 5 кылме 2025.
Литератур
- Кулёв Фридрих Григорьевич // Энциклопедия Республики Марий Эл / Отв. ред. Н. И. Сараева. — Йошкар-Ола, 2009. — С. 469. — 872 с. — 3505 экз. — ISBN 978-5-94950-049-1.
- Мочаев В. А., Терехова А. В. Кулёв Фридрих Григорьевич // Марийская биографическая энциклопедия / Авт.-сост. В. А. Мочаев. — 2-е изд. — Йошкар-Ола: Марийский биографический центр, 2017. — С. 239. — 606 с. — 1500 экз. — ISBN 978-5-905314-35-3.
Кылвер-влак
- Актеры России - Кулёв Фридрих Григорьевич [Центр Информационных Технологий для Театров]. web.archive.org. Тергыме кече: 5 кылме 2025.